|بَـيْـن أَيْـدي الـنُـخْـبَـة الـحَـاكِـمــة|🖤
#365_day ⏳
#في_سجن_الرجال 🔥
#Sya_blm .... Part...36
فالݣراج ديال أنطونيو ݣالس هوا و زهرة .. سادين عليهم فالبيرو و حاط ليها كاس دالقهوة تدفي بيه داتها.. شافت فيه كترمش تالفة .. ماعارفة منين تبدا ليه.. سكتات تا عيات فالأخير تنهدات و بدات كتسرد ليه حكايتها باختصار ..
زهرة .. فعام 1995 ، ماما لي هي نجمة تعرفات على الواليد .. بغاو بعضياتهم و بغاو يتزوجو لكن جدها ما بغاش .. حيت من تقاليد عائلتو الحفيدة الكبيرة تتزوج الحفيد الكبير ، هاد الأخير لي جا صدمهم بلي تزوج بلا خبارهم و مشا بحالو .. و قبل ما يسرط الصدمة لولة جات ماما و واجهاتو تاني بلي تزوجات و حاملة .. جدي ما رضااش على هاد البلان بالمرة...
قاطعها .. جدك ولا جد ماماك ؟
زهرة .. جد ماما هو لي ما بغاش ، اما جدي أنا راه هو نيت لي عاونها ، هو وعمامها بجوج مشاو معاها تا تزوجات بالواليد بلا خبار جدها .. صافي من بعد بابا غبر ، لي عارفني انه جا للمكسيك على ود خدمتو و تقطع ليه الأثر ، من بعد ماما جات تسكن مع جدي لي مابغاش فلول كون ما جدة لي ماتت و طلباتو كون وا لاحها للزنقة
سكتات شوية كتفكر .. شربات جغمة و طولات ليها .. فنفس الوقت نعمظة عينيها تا دمعو.. تلفتات للجنب و مسحات عينيها عاد شافت فيه مكملة هظرتها.
زهرة .. من بعد تزاديت أنا ، أنا لي ماشي أنا بسبب جدي ، حيت ما تسرطاتش ليه بلي تزوجات بلا خبارو و ولدات.. و ضدد فيها فلحظة غضب خداني و أنا باقا صغيرة ، ختني و فالحالة المدنية سجلني باسم و جنس ولد ، كبرت و انا ولد حتى نسيت بتاتا واش تزاديت بنت
نزلات راسها جهة صدرها كتضحك و كملات .. حتى النودز ماعندي كيف الناس بقوة ما لويت عليهم البانضات فصغري وقف النمو ديالهم و انا فعمر 16 العام ، تما بديت كنتريني على الأقل نربي شوية العضلات ههه
أنطونيو .. شنو إحساسك دابا ؟
زهرة .. من اينا جهة ؟
أنطونيو .. راسك
زهرة .. غانكون كدبت عليك الا قت ليك كنحس بشي حاجة من جهة راسي .. واتي كنحس براسي رجل عادي بحالي بحال أي شاب
بقا ساكت كضور هضرها فراسو .. فعلا هادشي ما كيدخلش للعقل .. تصدم من حكايتها و للحظة بغا يكدبها .. بقا تالف و حس براسو داخ من هادشي لي سمع .. واش باقين ناس بحال هاكا ؟ ماعندهم لا احساس لا والو
شاف فيه بذهول و قال .. واش هوما عارفينك بنت ؟
زهرة .. لي كانو فديك الوقت لي عارفين صافي ، يعني جد ماما ، ماماها و باباها ، عمامها و عيالاتهم و ولادهم صافي أما لي تزادو من بعد 1995 ما عارفينش شنو كاين
أنت تقرأ
365 يوم في سجن الرجال (في طور الكتابة)
Acción#365_days_in_men's_prison ♕︎بَــيْـن أيـدي الـنُـخْبَـة الـحَـاكِـمـة...♕︎] _أتمنى مِمن لا يؤمن بما أكتب ان لا يكلف نفسه عناء قراءته... كما ارجوا مِمن يملك قلبا مرهفا عدم القراءة ايضا... و شـكراا..🖤 أبطال استثنائيين ، شاءت الاقدار و لاقاتهم فسجن ال...
