🔥🔥 #وجهان_مختلفان 🔥🔥
( #الفصل_الثالث)
بقلم ===> Witta 🤓
#الجزء_457
إيمان (دارت يدها على خدها) : عاد داويين على الهضرة الخااايبة
زهير(بعصبية) : وااااااش باغة ديري ليااااا درس فالاخلاق اش جاااااي يدير دااااك لخرااااا تما
إيمان :اش عرفني اناااااااا بحالي بحااااالك خرجت لقييييتو فالباب
زهير : الله يعميها لمووو
قلبات وجهها كاتسوط وهو كثر منها ولكن سرعان ما تفكرات اشنو قاليها خالها وهي تشدها الضحكة عاااوتاني.... ماعرفات تضحك ولا تخاااف.... كاتخيييل ردة فعل زهير مني يعرف و كاتبتاسم و فنفس الوقت مخلووعة حيت عارفة بلي تسعين فالمية غادي يكعا و يقربلها عليييهم.....
*********
مني فاقت فالصباح اليوم باش تمشي لسطاج لبسات حواايجها و نزلات تفطر لقات ماماها فااايقة و كاتسناها
دعاء : شفتك فااايقة بكري اليوم
عائشة : فقت باااش نعطيك واحد لحاجة... كي صبحتي نتي ؟؟
دعاء : بخييير "بفضول" اشنو بغيتي تعطيني....
عائشة (مدات ليها واحد لبواطة) : هاكي هادي عطيها لأستاذ ديالك قولي ليه صيفطاتها ليك ماما
دعاء : اويلي على نقووليه صيفطاتها لييك ماما " حلاتها لقات فيها الحلوة" باشمن مناسبة هادشي
عائشة : حيييت عاونا "ضرباتها لراسها" واااش انا نبقى غير نعلمك مكاتعرفيش تجيبي من عندك ولا نتي كااتعرفي غير تلووزي فالعراسات
دعاء (سااااطت) : اش جاب هاد لهضرة دابا
عائشة : يا بنت كرشي غير قولي ليا واش كاااينة شي وحدة كاتعرف واحد بحال الاستاذ ديالك و تفلتو..... هذاك راه خاصك تبقاي تلحلحي عليييه حتى تجيبيه بين يديك و كيف كايقولو اللحلاحة غلبات السسحارة....
دعاء : كيفاش نتلحلح "دارت يدها على خدها" اويلي اماما بغيتيني نخرج الطريق
عائشة (طلعات معاها بقرصة) : الله يقلل حيااااك الحمااارة.... انا كااانهضر على الزواج
دعاء (بطنز) : دابا غادي نمد ليه جوج حلييوات و غاينوض يتزوج بيا
عائشة (ناضت معصبية) : خااااصني لعقل لي داااوية معاك " هزات صبعها" إلى ماديتيش ليه البواطة نخرجك فالجورنال
مشات خلات دعاء غير كاتشوف هاد الأخيرة ماكرهاتش كلام ماماها يكون صحيح.... مها كاتقول ديك الهضرة باش دخلو ليها فراسها و دير داكشي لي نصحاتها بيه معارفاش بلي بنتها طاايحة فيه من زمان.....
ركبات فطموبيلة باها كيف العادة و نطالقات فاتجاه الرباط.... وصلات لكلينيك مشات لبسات الطابلية و خبات البواطة فالخزانة لي كاتحط فيها صاكها و مستلزماتها عاد خرجات سولاتهم فالاستقبال على علي خبروها بلي مزال مجاش.....
أنت تقرأ
قصة وجهان مختلفان " بالدارجة المغربية "
Literatura Kobiecaقصة وجهان مختلفان " بالدارجة المغربية "
