အင်း ဒီနေ့ဆိုရင် အီသန်နဲ့တွဲတာ တစ်ပတ်တောင်ပြည့်ပြီ၊ အီသန်နဲ့ဆို ပျော်ရွှင်ရတယ်လို့ထင်တယ်။
သူ့မျက်နှာတစ်ချက် အပျက်မခံတဲ့ အီသန်ဟာ လိုလေးသေးမရှိအောင် ချစ်ပေး၏။
အီသန်က သူ့အတွက် တကယ်အားဖြစ်စေတဲ့ ကံကြမ္မာက ပေးတဲ့ အားဆေးလေးလိုပဲ။
ပြီးတော့ အီသန်က တကယ့်အချစ်ခံလေးလေ။
ဆူးတို့နဲ့ စကားပြောနေချိန် မက်ဆေ့ဝင်လာတယ် အီသန့် ဆီက။
* ကျောင်းနောက်မှာလာတွေ့ပါ ရည်းစားလေးရေ *
ရည်းစားလေးရေ?။ မသိမသာ သိသိသာသာပျော်ရွှင်သွားတဲ့ မျက်နှာလေးနဲ့ အပေါ်သို့ ကွေးတက်သွားတဲ့ နှုတ်ခမ်းတစ်စုံ။
အီသန့်ရဲ့ အမိန့်အတိုင်း ကျောင်းနောက်ကို သွားတော့ တစ်နေရာမှာ ထိုင်နေတဲ့ အီသန်။
" ပြောလေ အီသန် "
" လာပါအုံး ကောင်လေးရဲ့ဖက်ထားချင်လို့ "
ရောက်သွားတာနဲ့ အလွမ်းသယ်ပြီ အီသန်ကတော့ မတွေ့ရတာလဲမဟုတ်ပဲနဲ့ ကျောင်းခန်းက တစ်ခန်းထဲဟာကိုမှ။
" အပိုတွေ လုပ်ပြီ၊ တော်တော့အတန်းသားတွေတွေ့သွားမယ် "
" တွေ့တော့လဲဘာဖြစ်လဲ မင်းကကိုယ့်အပိုင်၊ မင်းနားမှာကိုယ်ရှိတယ်အဲ့တော့ဘယ်သူမှ
ဂရုမစိုက်နဲ့ "
" ဂရုစိုက်နေတာမဟုတ်ဘူး အီသန်ကို ရွံစရာကောင်းတဲ့ မျက်လုံးတွေနဲ့ ကြည့်ကျမှာကို မလိုလားတာ "
" အဲ့လိုကြည့်ရင် မျက်လုံးတွေကိုဖောက်ထုတ်ပစ်မှာပေါ့ "
အင်း..အီသန်က တစ်ခါတစ်လေလဲ ဒီလို ကြောက်စရာကောင်းတဲ့ စကားတွေပြောလေ့ရှိတယ်။ ဒါပင်မဲ့ ဂျိတ်ခ်အတွက်တော့ ကြောက်စရာကောင်းတဲ့ စကားတွေပြောတတ်တဲ့ အီသန်က ချစ်ဖို့ကောင်းတယ်လို့ထင်မိပါရဲ့။
" ကိုယ်မေ့တော့မလို့လေ ရော့ "
ဘူးနီနီလေးအား ဂျိတ်ခ်ဆီထိုးပေးလာတဲ့
အီသန်။ သေချာပါပြီ ဒီတစ်ခါတော့ သူတို့ရဲ့တွဲတဲ့ date ကိုတော့ မှတ်မိသေးလို့။
ဘူးနီနီလေးထဲနေရာယူနေတဲ့ စိန်စီထားတဲ့ လက်စွပ်လေးတစ်ခု။ အီသန်လီ သူဌေးမှန်းသိသာလွန်းပါတယ်။
YOU ARE READING
He doesn't like cigarettes ✓
Фанфик" ဘယ်လိုလူမျိုးကို မုန်းလဲ ဟျောင်း " " ဆေးလိပ်သောက်တတ်တဲ့လူမျိုး "
