فارس : السموحه طولت عليكم خليفة كان متصل
ماما : لا ولدي عادي خذ وقتك وراحتك ، ماشاءالله عليه خليفه من زمان عنه يبالنا يمعة اهل
فارس : هيه والله خالتي صدقجج
انا : ساحبين علي وتسولفون
ضحكو وتمينا في المستشفى يمكن اربع ساعات جي وماما ردت لانها كانت تعبانه واوردي يايه بسيارة الدريول اما انا وفارس تريينا التقارير تطلع ونحن رادين في الموتر
فارس : متى تبين اودي التقارير مركز الشرطة؟
انا : باجر
فارس : شحقه باجر
انا : ابا اخذ حقي منها ابا الكل يجوف
فارس : مب هيينهه وايد خبيثه
انا : بتسويها ولا
فارس : خلاص تم بس الساعه كم تبين
انا : ابا 11 ونص وقت البريك الشرطه تكون في المدرسه ابا الكل يجوف الظالم وين مكانه
فارس : خلاص بنت عمي الموضوع عندي
انا ابتسمت ووصلني البيت وقبل لا يحرك
فارس : تستاهلين السلامه وانتبهي حق عمرج
انا : الله يسلمك ، ان شاءالله
ودشيت داخل وانا متحمسه حق باجر وبطيرر فرح جفت امي ويدتي سلمت وتميت وياهم شوي وبعدها دشيت حجرتي وتسبحت ولبست بجامه ونمت
—
نشيت اليوم الثاني وانا طايره فرح خلاص تسبحت وتعطرت وكشخت وخلاص حدي طايره رحت عند امي وسلمت عليها ويدتي كانت راقده بست راسها وطلعت من البيت رحت للدريول وقلتله يلا بسرعه حرك وبعد دقايق وصلت نزلت وانا طايره ماتعرفون كيف مستانسه وحالتي حاله دشيت السكول ورحت ابا ادور نهيان رحت صفه وما حصلته واول ما لفيت .
انا : عوذبالله بسم الله طيحت قلبيي
نهيان : بسم الله على قلبج ، شو ادورين هني هاه ؟
انا : ادور حبيب القلب يعني منو بدور اكيد بدورك
نهيان : زين زين مايصيح
انا : ماعلينا ، اليوم شي فلم يديد بيصير ف ها المدرسه الممله حدث ضخم
نهيان : ناويه شوه انتي
انا : بتجوف تعال الاداره قبل الساعه 10:30
نهيان : تحمست قولي لي الحييين
انا : نو نو نو بعدين بتعرف
نهيان : ها الغموض انا ماحبه
الا واحد يزقر نهيان ويي صوبنا
نهيان : حمدداننن طال غياببكك عاش من جافككك
حمدان : اشتقنا اشتقنا حيي ذا الويهه
نهيان : فديت روحكك ليش ماييت امس
حمدان : كنت تعبان امس بس عاده ماقدر اصبر قلت لازم ايييك واجوفك
نهيان : احلى من يجوفنيه والله
حمدان اطالعني وقال : تشبك بنات حلوات ع الصبح هاه
نهيان : ياريياللل خل عنك ها المزبله لا تشبيك ولا خرابيط
انا : صدقهه منو قام يشبك
حمدان : يوههه فديت حسسهاا انااا
نهيان : اصطلب لا العنك
حمدان : خلاص خلاص اسفين
انا تميت ساكته وهم يرمسون وحتى رحت عنهم ولا انتبهو تميت يالسه ف الصف اتريا متى بتستوي الساعه 10 مر الوقت شوي شوي وييت 10:30 ركضت للاداره وانا حدي متحمسه والاداريه كانت موجوده بعد ترييت شوي الا ...
نهيان وحمدان : بووووو
انا : حسبي الله
نهيان : سوري سوري
اطالعت ها حمدان بنظره سريعه وفجاه نهيان نطق
نهيان : قلتله السالفه والفضول ماكلنه قلت خلاص بييبه
حمدان : بنروح لو ازعجناكم
وانا قبل لا انطق دشت الشرطه ...
انا : ترقبوووو
جفت فارس وغمزت له ونهيان جاف
نهيان : منو ها حبيب القلب ؟ ' حق كلحد نقول حبيب القلب '
انا : خل عنك اي حبيب جوف جوف
الضابط زقر الاداريه وراحت له وقال لها ...
الضابط : تعالي ويانا المركز في قضيه مرفوعه فحقج
الاداريه : انا...انا شو سويت لعبه هي
الضابط : عمرها الاداره ما كانت تمد ايدها وادق شعره من شعور الطلاب وانتي خالفتي القانون بتعرضج لها وانتي بالغه وهي قاصر عشان ما نطولها لو سمحتي تعالي ويانا
انا فجاه نطقت : تعرفين من بلغ عليج تعرفيين ؟ وصارخت بصوت اعلى انا بلغت انا بلغت عليج وما عاش من رفع ايده علي وانا بنت راشد وفجاه فارس نطق
فارس : والنعممم بنتتت عميييي
الضابط قالي : ماعليج اختي نحن بنتصرف وبنحقق وبنرد لكم خبر
فارس : زين تسوي بارك الله فيك
راح الضابط ووياه الاداريه وباقي الضباط الي وياه
فارس : شرايجج بسسس
انا : كفوو ولد عميييي
الا فجاه نهيان وحمدان يو صوبي
نهيان : شعندج محتكه فيه هاه ؟
انا : خير ان شاء الله شعندك بعدين كيفي اساسا
نهيان : هيه كل يوم واحد عندج
انا : اويههه شو تبا فكنا ترا ولد عمي
فارس : ريم ها منوه
انا : اعرفه بس ماعرف بلاه مستخف
نهيان : مستخف لاني انعجبت فيج وماباج تقربين صوب غيري فاهمه
انا : هيه يصير خير
فارس : ريم تعالي يلا خلص شغلنا هني تبين اردج ؟
انا : تسوي خير والله فارس لانه مللل
فارس : زين عيل روحي اييبي شنطتج وتعالي
انا : زين
رحت عنهم وشليت شنطتي ومشيت الا نهيان فويهي
نهيان : انتي ايهه
انا : خير نهيان ؟
يتبععع):
أنت تقرأ
لِك يا هنوف الخِصال مْحبِّةٍ في دْماي
General Fictionرواية اماراتية لِك يا هنوف الخِصال مْحبِّةٍ في دْماي الرواية بتكون تجربه واتمنى تعيبكم وتستانسون عليها لو عيبتكم ادعموني وشجعوني اكمل وبس انجوي لو كان شي اي غلط او عندكم اي فكره ترومون تعرضونها علي وتكلموني 🌷
