🔥🔥 #وجهان_مختلفان 🔥🔥
( #الفصل_الثالث)
بقلم ===> Witta 🤓
#الاجزاء_الاخيرة
صوووت ضحك طفلة صغييرة كااايتسمع بالجهد فالجردة و من وراها صوت دري كاااايعيط علييها....
لؤي : يااااسمين يااااسمين هااااني غانشدك
ياسمين : لا لا ههههههه ماتسدنيس "بقات كاتجري حتى بان ليها خيال واقف قدامها هزات عينيها و غوتات بفرحة" واااااااع بابا ههههه
معتز (هزها لفوووق كااايضحك) : الحب ديال باباها
ياسمين (حلات يديها فالسما) : انا كااااانطير هههههه
معتز (براااسها فحنكها حتى غوووتات وعنقاتو وهو يتحدر عند لؤي باااسو) : كاااتلعبو
لؤي (كااينهج) : سخفااااااتني بالجرا وراها
ياسمين (عاجبها لحال) : هربت ليه أبابا ماسدنيس
معتز(بغا يااااكلها) : هاد الشين مزال ما بغا يخرج من داك الفيم امممممم
ياسمين : قالت ليا ماما انا مزال صغيرة عندي هادو "دارت ربعة بصباعة" مزال نقول سين مني نكبر
معتز: و شحال هادوك
ياسمين : كااااطخ
معتز : بغااااااڤو ما پخانسيس
هزها و دخلو لداخل شاد ل لؤي فيدو..... كانو جالسين فالصالون فاطمة مسرحة رجليها فوق السداري ولاو كايضروها الركابي و أيلا لي ماتبدل فيييها والو فهاد 4 سنين جالسة حدا مهى لي كانت بكسوة طويلة بالكمام صيفية و حاطة الشال على كتافها حيت جاو تغداو عند فاطمة و بقاو حيت غادي يخرجو فالعشية مجموعين......
معتز : واااجدين ؟؟؟
مهى (شافت فبنتها) : اجي اماما نقاد ليك شعرك تشنتف بالجرا
مشات عندها كاتنقز وهي تطلق ليها شعرها القهوي لي واصل ليها حد الكتاف كااترمش بعوييناتها العسليين متبعة معتز بعينيها حتى جلس وهي تنطق
ياسمين : بابا غادي نمسيو لكاااافي بحال ديك المرة و المرااات
أيلا (ضحكات) : ياااااختي تشديها تاكليها على هاد الهضور
قالت هكا حيت مولفين كل ويكاند إلى كان كلشي مسالي كايخرجو مجموعين كايديرو كاسكروط فشي قهوة و كايدورو شوية و يختموها بالعشا فشي ريسطو....
معتز : غانمشيو لقهوة
ياسمين (عوجات فيه راسها و نطقات بنبرة طلب) : نقدرو نمسيو لكافي ***
مهى (قادات ليها شعرها و هزاتها معنقاها) : كاتعرفي سميات لي كافي
فاطمة : تبارك الله بسلامتها كاتعرف كلشي
