🔥🔥 #وجهان_مختلفان 🔥🔥
( #الفصل_الثالث)
بقلم ===> Witta 🤓
#الجزء_614
بعد إقناع الطبيب خرجو من عندو من بعد ما تافقو مع الممرضة لي كانت من عندو ولي غادي تكلف بيزة.... هاد الاخيرة لي ضارباها بصقلة غير مرة مرة كاتقفزهم مني كاضحك بالجهد ولا تبدا تهرنن.... شافت مهى فمعتز لي صاايگ بهدوووء مقاابل الطريق و نطقات
مهى :معتز ياك ماعندكش مشكل مني قتارحت عليهم تبقى معايا.... جاتني خطر إلى مشات عند خالتي إيمان لي حاملة تقدر دفعها من الدروج ولا دير ليها شي حاجة.... و فالمعقول انا لي خاصني نهزها راه كاتبقى مي براكة غير هادشي لي داااز عليها
مني عطات امينة اقتراحها طلبات مهى باش تبقى عندها هي يزة واخة أمينة كانت باغة ديها عندها ولكن مع اصرار مهى خلاوها على خاطرها.....
شاف فيها معتز كاايتصنط اش كاتقول حتى سالات وهو يجرها عنقها بيدو و اليد الثانية كايصوگ بيها....
معتز : هاد القلب البيض لي عندك هو لي خلاني نعشقك
مهى (بابتسامة دابلة) : مامقلقش ياااك
معتز : علاش غادي نتقلق انا معاك فاي قرار خديتيه وهادي كاتبقى ماماك مابقى ليها حد نتي لي عندها دابا
مهى (شافت فيها من المراية) : الله يسمح ليها
شكون قال الدنيا تقلب و مهى لي كانت كاتكرهها يزة و دايرة ليها بحال الجفاف هي لي غادي تهزها نهار تحماق و يطير ليها الفريخ..... كون كانت يزة بعقلها دابا كون كلات راااسها بالندم على اشنو دوزات فحياتها، غادي تندم على معاملتها لمهى و غاتندم على تشجيعها لاشراق على الف **ساد وغادي تندم على هادوك لي ظلمات ولي ضرات...ولكن هي ماتستاهلش الندم و ماتستاهلش التوبة حيت مني كانو عندها فرص كثيرة ماستاغلاتهمش و كملات فطريقها لي ما داها غير للهاوية... هاهي دابا كاتخلص على كلشي....
*****
اليوم اللول لي دوزات فدار مهى دوزاتو بسلام عطاتها الفرملية دواها و نعسات مفاقت حتى لصباح جات طلات عليها مهى و خلاتها مع الممرضة مقابلاها....
وصلات لعشية و تجمعو عندها كاملين امينة و ايمان و فاطمة و ايلا، دعاء الوحيدة لي مجاتش كاتوجد لسفرها مع علي....
أيلا : كي بقات ماماك
مهى : شوية الحمد لله راها مكالمية اليوم شوية
فاطمة : الله يكون معاها ابنتي
مهى : اميييين
ناضت كااتحط ليهم كاسكروط هي و خولة هاد الأخيرة لي غير جلسات وهي تخاطبها إيمان بابتسامة باغة تهرس الجو الكئيب لي جالسين فيه....
