لِك يا هنوف الخِصال مْحبِّةٍ في دْماي‏

Part 14

قمت وكان راسي يدورر كان كل شي مشوش كنت في اقصى انهياراتي من وايد نواحي او كل النواحي بختصار جفت المكان حولي وماشي وصف اجرب عن المكان الي حولي الا اني حرفيا كنت ف بحيرة دم .
انا : ه..هاذا دم..ي ^اكيد دمج بعد شوه^
يا الي ما يتسمى من وراي
راشد ' ابوي ' : اجوفج نشيتييي غيرج بعد ها الضرب يموتون
انا : انا ما بموت الا بعد ما يشوتونك بصبوع ريولهم ف السجن ' سلكو عاد ماعرفت اكتبها عدل '
راشد ' ابوي ' : انا براويج شو بسوي فيج بعد ها الكلام
يا صوبي اكثر واكثر وبديت اخاف
انا : لا تييي رووحح

— عندهم —

: تجهزو لاقتحام المبنى
الضابط 1 : عُلم سيدي
الضابط 2 : عُلممم

— عندنا —

ياني بكل قوة ومط شعري باقوى ماعنده لدرجة اني حسيت انه سحب شعري من جذورها انا صارخت صرخة الم يعلم بها الله وصوتي راح من الصراخ صرخت باعلى صوت وانا اقول
انا : ساعدونييييييي ساعدونييي الله يخلييكمممممم
وطحت منهاره

— عندهم —

الضابط 1 : سيدي رصدنا صوت الضحيه وهي تناجي داخل المبنى
: الكل مستعد ؟
الضباط : نعم سيدي

— عند عمي —

خليفه بصوت مبحوح : ها ونحن بعادد عنهم اسمع صوتهااااا وهي تصارخ عميي خلنا نرووححح الله يخليكك والله اسمعهاااا اسمعها يا عمي والله دخييلككك عمييييي
عمي زايد : تحلى بالصببر اصبببر ' ماقدر عمي يقول شي هو حاله مب احسن عن خليفه '
حمدان وهو اساسا صوته رايح : كله بسببي لييتنيي رحت وياها ليتنيييي ماتعبت كلههه بسببييييييي
والله كلهه منييييي كنت بكون وياها ولو ما قدرت عليه اقلههه كنت بكون صوبها كنت بكون وياها انا غبييي انا غبييييييييي كك..كله م..ني وطاح مغمى عليه
عمي زايد : حمدااانننن حمدان شو صاببك
خليفه بغصه : ماعليه شر ان شاءالله بوديه المستشفى هو بروحه تعبان ما ينفع بعد ينش هني ويجوف حال ريم بيتعب اكثر
عمي : تمام طمني عنه
خليفه : عمي ما اوصيك ع ريم
عمي زايد : ماتوصي يا خليفه ما توصي
قام عمي وساعد خليفه يركبون حمدان الموتر وحرك خليفه اما عمي رد حق فارس فارس الي بس ساكت ولا حاس بالدنيا ويالس يفكر شو مصير ريم وشو مستوي داخل كان مب فاهم شي

— عند القوات الخاصه —

: 1 2 3 اقتحامممم
ضابط 1 : علمممم

— عندنا —

دشو الضباط وكانو وايديييين بالهبببل انا اطالعهم ومنصدمه والي خاطفني مب اخس عن جي ' ابوي ' يعني حرفيا هم كانو مخططين و راشد ' ابوي ' ويهه جلب اصفر

الضابط 1 : ارفع ايدك  ٬ ارفع ايدك
راشد ' ابوي ' :  تعالو صوبي بس وبتجوفون جثتها طايحه جدامكم
الضابط 2 : ارفع ايدك وودر الضحيه احسن لك 
راشد ' ابوي ' : تخسي الا انتتتت
وهو يرمس الا ييون ضباط من ورا واستوا محاصر وحرفيا مايقدر يسوي اي شي وبدو الضباط يتقربون منه وهو بعده مقاوم ومايرد عليهم الا يمسكني من شعري ويهددهم
راشد ' ابوي ' : والله لو ما وقفتو لا اذبحها جدام عيونكم والحيين
الضابط : هد الضحييييه احسسسن لكككك
الا ابوي يمط شعري بالقووو ويطيحني ع الارض بكل قوة لدرجة انه طلع صوت قويي حاولت اقوم جفت الضباط وهم يشلون راشد ' ابوي ' من جدامي وطلعوه وماتم حد ف المبنى الا انا واثنين من الضباط الا فجاه يدش فارس ووراه عمي فارس علطول يا وحضني بالقووو وهدني
فارس : خوفتينييي عليييج  ' بدت عيونه تدمع '
انا : انا تمام فارس ماعليك ' دمعت '
عمي زايد : رييم عمييه شو سوا بج ها الحقييير ' يا حضني بالقووو '
انا : عميييي ' بديت اصيح '
الضابط 1 : اخوي سيارة الاسعاف جاهزه برع
عمي زايد : ماتقصرون جميعا ماعليكم امر خلهم يدشون ريم ماتروم تروح لهم
الضابط 1 : نعم نعم سيدي تمت المهمه والسموحه على التاخير في الرد
الضابط وهو يكلم عمي : ان شاءالله الحين نكلمهم
عمي : ماتقصرون
يو الاسعاف وشلوني عطوني ابره وها اخر شي اتذكره ف سيارة الاسعاف نشيت بعدها وانا متكسسره كان كل شي فيني يعورني قمت وانا اصييييح احس راسي بينفجر من العوار وايدي تعورني وايددددد فجاه عمي الي كان صوبي نطق
عمي زايد : عميييييه حمدلله على السلامهههه
حمدان : ريييممم اخييراااا نشيتيييي
فارس علطول راح يزقر الدكتور
انا : الله يسلمك عمي
دش فارس ووراه الدكتور فارس كان ويهه شاحببب واستوا عنده هالات سوده وكان مبين عليه انه نحفان وتعباننن وانا افكر ف فارس الا الدكتور يقول
الدكتور : الحمدلله على السلامه ريم
انا : الله يسلمك دكتور
الدكتور : الحمدلله نشيتي في وقت مناسب لانه لو طولتي ما كان ممكن انج تنشين نهائيا
انا : وقت مناسب ؟ كيف يعني ليش انا من متى راقده
الدكتور طالع عمي وقال : اها يعني محد خبرج ، كنتي ف غيبوبه لمدة اسبوعين
انا : شششووه
عمي : هيه عمي والحمدلله قمتي وايد خوفتينا عليج
الدكتور : الحمدلله نشيتي بس تم نسوي لج فحوصات ونتطمن عليج واذا كل شي طلع تمام تطلعين باجر ان شاءالله
انا : ابا اطلع مابا اطول هنيه
الدكتور : الي فيه الخير بيصير اهم شي تطلع الفحوصات سليمه