🔥🔥 #وجهان_مختلفان 🔥🔥
( #الفصل_الثالث)
بقلم ===> Witta 🤓
#الجزء_462
الضحكة بغات تفلت ليييها فهاد اللحظة عيات تحبس فييها ولكن بانت التبسيمة فوجهها..... ديما كااايسالي معاها بكلامو كايخليها غير كاتشوف... لي يشوفو دابا مايقولش هذا هو لي كان غايريب الدنيا فالصباح....
بتاسم حتى هو مني شاف التبسيمة غاتفلت ليها وهو يجرها من خصرها عاوتاني بيديه لباردين....
زهير : ضحكي الزين ماااتحبسيهاش
إيمان (حيدات ليه يديه و بعدات جارة تريكو ديال الپيجامة كاتلبس فيه) : خليتي ليا علاش نضحك
زهير (بطنز) : كون عطيتيني زيزا كون ضحكنا بجوج
إيمان (لبسات سروالها و تمات غادية) : انا داااااوية بالصح و نتا كااااطنز عاوتاني
زهير (جرها من دراعها و نطق بجدية) : لواااليدة عندي خط احمر ا إيمان
إيمان (عقدات حجباانها) : ماااختالفناش فهاادشي ولكن باااااش تبدا تعاااير ليا فخااالي و تبغي تحرمني من المشية عندو فهذا ماشي تصرف
زهير : نتي عارفاني مني كااانتعصب مكانبقاش نريزوني و مااانكدبش علييك خالك مغاديش نقدر نتعامل معاه بعد هادشي.... حيت غييير غادي نشوفو غادي نتفكر داكشي لي قلتي فالصبااااح " زير على يدو" هاديك الهضرة ماانقدر حتى نعاودها بيني و بين راااااسي حيت دمي كاااايحمى "كايقصد مني سمعها كاتقول خالو بغا يتزوج مو"
إيمان : ماقلتي عيب اولد الناس "جااات تمشي و وقفها عاوتاني" نعام ازهير نعاااام
زهير (بلطف) : إلى بغيتي نتي تمشي تزوريه سيري ولكن باش يجي هنا مااايمكنش اايمان
إيمان (تنترات منو) : تصبح على خير ازهير...
مشات جارة پانطوفتها و هو كايشوف فيها.... هي دخلات فبلاصتها و هو مشى بدل عليه و داز لطواليط عاد توجه لفراشو... لقاها عاطياه بالظهر مكمشة فالفراش... تخشى حداها و داعب رجليها السخان برجليه حتى هرباتهم وهو يلصق صدرو مع ظهرها و نطق فودنها بفحيح
زهير : المشعكة مقلقة مني
إيمان (الصمت)
زهير (طل عليها لقاها سادة عينيها و باينة مناعساش) : دوووري عندي راني عارفك فاايقة "والو ماتسوقاتش ليه وهو يقرصها من صدرها" دوووووري لحسك
إيمان (شدات على صدرها قسحها وهي دور عندو) : اححححح واااااش حماقيتي
زهير (نيم فيها عينيه) : من نهار عرفتك و انا حمق "شافها قندشات و كمل" بييييك
إيمان (بغات تعاود دور) : كول ليا عقلي بجوج كلمات
زهير (زير على خصرها ملصقها جنبو) : تبتي لارض رااااه مغاديش نخلييك تنعسي اليوم مقلقة
