Normal #Fiction Name -
#ကိုလူချောရဲ့ပင်တိုင်စံ
Author - #ဆာရာမူး
အဓိကဇာတ်ကောင်များ -
ကိုလူချော (ဘုန်းကြီးလူထွက်)
ပင်တိုင်စံ (အဆိုတော်)
📌 Second Edition
💮💮💮💮💮💮💮💮💮💮💮
အပိုင်း ၁
မြင်းခြံမြို့နယ် 'ကုန်းသာရွာ'
ရွာဦးကျောင်း
ဆရာတော်ဦးခေမာ ကျောင်းပေါ်မှာနေမထိထိုင်မသာဖြစ်နေသည်။တစ်ပါးတည်း ခေါက်တုံ့ခေါက်ပြန်လမ်းလျှောက်လျက် ကိုရင်စန္ဒောအကြောင်းစဉ်းစားနေ၏။
"ဟဲ့...ကိုရင်စန္ဒောကို မနက်ကတည်းကမမြင်မိဘူး...."
"...ရွာတောင်ပိုင်းက ကိုသာဦးတို့နဲ့ မြို့တက်ပြီး လက်ဝှေ့ပွဲသွားကြည့်တယ်ဘုရား..."
"တယ်...ဒီစန္ဒောနဲ့လည်းခက်ပါတယ်...."
အနားရှိကိုရင်လေးတစ်ပါးက ဖြေလိုက်တယ်ဆိုလျှင်ပဲ ဦးခေမာဒေါသူပုန်ထပြီး တိုင်မှာထောင်ထားသည့်ကြိမ်လုံးကိုသွားယူတော့သည်။ကိုရင်စန္ဒော လက်ဝှေ့ပွဲသွားကြည့်တယ်လို့အသံကြားသည်နှင့်ကို ဆရာတော်ဘုရားမှာ စိတ်မအေးနိုင်တော့ပေ။
ဆရာတော်အနေဖြင့် စိတ်မအေးနိုင်စရာအကြောင်းအရင်းကလည်း ရှိထားသည်။ထို့ကြောင့် ကိုရင်ပြန်မလာမချင်း တရားလည်းမမှတ်နိုင်။အာနာပါနလည်းမရှုနိုင်။
နေ့ဆွမ်းဘုဥ်းပေးပြီးချိန်မှပဲ ကိုရင်စန္ဒောတစ်ပါး ချွေးတလုံးလုံးနှင့်ပြန်ရောက်လာသည်။ကျောင်းပြန်ရောက်ရောက်ချင်း ဆရာတော်ဘုရားကို ဝတ်ဖြည့်ပူဇော်၏။
"ဘုန်းဘုန်း တပည့်တော်ကိုခေါ်တယ်ဆိုလို့ဘုရား...."
ဆရာတော်ဦးခေမာ အနီးရှိကြိမ်လုံးကိုကောက်ကိုင်ပြီး ထရပ်သည်။
"...အေး ဒါကျွေးမလို့ခေါ်တာ..ဖြန်း...ဖြန်း...."
ကြိမ်နှင့်ကိုရင့်တင်ပါးကို နှစ်ချက်ဆင့်ချသည်။
"...အား….ကြောက်ပါပြီဘုရား..."
ကိုရင်စန္ဒော၏ငယ်သံပါအောင်အော်သံက ကျောင်းဆောင်တစ်ဝန်းလုံး ကျယ်လောင်စွာထွက်ပေါ်လာသည်။ကျောင်းအောက်မှာ ပြူတစ်ပြူတစ်ဖြင့်ချောင်းနေကြသည့် ကိုရင်ပေါက်စလေးများမှာလည်း ကြည့်သာကြည့်နေရသည်။ကြောက်သေးပါသူက ပါနေပြီ။
YOU ARE READING
ကိုလူချောရဲ့ ပင်တိုင်စံ(Complete) (ကိုလူေခ်ာရဲ႕ ပင္တိုင္စံ )
Fantasy"..ဒီမှာ ကိုလူချော..." "..ဗျာ..." "..ကျွတ်...အဲ့ဒီလိုခေါ်ပြန်ရင်လည်း ဦးလေးကြီးနာမည်က တင်စီးလိုက်တာ..စံမကြိုက်ပါဘူး..." "ကို.ဖြုတ်ပြီးခေါ်.." "ဟင်.. အတူတူပဲလေ...တော်ပြီတော်ပြီ..ကိုကြီးလို့ခေါ်မယ်...."
