لِك يا هنوف الخِصال مْحبِّةٍ في دْماي‏

Part 8

سمعت صوت قوي صوت طيحة ركضت بسرعه صوب الدري وجفت فارس طايح.....

انا : فارسسسسسس
فارس : ماعليه مافيه شي
انا : فارسسس دممممممم
فارس : عادي بسيطه ماعليج
انا : فارس كندورتك كلها دممممم
مارد علي انا ركضت صوبه وحاولت اساعده يوقف ووديته حجرته ' الحجره الي نمت فيها '
انا : فارس وايد شي دم شي ثلج عندكم ؟
فارس : ماشي ثلج بس ماعليج مافيني شي
انا : نزين عدة اسعافات اوليه ؟
فارس : اشر لي صوب السده وقالي هناك
ركضت وبطلت السده وكان كل شي مرتب خذيت ضماد وقطن و وايبس ركضت صوبه ورفعت كندورته وبديت امش الدم ويبت وايبس ومسحت الدم الي تيبس وبعدين ضمدت ريوله عدل ' صوب الركبه '
انا : فارس يعورك ؟
فارس : لا مايعورني ماعليج
انا : فارس كيف مايعورك ترا واضح انك متعور
فارس : نزين مب وايد شوي بس
انا : نزين انا بطلع بدل كندورتك
فارس : زين
انا : تروم تبدل؟
فارس : هي هي اقدر يلا طلعي
انا : تمام طالعه انتبه حق عمرك عدل
فارس : ماعليج بنتبه
طلعت من الحجره وانا خايفه عليه انه يطيح ولا شي الا اسمع صوت من وراي
: السلام عليكم
انا : وعليكم السلامه والرحمه
خليفه : شحالج ريم عساج بخير
انا : حمدلله تمام يسرك الحال
خليفه بنبره فيها هزه : عظم الله اجركم
انا قبل ما ارد عليه سمعنا صوت قوي ف حجرة فارس وانا علطول دشيت عليه وخليفه وراي جفنا فارس طايح على الارض ' دار راسه يته دوخه ' خليفه راح صوبه
خليفه : فارسسسس
انا : فارس شوفيييههه
خليفه : فارس رد فارسسسس ، اييبييي ماييييي
انا ركضت اييب الماي وعطيته حق خليفه وخليفه يرش ع ويهه فارس ماي عشان فارس ينش
فارس : م..مافيني ش..شي
خليفه : كيف مافيك جوف حالككك
انا كنت صوبهم ويتني فكره ادق حق عمي وبعدها قلت
انا : بدق بدق حق عمي
خليفه : دقيييي بسسرعههههه

دقيت علطول ورد عمي
———————————————-

انا قلت بصوت فيه صيحه : عمييييييي
عمي زايد : ها عمي شو مستوي
انا : فارسسسسس
عمي زايد : شو فيه فارس توه كان ف الخيمه ويايه
انا : عمييي فارس طاححح
عمي زايد : ششووووههههه
انا : عمي تعال بسرعه دخيلكك
عمي زايد : ياييي الحين حاولو توعونهه
انا : نزين عمي بس لا تتاخر
عمي زايد : ياي ياي

وبند عن عمي وجفت انه فارس بعده طايح خفت وبديت اصيح

خليفه : ريييم لا تصيحيين
انا : كيف ما اصيييح كييففف امي ويدتي راحو مابا حد ثاني يروح ماباااا انا اباااا فارسسسس
فارس : ر..يم انا تم..ام
انا : فارس الله يخليك لا تروح
خليفه : مافيه شر ان شاءالله
فجاه يا عمي وجاف فارس وعلطول سندوه ع جتوفهم وركبوه السياره وانا وياهم وحركنا للمستشفى ودخلوه يفحصونه وانا ميته خوف

انا : عمي فارس تمام صح؟
عمي زايد : بخير بخير بأذن الله
انا حضنت عمي وتميت اصيح فحضنه لين ييت النيرس وهي تزقر اسم فارس
عمي زايد : يس يس هيير ' هني '
النيرس : دكتور ونت يو ' الدكتور يباك '
عمي زايد : كومينق ' ياي '
رحنا انا و عمي زايد وخليفه ورمس الدكتور
الدكتور : السلام عليكم ورحمة وبركاته
عمي زايد : وعليكم السلام ورحمة الله وبركاته عسى ما شر دكتور
الدكتور : فارس ياه انهيار عصبي وارتفع ضغطه لازم تنتبهون له عدل
عمي زايد : ان شاءالله و ماتقصر يا دكتور
الدكتور : الله يقومه لكم بالسلامه في حال نش تقدرون تطلعون على طول وسالفة الادويه ما بعطيه شي الحين لانه الي ياه يعتمد ع النفسيه يعني ماشي ادويه بتنفع وياه بشكل فعلي النفسيه فوق كل شي اتمنى تنتبهون له عدل وخطاكم الشر
عمي زايد : أن شاء الله ما تقصر والله
الدكتور ابتسم وطلع تمينا شوي وبعدها فارس نش وطمنا انه بخير ويحس عمره تمام وبعد ما خلص المغذي طلعنا من المستشفى ونحن ف الموتر
انا : فارس متاكد انك بخير ؟
فارس : تمام التمام
عمي زايد : فارس اي تمام الله يهداك واضح انك منهار تعب
خليفه : عمي ما عليك انا بتم وياه وان شاءالله بيتحسن حاله
عمي زايد : ماتقصر يا ولدي المشكله الهام ' حرمة عمي زايد ام فارس ' ف البيت الثاني ها الثلاث ايام عشان العزا
انا اول ما سمعت طاري العزا نزلت دموعي من نفسها
فارس انتبه لي وقال
فارس : ليش تصيحيين
انا : ماشي عيوني ييتها لمعة
عمي زايد : تعالي عميه تعالي
انا حرفيا منهاره تعب ومتضايقه وايد حضنته ' هو كان يالس ورا صوبي ' واحس روحي بتطلع تميت اصيح واصيح واصيح لين تعبت وقمت عنه وهو ما تكلم ابدا هو كان حاضني بالقو عمي كان يحس فيني كلنا متضايقيين وكلنا نقص على بعض مافي شي تمام كل شي يسير عكس الي توقعته سبحان الله كيف كل شي يستوي بلمحه وحده وبدون ما نحس بشي راحو امي ويدتي بلمحة بصر انا للحين مب مستوعبه بس ! قضاء الله وقدره ان لله وان اليه راجعون

يتببع): ...