🔥🔥 #وجهان_مختلفان 🔥🔥
( #الفصل_الثالث)
بقلم ===> Witta 🤓
#الجزء_440
ركب فطموبيلتو و شد الطريق الرجعة لرباط كااايفكر فدعاء و كااايتنهد حتى صونا تليفونو بنمرة زهير.....
علي : الو
زهير : افيييين العشير لاباس؟؟؟
علي : الحمد لله و نتا؟؟؟
زهير : بيخير الله يحفظك ليا... دوز لقهوة **** راه جالسين تما انا و معتز
علي (مركز مع الطريق) : مكاااينش انا فالرباط عاد جاي ليها
زهير (بقلق) : علاش فيينك ؟؟ ياك لاباس ؟
علي : لا والو غير خرج ليا واحد الغرض و جيت نقضيه
مابغاش يعاود ليه لبلان فالتليفون حيت خافو يقولها لختو و ختو تقولها لراجلها و يتشوشو وهما بعاد.....
زهير(بتفهم) : ايوا صافي مرة أخرى
علي : غدا دوز لكلينيك نديرو شي قهيوة و قولها لمعتز حتى هو.... انا هاد الايام عندي الخدمة كثيرة مانقدرش نتلاقى معاكم من غير فالكلينيك عندي
زهير : ان شاء الله
قطع معاه و زاد فالطريق كايحس براسو عيان باغي غير ايمتى يوصل لدارو و ينعس..... اما زهير حط التليفون و كمل جماعتو مع معتز حتى وصلات لحداش ديال الليل عاد ناضو كل واحد مشى لدارو.....
معتز شد الطريق لدارو حيت مني داز لدار مو تغدا و هز مهى وصلها لدار عاد خرج عاوتاني ظل فالخدمة حتى صونا ليه زهير و خرجو تلاقاو فالقهوة..... وصل لدارو كاقرقب فالسوارت و طالق ودنيه باش يسمع حسها و يعرفها فين كاينة.... سمع الصوت فالكوزينة و توجه ليها ساعة قبل مايوصل خرجات عندو بابتسامة
مهى(خرجات عندو قبل مايدخل عندها هو لا يصدق مقنتها عاوتاني فالكوزينة) : جيتي
معتز :جيت " جرها من يدها حتى تخبطات معاه و باسها ففمها" اش كاديري
مهى : كانوجد العشى
معتز(كايداعب خصلات شعرها لقصير) : حنان مكايناش؟؟؟
مهى : انا لي صيفطتها ترتاح "بدلع" بغيتك دوووق طيااااابي حيت ماكتابش ليك دوقو لبارح
معتز (حط يديه على مؤ ***خرتها) : لبارح دقت ماحسن من الطياب
مهى (تزنگات) : خليني نمشي نكمل راه درت ليك گراتان بحال ديال لبارح لي ماكليتيش
معتز (رخف منها) : اووك انا غانطلع نبدل و نزل
مشى طلع لبيت بدل عليه و نزل لقاها حطات العشا فوق الطبلة و كاتسنى فيه... جلس حداها كايشوف فالمول ديال الگراتان لي كايبان كااايشهي..... قطعات ليه منو و حطات ليه عاد حطات لراسها.... هز الفورشيطة داق وهي حاضية ردة فعلو
