🔥🔥 #وجهان_مختلفان 🔥🔥
( #الفصل_الثالث)
بقلم ===> Witta 🤓
#الاجزاء_الاخيرة
جلسو بلايصهم من بعد ما طمنو علييها و حسات براسها بخير... جات النقاشة لي غادي تنقش لييها بدات خدمتها وهي جاالسة كاتبتاسم للمصورة و للحضوور... دعاء و إيمان و خولة لي عاد وصلات جاو جلسو حداها شاادين معاها الجماعة وكل مرة يتسيلفاااو مخليين صور للذكرى..... حتى نشفات الحنة و حيدوها لييها مع سالاو تسمع صوت الدقايقية داخلين من باب القاعة... امينة و خواتاتها و خوها كانو سبقو لباب معاهم محمد امين و خديجة مشاو باش يستقبلو نسابهم.... دخل معتز بجلابة بيضة عندها السفيفة بالخضر معاه مو و ايلا و ولدها و عمتو و عائلتو كاملة لي جات تحضر معاه لهاد المناسبة لي شحال وهما كااايتسناوها....وراهم جايين رجال بسلاهم بيضين و طربوش أحمر فوق الراس هازين الطيااافر لي محملين و مجملين كل مكاااايخص العروس من مكيااااج و عطوور و ثواب و ملابس و ذهب بلا مانساو الحنة و التمر معمر و الشكلاط....
معتز كاايسلم علييهم باغي غير يسالي و يمشي عند عروستو... شدوه علي و زهير كاايبااركو ليه بفرحة وهو عينيه على مهى لي جالسة فالبرزة بالفوال مكايبانش وجهها، حتى هما فهمو رااسهم و خلاوه يتقدم عندها.... غادي بخطوات موزونة عاطيينو هبة خاااصة مع ابتسامة خفيفة على شفايفو حتى وصل عند مهى لي عرقات و نشفات فبلاصتها... هز ليها الفوال على وجهها و نطق بشووق
معتز : توووحشتك
مهى (بابتسااامة) : حتى انا "تحدر باااس ليها حنكها وهي تخرج عينيها" ويلي بوووسني فراااسي
معتز (باسها فراسها و جلس) : هاني الاالة...
شابك يدو مع يدها حطها على فخضو كااايوشوش ليها وهي كااضحك مزنگة...
عند دعاء و إيمان لي كانو جالسين فطبلة ديال العائلة حتى وقفو عليهم فاطمة و أيلا كاايسلمووو هاد الأخيرة وصلات عند دعاء وهي تحدر عندها سلمات عليها مترددة ماعارفاش تصرفها كيفاش غادي يكون ساعة دعاء سلمات عليها عادي.... مشات جلسات أيلا جنب إيمان بينها وبين دعاء جوج كراسة خااويين دورات وجهها حاضية أيلا حتى جلسات وهي تنوض جلسات حداها كادور فعينيها.... كل شوية تكحز بالكرسي و كاتشمشم حتى كاايتغمضو عينيها ، صبرات حتى عيات وهي تنطق
دعاء : ريحتك زوييينة
أيلا (باستغراب) : نعام
دعاء ( كاتلعب باطراف فولارها بتردد) : قلت ليك رييحتك زويينة اشنو سميتها ؟؟
إيمان (سمعاتها اش قاالت و هي طلق ضحكة بالجهد شادة على كرشها) : ههههههههه لا لا ماتقوليش ليا جاك لوحم على أيلا
أيلا ( ضارت عندها) : حاااااملة
إيمان : ايييه يالالة و بالتوام
