فارس : يدتججج توفت وامج ف العنايه وانتي تحاوطين وتطلعيين اقله اتصلي اطمني
انا : فارس مب وقت الاستهبال
فارس وخلاص شوي وبيصيح : قدر الله وماشاء فعل ان لله وان اليه راجعون
انا : فارس عن العبطططططط
فارس بدا يسوق وهو حرفيا منهاررر وانا مب مستوعبه ولا نزلت دمعه من عيوني انا مب مصدقه الي سمعته انا لو جفت كل شي وعرفت مستحيل اصدق يدتي وقطعه من روحي توفتتت ماتتت كييففف ومتى توها ويانا تسولف وتضحك واحيين توفتتت اكيد ها كابوس وانا اكيد بنش منه وفجاه وانا افكر قاطعني فارس وهو يقول
فارس : نزلي
انا : فارس احلف انه صدق اخرتها يطلع مقلب تافهه
فارس سحبني من ايدي ووداني داخل وانا اجوف هول المصيبه الي طاحت علينا واقفين كلهم ويصيحون اهلي الي ماعرفهم واعرفهم عمي زايد وحرمة عمي روان وعذبهه كلهم يصيحوننن ليييششششش وييين يدتييييي ويين امييييي
انا : ايه عن الهبل اكيد مقلب
عمي زايد : ان لله وان اليه راجعون
انا : مسستحيييييللللل لا تقصون عليييييي ' انهرت '
خليفه يا من وراي وقال
خليفه : عظم الله اجركم وان لله وان اليه راجعون
انا ماقدرت اتحمل هول الصدمه زخيت راسي وطحت ع الارض وانا اصارخ نفس المينونه يوني عمي وفارس وحتى خليفه كلحد حاول وياي وانا طايحه بس واصارخ منصرعه من الخبر بس وين امي ! امي وييين امي اكيد موجوده بتحضني وتبشرني انه مقلب سخيف وبس
انا : ماما ماما وين
عمي زايد : ف العنايه ووضعها مب مستقر
انا : عمي ابوس ريلك لا تقول جييي اساسا كيف استوا الحادث كييفففف
عمي زايد : حادث قوي يا ريم قوي كان من ورا وامج ويدتج كانو ورا امج راحت تييب يدتج من بيت عمج سعيد والسياره ع الاخر منتهيه ومتجسفه من ورا
انا : لا حول ولا قوة الا بالله
فارس : ادعييي حق امججج
انا : ماما ماما ويينهااااا
عمي زايد : حاطينها ف العنايه
انا : ابا ماما بسرعه ابا ماما
وتميت جي اصارخ ب هستيريه ومب قادره ازخ عمري ييت النيرس تحاول تهديني وانا دزيتها بعدها يو وعطوني ابره وانا اعاند واصارخ لين ما ماحسيت بالدنيا من حولي نشيت بعدها من كابوس خايس فزيت الا وفارس صوبي انا حضنته علطول ما اقدرت هو حضني بالقووو واضح انه وايد متأثر صحت صحت صحت فحضنه انا كنت محتاجه ها الحضن وين ابوي عني وينهه وينهه عناااا اههخخخ يا الغصه الي فقلبي صدري يعورني تعبت من كل شي
فارس : ريم يلا نشي امج تبا تجوفج
انا : صدقققق ماما تمام ؟
فارس : يلا بسرعه خلنا نروح
انا : يلا
رحنا عند ماما وكانت متغييرهههه مابا اقولها بس كانت شبه ميته انا صحتتت وبعدين فارس طلع وخلانا روحنا وفجاه قالت
ماما : ريم امييه انا ماعرف كم بقالي وبيخلص دوري ف ها الحياة
انا : ماما لا تقولين جييي مالي من بعدج سند
ماما : ريم بقولج شي لازم تعرفينه ولازم تسمعين كلامي عدل دامني اروم ارمس بقول الي لازم اقوله
انا : شوفيج قوليي متعوره؟
ماما : ابوج ابوج انتبهي منهه ابوج ما كان يباج كان بس يسهي ويطلع ويرد سكران ابوج مريض نفسي كان يضربني وايد ويضربج بس كنتي ياهل ما تفهمين كان دوم يعنفني ومايرحمني ومحد كان يدري عن حالي الا بعدين كلمت عمج ودخلوه المصحه يمكن بعد ما اموت يقص عليج وييج لا تروحين له بيأذيج انتبهي انتبهي امييه انتبهي
انا كنت منصدمه من كلام ماما وايد وايد وايد ماتوقعت ابدا يكون ها اخر شي بتقوله حقي
انا : ماما خلاص بس بنسولف بعدين عن ها الموضوع روحج تعبانه
ماما : اشهد ان لا اله الا الله واشهد ان محمد عبده ورسوله
انا : ماما
ما استوعبت ما استوعببتتتتت امي كانت زاخه ايدي وفجاه رخت ايدها وطاحت اكيد انا ف كابوس مستحيل يكون واقع ماقدررررر مستحيييل امي ما ماتت وقف حبل افكاري من سمعت صوت جهاز القلب وانه ماما قلبها مب يالس ينبض علطول صارخت
انا : فارسسسسسسس فارس تعالللللل
فارس دش علي وهو ف حالة صدمههه مايعرف شيسوي ييي صوبي ولا يزقر الدكتور ونحن الاثنين كنا في حاله لا يرثى لها بالمعنى الاصلي انا وفارس كنا صنم نطالع ماما وهي روحها ترتفع ونحن لا حياة لمن تنادي دخل علينا عمي زايد وعلطول راح يزقر الدكتور وانا طحت على الارض من الصدمه مب قادره اوقف تميت طايحه وفارس كان واقف كنت اجوف الدموع فعيونه هو كان متأثر ومنصدم نفسي لو مب اكثر عني ما ينلام ولا انا انلام لا انا انلام انا كنت اودرها بالساعات كنت احاوط وما كنت حولها طول الوقت الله الله خذا قطعة من قلبي وروحي انا مب مصدقه ابدا دخل الدكتور والنيرس طلعتنا انا وفارس وعمي كنت يالسه ع الكرسي ابا شي واحد من الدنيا ابا امي وبس تمينا وايد برع وتحريت انه ماما نشت ويالسين يسعفونها والمشكله نسيت انه بس ظن وخاب ظني طلع الدكتور وملامحه ما تبشر بالخير ابدا
الدكتور : ان لله وان اليه راجعون عطتكم عمرها
عمي زايد : لا حول ولا قوة الا بالله
خليفة : ان لله وان اليه راجعون مردنا التراب
انا ماقدرت ماقدرت استوعب مول ما قدرت صارخت بصوت عالي
انا : لا تجذذبببووووننننننن بسسسسسسس خلاصصصصصص بسسسسسس
فارس كان ساكت مايرمس بعدها عمي نطق
عمي زايد : مكتوب لها عمي هني قضت اخر عمرها ادعي لها
حرمة عمي زايد كانت تصيح وقالت بصوت مبحوح : فارس خليفه ودو ريم البيت خلها ترتاح شوي وانا وزايد ' عمي ' بنجوف الاوضاع هني وبنرد
انا : خالوه كيييف ارتاححح كيففف ارتاح وقطعة من قلبي راحت انا ما برتاح فحياتي من صوب امي ومن صوب يدتي يدتي الي ماجفتها من اسبوع واحين وهي يايه المفروض اني اجوفها غلطت بين درب البيت ودرب القبر امي روحي وحياتي امي الي كانت وياي انا وحيدة امي احين استويت انا الوحيده انا احين محد عندي كيف ارتاحححح كييفففف
حرمة عمي ماقدرت تقول حرف رد علي عمي زايد وقال : ريم عمي يلا روحي وياهم البيت لا تعاندين
خليفه : نزين والبنات روان وعذبه
عمي زايد : خلهم خالهم بيوديهم هاذو هني احين بيروحون ها الاسبوع يباتون عند خالهم لين تستقر الامور
انا : مابيكون شي استقرار صدقني
مشيت بعدها ويو وراي فارس وخليفه ومشينا انا حرفيا ماكنت قادره اشل عمري بديت اترنح وكنت بطيح وزخني فارس وكملنا مشي للموتر ركبت ورا وحركنا لفيت وانا اجوف المستشفى تميت اصييحح وانوح مب مصدقه الي مستوي كنت اصيح اصيح اصيح ومحد وقفني تميت اصيح واشاهق ماقدرت اسكت تميت جي لين طحت غافيه نشيت ف مكان ظلام وانا مب مستوعبه شي تميت اصارخ
انا : مامااااااااا
فارس يا جدامي علطول حضنته ماعرف بس حضنته يمكن حضنته لاني فاقده امي بس اني حضنته وبعدها بديت اصيح وقلت
انا : فارس ليش جي استوا ليش جي
فارس : خلاص ريم مانروم نغير شي هدي انتي
انا : فارس كيف اهدي كيف
فارس : ها شي محد يقدر ينساه بس ها الشي مكتوب لازم ما نعترض
انا : فارس انا متضايقه متضايقه وايد
فارس : كلنا متضايقين كلنا انا كنت احب يدتي وايد وخالتي كانت بمثابة امي انا متضايق اكثر عنج والله
انا : فارس وين عمي
فارس : بعدهم محد انا وياج روحنا خليفه راح
انا : فارس ' صحت ' انا وايد متضايقه كيف جي استوا فينا كيف
فارس : لا تقولين جي هاذا الشي مكتوب وبتيي ادوارنا نحن بعد
انا تميت اصيح واصيح ماقدرت ازخ عمري وبعدها نمت مره ثانيه
نشيت الفير وكان فارس يصلي دشيت الحمام ' الله يعزكم ' توضيت وطلعت وصليت ودعيت حق امي ويدتي وانا منهاره صياح مارحت صوب فارس عشان مايجوفني اصيح رحت صوب الجامه وبطلت الستاره الا واجوف خيمه برع ' امس حطو الخيمه عشان العزا ' انهرت صياح طحت ع الارض وانا اصيح طلع فارس عشان يجوفني وعمي بعد سمعني وطلع انا كنت ف الصاله ياني عمي ورفعني ' وقفني ' وبعدها حضني بالقو وهو دموعه ع خده انا انهرت ف حضنه تميت اصيح واصيح واصيح طلعت كل الي فخاطري وبعدها هديت عمي ودشيت نفس الحجره الي كنت فيها وانسدحت وتميت اصييح وانوح ماقدر اسكت موليه حضنت المخده ورقدت ودموعي ع خدي نشيت وانا منهاره وتعبانه كل ثقل الدنيا فيني مشيت بخطوات ثجيله وطلعت من الحجره الي كنت فيها ورحت صوب الجامه واجوف الرياييل يدشون ويطلعون من الخيمه وانا اطالع كنت وايد متضايقه وقلبي يعورني جفت فارس راد للبيت وكان منهارررر واضح انه كان يصيح دش البيت وعلطول سمعت خطوات ع الدري وكان يركض جان فجاه سمعت صوت قوي صوت طيحة ركضت بسرعه صوب الدري وجفت فارس طايح
يتبببع):
أنت تقرأ
لِك يا هنوف الخِصال مْحبِّةٍ في دْماي
General Fictionرواية اماراتية لِك يا هنوف الخِصال مْحبِّةٍ في دْماي الرواية بتكون تجربه واتمنى تعيبكم وتستانسون عليها لو عيبتكم ادعموني وشجعوني اكمل وبس انجوي لو كان شي اي غلط او عندكم اي فكره ترومون تعرضونها علي وتكلموني 🌷
