" မောင့်ငွေနှင်းဧကရီ "(Completed)

အပိုင်း(၂၀)⚠️

Unicode

မောင့်ငွေနှင်းဧကရီ (၂၀)

နောက်တစ်နေ့မနက်၌
ရွှယ်ခူးအား ဟူလီ့အယောင်ဆောင်ထားသော မင်ဟွေ့နှင့်အတူ ရှောင်စန်းအားစောင့်ရှောက်စေလျက်ဟူကျေရွာသို့ပြန်လည်အနားယူစေသည်။
ဖုန်းထင်လုံတို့မှာမူ လီကျင်ရှီးအားကာကွယ်လျက် မြို့တော်သို့ပြန်ကြလေသည်။
ရွှယ်ခူးအားလုပ်ကြံသတ်ဖြတ်သော လူသတ်သမားမှာမူ လူသေဘဝသို့၊
ရှောင်စန်းဟုခေါ်သော ဝိညာဉ်တမန်အဖွဲ့မှ
နံပါတ်၃မှာ ဖုန်းထင်းလုံ၏အမိန့်အရ
အနှီးလူသတ်သမား၏ဦးခေါင်းအား ဖြတ်ယူလာခဲ့ရာ ထိုဦးခေါင်းပြတ်ကြီးကိုမြင်သည်နှင့် ရွှယ်ယွဲ့ကား နေရာ၌ပင်သတိလစ်သွားလေတော့သည်။
ထို့ကြောင့် မူလက နန်းတွင်းရောက်မှအသိပေးမည်ဟုကြံရွယ်ထားသော ရွှယ်ယွဲ့
၏ကိုယ်ဝန်ကိစ္စမှာပေါ်သွားလေသည်။
လီကျင်ရှီးကား အတိုင်းမသိဝမ်းသာပျော်ရွှင်
နေလေတော့သည်။
ယခုလည်း မြင်းလှည်းယာဉ်ထဲ၌
ရွှယ်ယွဲ့အား တစ်ချိန်လုံးသူ၏ရင်ခွင်ထဲတွင်သာလှဲလျောင်းအနားယူစေကာ သူကမူ
ရွှယ်ယွဲ့၏လှပသောမျက်နှာလေးအား တစိမ့်စိမ့်‌ကြည့်လျက် ၊
တစ်ချက်တစ်ချက်တွင်လည်း ရွှယ်ယွဲ့၏
မျက်နှာလေးအားတရွှတ်ရွှတ်ငုံ့နမ်းရင်းက
မြတ်နိုးမဆုံးဖြစ်နေလေတော့သည်။
ဟူလီမှာမူ သူမတစ်ယောက်လုံးရှိနေတာကိုတောင် မသိမမြင်နိုင်လောက်တော့သည့်အထိ ကဲသဲနေသော လီကျင်ရှီးအား မဲ့ရွဲ့လျက် မျက်စောင်းတွေသာတွင်တွင်ထိုးနေချေ၏။

" ကိုယ်..ခုထိမယုံနိုင်သေးဘူး သိလား
အိမ်မက်အလားထင်နေမိတုန်းပဲ
မင်းက ကိုယ့်ရင်သွေးလေးကိုလွယ်ထားတယ်ဆိုတာကလေ
ပြီးတော့လည်း မင်း ကိုယ့်ကိုပြန်ချစ်လာဖို့ကတကယ့်ကိုမှ ကိုယ့်အတွက် မမျှော်လင့်ရဲခဲ့တာ
ခုတော့ ဒါတွေဟာတကယ်ဖြစ်လာခဲ့ပြီ
ကိုယ်အရမ်းပျော်တာပဲ "

လီကျင်ရှီးကား စကားနဲ့တင်ပြောရတာအားရဟန်မတူ လူမှာလည်း ရွှယ်ယွဲ့၏ပါးပြင်နုနုထက်သို့ သူ၏နှာခေါင်းတို့နစ်ဝင်သည့်အထိ
မွှေးမွှေးပေးလိုက်ပြန်သည်။
ထိုအခါ ရွှယ်ယွဲ့မှာ အလိုမကျဟန်ဖြင့်
" ဘယ်လိုဖြစ်နေတာလဲ " ဟုဆိုလိုက်လေသည်။
ကျင်ရှီးကား ဆက်တိုက်ဆိုသလိုပင်
ရွှယ်ယွဲ့အားပြုံးစစနှင့်စိုက်ကြည့်လျက်