အပိုင်း - ၁၀
*တောက်
ကားပေါ်ကနေလှန်းမြင်နေရသည့်ကြော်ငြာပိုစတာပေါ်မှ ပင်တိုင်စံ၏ပုံကိုကြည့်ပြီး ချောဣန္ဒြေတောက်တစ်ချက်ကို ခပ်ပြင်းပြင်းခေါက်လိုက်သည်။
*'မေတ္တာရှင်'မိဘမဲ့ဂေဟာအတွက် ရန်ပုံငွေရှာဖွေရေးပြုလုပ်မည့်ရှိုးပွဲ...
ဒီရှိုးပွဲက သူမအတွက်အလွန်အရေးကြီးသည်။သူမ၏နောက်ထွက်မည့်သီချင်းခွေအသစ်အတွက်ခြေလှမ်းအစဖြစ်၍ ဒီရှိုးပွဲမှာပါဝင်သီဆိုခွင့်ရဖို့ သူမအားခဲထားခဲ့သည်။မြန်မာပြည်မှလူများ၏ထုံးစံအရ အနုပညာရှင်တစ်ယောက်ပရဟိတလုပ်ပြလိုက်လျှင် ထိုအနုပညာ မည်သည့်အမှားပဲလုပ်ထားပါစေအကောင်းမြင်စိတ်ထားပေးနိုင်ကြတာမျိုးမဟုတ်လား။
သူမလည်း ဆိုရှယ်မီဒီယာမှာ ပင်တိုင်စံ၏ရည်းစားကိုဖြတ်ခုတ်သည်ဟု ဝေဖန်ခံနေရသည်။ထို့ကြောင့် ဒီပွဲမှာဆိုခွင့်ရနိုင်အတွက် သုတကိုကပ်ပေါင်းထားခဲ့သည်။ပေါင်းသင့်သည့်လူကိုပေါင်း၍ ကျွေးသင့်သည့်လူကိုကျွေးထားခဲ့ပေမဲ့ ကြောငြာပိုစတာသာထွက်လာခဲ့သည်။သူမသီဆိုဖျော်ဖြေဖို့ ဖိတ်ခေါ်ခြင်းမခံခဲ့ရပေ။
သုတကို ပင်တိုင်စံ့လက်မှဖြတ်လုနိုင်ခဲ့သော်လည်း ဒီတစ်ပွဲမှာသူမနောက်ကောက်ကျကျန်ခဲ့ပြန်ပြီ။
*နင်နဲ့ငါမပြီးသေးဘူးပင်တိုင်စံ...ငါသေတဲ့အထိ နင့်ကိုမရှုံးစေရဘူး….'
ချောစိတ်ထဲ ပင်တိုင်စံ့ကိုနာကြည်းသည့်စိတ်တွေကြောင့် အမုန်းတွေကတဖွားဖွားဖြစ်ပေါ်နေသည်။ကျောင်းတော်မှရန်စက သူမကိုလွယ်လွယ်နှင့်တော့မပြေစေနိုင်။
💮💮💮💮💮💮💮💮💮💮💮
ဒီနေ့သူ့တာဝန်မှာ ကောင်မလေးစတူဒီယိုသွားတာကိုလိုက်ပို့ရခြင်းဖြစ်သည်။သူ့ကိုစူးစူးစိုက်စိုက်ကြည့်နေသည်ဟုခံစားမိပြီး ကားနောက်ကြည့်မှန်မှတစ်ဆင့် နောက်ခန်းထဲသို့ကြည့်မိချိန်မှာ သူ့ကိုစိုက်ကြည့်နေသည့်ကောင်မလေးနှင့်အကြည့်ချင်းဆုံသွား၏။
*ကျွတ်
လူချောစိတ်ရှုပ်ပြီး ပါးစပ်မှတီးတိုးစုတ်သပ်မိသွားသည်။သူကားမောင်းသည့်အချိန်တိုင်း အမြဲလိုလိုသူ့မှန်ကိုကြည့်နေတတ်သည့်ကောင်မလေး……….
DU LIEST GERADE
ကိုလူချောရဲ့ ပင်တိုင်စံ(Complete) (ကိုလူေခ်ာရဲ႕ ပင္တိုင္စံ )
Fantasy"..ဒီမှာ ကိုလူချော..." "..ဗျာ..." "..ကျွတ်...အဲ့ဒီလိုခေါ်ပြန်ရင်လည်း ဦးလေးကြီးနာမည်က တင်စီးလိုက်တာ..စံမကြိုက်ပါဘူး..." "ကို.ဖြုတ်ပြီးခေါ်.." "ဟင်.. အတူတူပဲလေ...တော်ပြီတော်ပြီ..ကိုကြီးလို့ခေါ်မယ်...."
