🔥🔥 #وجهان_مختلفان 🔥🔥
( #الفصل_الثالث)
بقلم ===> Witta 🤓
#الجزء_422
جرها معنقها بالجهد و كاااايمسح دموووعها مصدووووم من هادشي لي سمع مااااترقعش أنها تكوووون عاشت طفولة مأساوية بحال هادي..... قطعات ليه فقلبو و مالقاش الكلمات لي يوااسيها بيهم.... فمو تلجم حدو بدا كااايطبطب عليها بحنان و صدرو كاايطلع و ينزل بعصبية و هادشي غير سمع شوية من بزااااااف....
مهى قلبها تزير عليها تخشات فعنقو كاااتنخصص حيت وهي كاااتعاود ليه داز شريط طفولتها المشؤوم قدام عينيها بحالا كاتفرج فشي فيلم.... بكات حتى تفشات واخا الكية لي فقلبها مابرات و هزات فييييه راسها عاوتاني عينيها حمرين و رموشها كاايقطرو بالدموع
مهى (بشهقة) : هءهءهء هكا داااازت طفوووولتي.... ما لعبت بحال لبنات ماعشت طفولتي بحال الدراري الصغار لي فسني هءهءهء تكرفصت و تعدبت لا فطفولتي لا فمراااهقتي... عمري سمعت كلمة بنتي من فم ماما ولا كلمة ختي من فم إشراق بالعكس كااانو ناكريني قدام الناس الربانيين غير العائلة و الجيران لي عارفيني بنتها أما مني كانخرجو و كاايديوني باش نهز التقدية ماشي باش نفوج لي سولها شكون هادي هءهءهء كاتقوليه"بصوت مجروح" هءهءهء كاتقوليه الخدامة ديالي
كاتبكي بحرقة و حزن كااايبين شحال هي مجروحة و مقسحة من هاد الناحية..... لي داز عليها ماشي قليل من نهار حلات عينيها فالدنيا وهي فالتكرفيص... كتاكل لعصا و كاتسمع السبااااان و تسكت حيت الى دوات غتاكل لعصا عاوتاني..... عاودات لييييه على طفووولتها و على معاناتها مني كانت كاطلع لسطح تصبن المانط فعز البرد حتى كااايتنفخو صباع رجليها و يزراقو ... و فالليل كاتبات تبكي بالحريق لي كااايجيها من داك البرد لي ظلو فيه رجليها....
معتز كااايسمع فيها و كايزير على سنانو مغدد... كون يشد يزة و بنتها بين يديه يشعل فييييهم العافية على هادشي لي دارو فحبيبتو و روحو كيف كااايسميها....
مهى ( هزات راسها لسما كاااتسوط حيت تخنقات بالبكا) : اووووف هءهءهء اووووف
معتز (ناض جالس على ركابيه قدامها... خلعاتو) : مهى تهدني صاااافي تهدني"شد وجهها بين يديه كايمسح دموعها بابهامو حجبانو معقدين" صافي حبسي ماتزيديش تكملي
مهى(حركات راسها بالنفي) : لا لا لا خليني نكمل هءهءهء "بلعات ريقها" بغيت نشرب
معتز(ناض طاااير لطبلة لي عندهم فالبيت حدا الفوتوي خوا ليها لما فالكاس و مدو ليها لفمها ) : هاكي شربي بالشوية عليه
مهى (شدات معاه الكاس كاتشرب حتى شبعات و تسناتو حتى حط لكاس و كملات كلامها) : تخييييل مني كنت باغة نغسل كاااايعطيوني غير القرعة ديال الشومپوان مني كاتخوا كاندير فيها الما و نخلطو و كانخويه على راسي و الصابون كاااانهز هداك ديال الطواليط كانغسل بيه لحميييي هءهءهء "رجعات لبكاها" تخييييل مني كاتجيني ليغيگل على غفلة كااانقطع من حوااايجي و ندير لخروق و مني كاايعمرو كانصبنهم هءهءهء اولويز كنت كانشريه مرة مرة بالفلوس لي كان كايعطيني بابا و كانخبيهم
