وييت اطلع مسكتني بالقو ودزتني بالقو هي كانت تبا اسير وياها بس انا دقيت راسي في اليدار وطحت بعدها هي تمت تطالعني وانا نشيت من مكاني وسحبتني وياها الاداره ودقت حق عمي وعمي قال تمام ان شاءالله ياي وانا اتريا ويالسه كنت زاخه راسي كان راسي يعورني وايد وصداع الا يدش ها الي اسمه فارس وانا جي اطالعه ومنصدمه
فارس : السلام عليكم
الاداريه: وعليكم السلام
فارس : انا ولي امر ريم
الاداريه : تمت ترمس عني وتقول كل شي سويته
بس ما قالت الي هي سوته
فارس : تعالي يلا بنروح
انا : احيد دقو حق عمي شو تبا سير
فارس : يا بنت نشي بسرعه قبل لا ايرج جدامهم
انا : خلاص بقوم بقوم
نشيت من مكاني ومشيت وراه ودخلنا الموتر
فارس : تستهبلين صح ؟ اول يوم دوام وتسوين مشاكل واطولين لسانج شو لو ها الكلام وصل لابويه؟ تعرفين شو بيستوي تراه بحسبة ابوج عادي يجلب عليج الدنيا الحمدلله الادارية بس قالت تباه ما قالت ليش ولا كنتي بتروحين فيها صحصحيي واخر مره يستوي جي فاهمه ؟
انا : خلاص بسس هاي...هاي طيحتني وسحبتني وما قالت لك بس ترمس عني ليش جييي مب من حقها انا مابرضى مابا مابتحمل راسي يعورني دقيت راسي في اليدار بسببها
فارس : خلاص خلاص هدي هدي
انا : مابا
حطيت راسي وحاولت انام الا نحن في مركز الشرطة
انا : ايه ليش يبتني هني
فارس : نزلي يلا
انا نزلت وتميت الحقه وانا ساكته بس شهقاتي تنسمع دشينا داخل وهو قدم بلاغ على الادارية وتمينا نسوي الاجراءات وجافو راسي وقالو خلاص بس تم نطلع تقرير من المستشفى وطلعنا
انا : فارس ليش بلغت
فارس : صح اسلوبج شوي خايس بس ما ارضى عليج لانج اتمين حبيبة خالتي وبنتها
انا : وين بنروح احين
فارس : المستشفى
انا : ليش مب لازم ابا ارد البيت
فارس : لا لازم
وصلنا المستشفى ونزلت مشيت خطوتين الا هو لف
فارس : كيف تحسين راس...
ما سمعت الدنيا كانت تدور فيني وانا واقفه تميت اطالعه وهو يا صوبي تم يحركني وما حسيت بشي الا اني طحت في حضنه وكنت ماسكه ايده وشوي وبطيح على الارض وبس نشيت وانا على السرير وهو يالس صوبي جافني نشيت وعلطول
فارس : كيف تحسين عمرج احين ؟
انا : مافيني شي خلنا نرد يلا
فارس : لا بعدج تعبانه
انا : لا مب تعبانه خلنا نرد البيت ماما اكيد خايفه احين
فجاة دشت امي وواضح عليها الخوف
ماما : اميييه رييمم شو ياجج
انا : مافيني شي ماما عادي انا بخير والله
فارس : لا تخافين خالتي مافيها شي مجرد دوخه خفيفه وان شاءالله بعد الفحوصات بيطلعونها
ماما : ماتقصر يا ولدي ماعرف كيف اجازيك حقك
فارس : لا خالتي عيب عليجج على عيني وراسي انتي امريني بس كلي سمع وطاعه ومابينا ها الافعال
وانا وماما ابتسمنا وهو رد لنا الابتسامه
دق فون فارس وكان العشير متصل استأذنهم فارس وطلع من عندهم ورد
خليفة : حييه حييه
فارس : الله يحييكك ويبقييك
خليفة : فارس لا اوصيك دقايق واكون صوب بيتكم
فارس : اسمحلي خليفة ماقدر اليوم
خليفة : افاااا ها الي ما بيردني
فارس : تعرف خالتي حرمة عمي راشد
خليفة : هي اكيد اعرفها تراها حرمة عمي بعد ، شوفيها
فارس : بنتها طايحه ف المستشفى
خليفة : مننن ريممم ؟ 'صارخ'
فارس : هيه ، بس كيف تعرفها
خليفة : تراها بنت عمي اكيد بعرفها ، تستاهل السلامه خطاها الشر
فارس : الله يسلمك
خليفة : وينك احين
فارس : عندهم ف المستشفى انا كنت مارنها من المدرسه ومستويه سالفه ويينا المستشفى عشان فحوصاتها واغمى عليها قبل لا ندخل المستشفى
خليفة : ان شاءالله خير شو مسويه ها الياهل
فارس : عاد هاي صدق الله يصبر اهلها عليها والله تعاند وطويلة لسان
خليفة : اذكرها من صغرها جي بس ماشاءالله احلى بنات عمي هي
فارس : هي هي ها الي يهمك
خليفة : لا بس ماشاءالله عليها
فارس : يلا عيل خليفة بينا انا وايد طولت عليهم وعيب عاد خالتي داخل
خليفة : زين العشير طمني بعدين
فارس : ان شاءالله
خليفة : يلا بينا ان شاءالله
فارس : بينا
بند الخط ودش عليهم
يتبعع (:
نزلت البارت الثاني ع امل انه يكون شي دعم وتتحمسون شوي وبسس اتمنى تعطوني رايكم🫶🏻
أنت تقرأ
لِك يا هنوف الخِصال مْحبِّةٍ في دْماي
General Fictionرواية اماراتية لِك يا هنوف الخِصال مْحبِّةٍ في دْماي الرواية بتكون تجربه واتمنى تعيبكم وتستانسون عليها لو عيبتكم ادعموني وشجعوني اكمل وبس انجوي لو كان شي اي غلط او عندكم اي فكره ترومون تعرضونها علي وتكلموني 🌷
