.
" استغفر الله ربي ، عمي گتلك البت ما رايدها " ردف بصوت عالي بعد ما مسح وجهه ، يتنفس بعدها بهدوء وعسى ولعل يفيد بتهدئة نفسة ، بينما المعني گاعد گدامة
" الحجي ما ينعاد مرتين ، گتلك البت تزوجها يعني تزوجها شني تريد تفشلني بين خلگ الله "
وضع ايدة على خصرة يتنفس بسرعة ينظر لأبوه بغضب ، بانت عروگ رگبتة يرد عليه بصوت عالي تسلل لخارج الغرفة " عمي افهم افهم البت حتى ما تدني نفسي عليها شبيك انتَ ما جاي تفهم ، البت ما رايدها ولا حابها ولا شي عليش اربطها بية واعلعل بيها ، شذنبها توگع ضحية لطياح حظك " انفلت وحچة ناسي ان الگدامة هو ابوه ، غير مهتم لعواقب كلامة هذا
التف وجهه للجهة الثانية محمر خدة اثر سطرة ابو القوية الوگعت على وجنتة الصافية ، تأوة بألم يمسك فكة يحس بشي يسيل من طرف عينة
" من احچي اني واقرر كلشي ينتهي ، وصوتك هذا ما يعلى علية فاهم ، ادوس راسك دوس برجلي لو سمعتك معلي صوتك علية فاهم " رفع رواد عيونة وبكل جرأة حطهن بوسط عيون ابوه يرد عليه غير مهتم لليصير بعد كلامة هذا ، مطلع الكلام المكتوم بصدرة
" والأمير علي افشلك گدامهم واخلي السلف كلة يدري بية نفسي تدني عالزلم ، ابنك اني ليش تعذب وتعلعل بية ، تدري بية ما احبها ونفسي ما تدني عالنسوان ، ليش جاي تجبرني اتصرف من يمي وانسى انتَ ابوي ، وحگ علي لو ما سويت الأريدة اخليها كلها تعرف حفيد الشيخ سبهان ابن الشيخ المستقبلي راشد نفسة تدني عالزلم واخلي ماي وجهك يتبدة
"
صاح بعدها بصوت عالي يتمسك بأيد ابوه اللي عتت شعرة عت لدرجة تگطع كم خصلة " تنچب وتاكل تبن ، وحق علي حظك اطيحة واكسر ضلوعك تكسر لو نطقت بحچاية "
خرجت بعدها صرخة قوية بعد ما حس برجل ابو نبتت بضلوعة غير مسيطر على دموعة النهطرت بسرعة لألم ضلوعة ، تكور حول نفسة يلزم جهة ضلعة يتلوى بألم يصرخ لربة الخلقة بعيون تذب مايها
صارت هوسة ، وما ينسمع بصوت صياح جمر والياس وام رواد ، صوت المراگع ورجلين الياس وجمر التدافر بالباب " افتح الباب " صاح الياس بصوت عالي يطگ الباب بأيدة بقوة خلت جزء من الباب ينكسر
تأوة رواد بقوة لأيد ابوه العتت شعرة من جديد يجبرة عالوگفة " ان سمعتك ناطق بحچاية انحرك ، فاهم " ردف نهاية كلامة يسطرة من جديد على خدة جارحة جرح ثاني بحافة المحبس
التفت للجهة الثانية بعد ما وگع الباب على طولة ظاهر من وراه هيئة كل من جمر والياس الغاضبة ، ركض الياس لازم ابوه من خوانيگة يصرخ بي
