حمدان : متاكده ؟
انا : هيه ماعليكم يلا مشينا
كلهم : يلا
بدينا نحاوط ودشينا القريه الاماراتيه ولمحت عباه فنانهه
انا : الله تجنننننننن
روان : وين شوه اي وحده
انا : جوفي ها العباه تجننننن
روان : يوهههه والله حلوهههه
عذبه : صدق صدق تجننن شرايكم نطقمم
انا : اففف يلا جدامم
خذنا كلنا نفس القطعه وشرييت شوي إكسسوارات وطلعنا من القريه الاماراتيه وانا كنت بروح الحمام الموت خلاص ماقدر اتحمل
انا : بروح الحمام انتو سبقوني ' بيروحون القريه التركيه '
حمدان : ماتروحين روحجج
انا : عادي بروح روحي
فارس : بيي وياج
حمدان : اذلف انا اقول
انا : اويييه انا بسويها فعمري وهم يتضاربون
حمدان : لايكثر يلا مشينا بيي وياج
انا : يلا
مشينا انا وحمدان وهم راحو للقريه التركيه
— عندهم —
فارس : بلاه حمدان يستهبل
خليفه : شو مسولك مسكين الريال
فارس : كل ما قلت شي يتم يطالعني بنظرات ولا يعق رمسه
خليفه : شو تباه يسوي بك يعني تغازل اخته وجدامه ولاحقنها من حقه يعصب
فارس : ع اساس انك مب اخوها يعني
عذبه : فارس بلاك مشخصن الموضوع
فارس : سكتيي بس انا اقول
خليفه : اقولك ايه احترم نفسك الا عذبوه ' بأستهبال '
فارس : شو شو شو اخوييي ؟ عذبوهه ؟ وادافع عنها بعد
خليفه : بلاك مب جنه عادي
فارس : لا والله ؟
خليفه : والله انك اخس عن حمدان
روان وهي تضحك : بسكم بسكم يلا مشينا
— عندنا —
انا : يلا بدش وبيي ما بطول خلك هني
حمدان : زين زين يلا
انا : يلا
دشيت الحمام الله يعزكم وخلصت طلعت وماحصلت حمدان صديت يمين يسار ما حصلته الا حد يمسك ايدي وقبل ما اجوف ويهه قلت
انا : حمدااان خوفتنـ.....
نهيان : السلام عليج
انا و احاول افج ايدي : وعليكم السلام
نهيان : شو ها الصدفه الحلوه
انا : هد ايدي نزين
نهيان : اهدها بعد ما مسكتها لا لا حبيبتي ف احلامج
وقبل ما اقول شي الا اجوفه طايح جدامي هيه طاح لانه حمدان عطاه كف خلاه يطيح
انا : حمدان ' رحت انخشيت وراه '
حمدان : يا الوصخخخخ يا قليل الادبببب يا الواطيييييي كيف تمسسك ايدهاااااا هااااااااااا
نهيان قام وبعدها بدا يصفق وابتسم ابتسامه تخوف وقال : واو واو اهنيييك اهنيك حمدان عرفت تختار
وين بتحصل بنت عسل نفس هاي الحلوه
حمدان : لو طلعت منك كلمه وحده ثانيه يا نهيان صدقني ما بيصير خير
انا كنت ورا حمدان وارجففف كنت خايفه خايفه ومتوتره مب وقته نهيان مول مب وقته
نهيان : مسرع حبيتو بعض وقمتو تواعدون بالعلن يا ال*****
حمدان ضربه بكس قوي ع ويهه وبدا خشم نهيان يصب دم
حمدان : ان زخيت شعره وحده بس شعرههه من اختي والله ما بيصير خير بوديك ورا الشمس فاهم؟
نهيان : اختكك؟
الا ييي من وراي فارس وانا من جفته علطول حضنته
انا : فارس حمدان يالس يتضارب
خليفه : شو مستوي بعد شسالفه
انا : شي واحد زخني من ايدي وهو جافه واحين يتضاربون وحمدان معصب
روان : تعالي ريم وانتو فارس وخليفه جوفو حمدان شسالفته وشو مستوي
راحو فارس وخليفه وانا تميت ويا البنات ف الزاويه وما خلصت السالفه الا والسكيرتي مطلعين نهيان من القريه وبعدها يوو صوبنا حمدان وفارس وخليفه
حمدان : عورج الوصخ سووالج شي ؟
انا : لا لا اموري طيبه حمدلله
عذبه : يلا يلا حصل خير مشينا ابا اروح القريه الكوريه ' تبا تلطف الجو '
حمدان : بس بس خلاص بنرد البيت
فارس : هيه احسن بس وايد طولنا
انا ابتسمت بكسر ومحد رمس ومشينا للسياره وحركنا خليفه وصلنا البيت وهم راحو انا اول ما وصلت البيت ركضت غرفتي تسبحت وخلصت طلعت من الحمام عزكم الله لبست بجامتي وتميت افكر لين ما نمت بدون ما احس بعمري
بعد شهر ونص .
كان حمدان مريض شوي واضطريت اروح المدرسه روحي وصلني فارس لانه حمدان كان نايم وصلت المدرسه وقبل ما انزل
فارس : يلا انتبهي حق عمرج زين وادرسي عدل ونحن بنجوف الوضع وحد منا بيمرج ماعليج
انا : ان شاءالله يلا بينا
فارس : بينا
نزلت من الموتر ودخلت المدرسه ما درسنا وايد وكنت ملانههه قررت اني اشرد من المدرسه الحصه الخامسه وكل شي خططت له بدقه واني برد البيت مشي وبقولهم اي عذر بيصدقون المهم حمدلله قدرت اشرد من المدرسه وانا ف دربي وشوي وبوصل البيت الا يطيح صوبي جي واحد واضح انه شوي كبير بالعمر يمكن جي كبر عمي رحت صوبه بساعده وجفت ويهه وقلت بيني وبين نفسي
انا : ' ها مب جنه نفسه الي دعمته صوب المدرسه بالغلط '
: شكرا حبيبتي ماقصرتي
انا : العفو عمي مب بيـ...
ها اخر شي اتذكره نسيت و بعدها نشيت وانا ف مكان يخوف وفاضي وكان ظلام انا خفت وتميت اصارخ ومحد يا ولا شي بديت اخاف واهلوس
انا : انا كيف وصلت هني ومتى احين الساعه كم شسالفهههه
: هلا ببنتي وحبيبتي نشيتي ؟
انا : نعم ؟
: شوفيج شكلج ما استانستي بجوفتي
انا : ابوي ؟؟
راشد ' ابوي ' : علييج نوور انا ابوج راشد بن محمد
انا يتني نوبه هستيريه تذكرت كلام امي واهلي عنه ها الوحش الي هو ابوي والمشكله محد من اهلي يعرف اني شارده بيتحروني ف المدرسه ولا ويييت الساعههه كممممم
راشد ' ابوي ' : ها ها بابا شوفيج ما اعض باباتي لا تخافين تخافين من ابوج؟ ' بدا يي صوبي اكثر واكثر '
انا : وووخرررررر وخر عني لاتييييي انا ابوي مااات ماااتتتتتتتت
ما حصلت من بعد ها الكلام الا الكف الي خلا خشمي يصب دم مثل الشلال
انا : قووم عنيييييي قو..م عع عن..ي
واغمى علي ولا حسيت باللي حولي وشو استوالي نشيت بعدها وانا ف نفس المكان
انا : يعني مب كابوس طلع صدق ها صدق بابا صدق طلع ابوي شيطان ' صارخت ' لا لا لا لااااااااا
الا سمعت صوت هيي رنة فوني وانا متاكده متاكددده كانت شنطتي صوبي وشكله ما انتبه للفون الي انا اساسا خاشتنه عشان محد يزخني ف المدرسه زحفت صوب الشنطه وخذت فوني ورديت كان عمي داق
عمي : رييييم عمييييه وييينجججج
انا : عميي خطفنييي خطفني عمي خطفنييي
عمي : مننننوووووو
انا : عمي ابوي خطفنييي وضربني ماقدر اقوم على ريولي عمييي ساعدنييييي
وقبل ما اسمع صوت عمي سمعت صوت ابوي وهو يزقرني فريت الفون بعيد .
راشد ' ابوي ' : وييينج يا بنتتتتت
انا بصوت مبحوح : هنيه
هو حس اني يالسه اخش شي تم يطالع ويطالع ولمح الفون
راشد ' ابوي ' : يا **** انا برواييييججججج
عمي : ياوييلكككك يا راشدددددددد
راشد ' ابوي ' : صخخخخخخخخ يا الهرمممم ' فر فوني بالقو ع الارض من ما خلا الفون يطيح ويتكسر' طالعني بنظره وقال
راشد ' ابوي ' : الا يليييي ما تستحييييين تتصلييين عليييهم بكل قوة عيييين ' راح وياب عصايه عوده خشبيه ' انا بربيج
انا : لا لا مالي خص لا ماسويت شي
هو ما رحمني ما خلاني لين طحت منهاره تم يضربني بكل قوة كسر جسمي وعظامي اخر ضربة كانت ف راسي ووقتها من قوة الضربه دارت الدنيا فيني وطحت مغمى علي للمره الثانيه
يتببع (: اول شي وايد سوري لاني تاخرت عليكم وشكرا على دعمكم الحلوه وحماسكم طبعا ها البارت بعد يعتبر قصير بس نزلته عشانكم واتمنى يعيبكم واذا لاحظتو اي غلط خبروني وانجويييي 3 > .
أنت تقرأ
لِك يا هنوف الخِصال مْحبِّةٍ في دْماي
General Fictionرواية اماراتية لِك يا هنوف الخِصال مْحبِّةٍ في دْماي الرواية بتكون تجربه واتمنى تعيبكم وتستانسون عليها لو عيبتكم ادعموني وشجعوني اكمل وبس انجوي لو كان شي اي غلط او عندكم اي فكره ترومون تعرضونها علي وتكلموني 🌷
