صفنوا بوجوه بعض يحاولون يستوعبون اللي جاي ينطق بي المحامي بعلامات استفهام تكونت فوك روسهم ، الاستغراب بين على ملامحهم، والعقل يريد يجواب يشفي الفضول والسبب اللي خلة احمد ينطي الورث كلة لجمر، سكت الكل وبس صوت المراوح يبين من هدوئهم، ما يعرفون اصلاً شنو يحچون يبدون يستفسرون
" شلون يعني ، كلشي عند احمد يصير بأسم جمر " فززهم وانتشلهم من الشرود صوت راشد المعترض يردف بحدة بوجه المحامي اللي رفعلة حاجبة بعدم اعجاب لأسلوبة الخايس، بس مع هذا تغاضى التصرف هذا ورد عليه " اي المرحوم هيج موصي بالوصية ولازم امشي بالمكتوب بالورقة بس " وگف راشد وهز راشة بالنفي يرد عليه بوجه متجهم منزعج كلش ومن حجية ودة ياكل جمر اكل بسنونة يصيح ما راضي " وعلى اي اساس تصير الفلوس والعقارات كلها بأسمة، ياريت ابنة هو ، حتى مو ابنة هو ابن اختة ليش يخلي كلشي بأسمة وينسى ولدة وبنتة ومريتة ؟ "
" واني شدراني روح لگبرة واسئلة وعود بالحلم يجي ويگلك السبب، اني ياهو مالتي اخي اني العلية امشي بالمكتوب بالوصية "
رد عليه المحامي وهو منزعج من سؤاله الغبي هذا، رفع جسام راشة وردف بهدوء مخلاف لعصبية وتهجم راشد " زين اخي هم موضح بالوصية شنو السبب لو لا؟ " رجعت عيون المحامي للورقة وردف " لا خوية بس هذا المكتوب ، ما مكتوب السبب وتوضيح " يرفع راسه من الوصية وينظر بيها الهم بملل بكل مرة يخلص ويريد يطلع حتى يخلص من الرطينة هاي يطلعولة بسالفة جديدة
لوهلة حس جمر بشي خطأ، ينظر للگاع بتفكير يحس راسة راح ينفجر من كد الالم، حس بأيد الابهر وهي تلامس جلد ظاهر ايدة بشكل خفي وسريع، تنهد وارتسمت على خدة ابتسامة صغيرة قبل لا يمحيها ويرجع وجهه هادء ينظرلهم ويشوفوهم وهمة ماكلهم الفضول والاستغراب لفعل احمد هذا وتفضيلة لجمر على اهل بيتة
" اني عمهم وخايف على حقهم، ما يصير كلشي تعب بي احمد اخوي يروح كلة لجمر واهل بيتة ما حصلوا فلس واحد يعينون نفسهم بي شوية، وبعدين شبيك هيج وجهك يتلاطم ما راضي وكوة عليك تحجي عيني هو كلك خلك محامي " نطق راشد وهو يرسم ملامح جدية وحادة غلى وجهه منغبن من فكرة جمر يحصل الورث كلة وهو كاعد وساكت سعرت النار بصدرة يتكاثر الحقد والغل بصدرة ناحية جمر اللي اصلاًما منطي اهتمام منتظر جواب المحامي اللي رجع الورقة للملف وردف بعد ما نزع نظارتة
" وجهي يتلاطم من هذرتك الما الها داعي، من الاخير ناركم تاكل حطبكم اني رجال اجيت وسويت العلية وراح ابدي امشي بأوراق الورث، تريدون تعترضون ذيج المحكمة وقدموا اعتراض وعود القاضي يقرر ويحللكم السالفة، غير هذا ما عندي الكم بعد شي ارفع الرخصة لازم اروح " رد عليه المحامي بنفس اسلوبه يردف بصوت عالي نسبياً ما مهتم اصلاً لمكانة ومنو هو يريد بس يطلع من المكان المخنوك هذا ويخلص من رطينة الرجال هذا الصار بنظرة رجال مسموم
