نزل من سريرة بكل هدوء ، يمشي ع اطراف اصابعة للكنتور ، عفس وجهه بقوة لصوت الباب وهو ينفتح ، نزلت عيونة للنايم چفي على وجهه ، مد ايدة ساحل اللاب كوت وملابسة
خطى بهدوء للحمام وبسرعة ذب على نفسة الماي وطلع بس بالشورت ، لزم خصلات شعرة وربطهن بربطة شعر يلبس ملابسة ع السريع بينما عيونة مثبتة على الساعة المتعلگة بالحايط
انتشل بنطرونة الأبيض يلبسة ، ينتشل بعدها قميصة الأسود يلبسة ، وضع بجنطة الظهر كل من ملفات معينة تخص المرضى واشيائة الخاصة ، وصل للباب يفتح بهدوء ، يلقي بعدها نظرة قصيرة على الأبهر قبل لا يطلع ويغلق الباب وراه
يمشي بالممر الهادئ ، بينما عيونة تنظر لساعتة يحاول يضبطها ، رفع عيونة لصوت الباب ينظر لألياس اللي متحظر هو الثاني منتظرة ، تقدم جمر منة يردف كالعادة "صباح الخير "
وضع الياس هو الاخر نظارتة بجنطة جمر يرد عليه وهو يدحس محفظتة بجيبة " صباح النور ، بس لحظة انتظر شوية واجيك " همهم جمر يدير وجهه للدرج يردف بصوت مسموع " راح اسبقك للسيارة "
هز الياس راسة بخفة يدخل لغرفة اخوه يسحل منة بطارية الشحن قبل لا يطلع ويغلق الباب وراه
" صباح الخير ، ها يمة تتريك لو لالة " ردت عليه عنب وهي گاعدة على الكرسي الموجود بطرف المطبخ ، نزل جمر لـ مستواها يبوس جبينها قبل لا ينفي ويردف " لا حجية بالمستشفى واتريگ ، چا مشمورة وين ؟ " نظر نهاية كلامة الها بأستغراب ، حلت عنب شيلتها تبين خصلات شعرها البيضة تردف قبل لا ترتشف من الجاي شوية " راحت لبيت ابو ريسان ام ريسان شوية تعبانة "
حس بخطوات الياس وهي تتقدم بأتجاهم ، التفت جمر على الياس يشمر سويچ السيارة عليه وبحركة لا ارادية رفع الياس ايدة يحاول امساك السويچ وبالفعل نجح بهذا الشي ، ابتسم جمر بوجه عنب قبل لا يترك المطبخ ويطلع يتوجه لكراج البيت وعيونة تدور على سيارتة
" اليوم عدك خفارة ؟ " سأل الياس وهو يحرك السيارة يشمر اللاب كوت بالمقعد الخلفي ، نفى جمر يترك جنطتة ايضا بـ المقعد الخلفي " لا خفارتي يوم الثلاثاء "
" خوش اني هم خفارتي يوم الثلاثاء " ردف الياس وهو يسوق ، همهم جمر بخفة يثبت انظارة على الطريق يعاين الناس بشرود ، واضع ايدة على خدة يحس بنعاس وخمول " گواد غير تشغل الأشارة " صاح الياس بصوت عالي ماد راسة من الجامة يقصد السيارة الثانية اللي نظرلة صاحبها وشتم
" شكو شبيك ؟" ردف جمر بعدم فهم ، مسح الياس على وجهه بخفة قبل لا يوضح " المطي يريد يروح يمنة ولا اشارة ولا شي گبل لاف اجيت ادعمة الگواد" هز جمر ايدة يرد عليه " هيج شكولات مطي اليحط سيارة بأيدهم ، عبالهم الشارع فارغ "
