يوم الاحد .
نشيت وراسي كان يعورني وحاسه بتعب مو طبيعي جفت حولي وحاولت استوعب كل واحد بكندورته و بطوله وعرضه نايم بمكان كان فارس نايم على الكرسي وحمدان نايم صوب ريولي وخليفه كان يالس ع الارض ومساند راسه على اليدار حاولت اكون هاديه وييت بقوم ما انتبهت حق ايدي الي حاطين لها مغذي والابره طلعت من ايدي وبدا الدم يصب
انا : ايييي - حمدان نش لانه اجرب واحد مني
حمدان : ايدجج ترييي تريي
حمدان : خلييفه خليفه نشش
خليفه بصوت فل رقاد : هاااااا
حمدان : قوم ازقر النيرس بسرعه
خليفه لما انتبه حق ايدي فز وراح يزقر النيرس ويا ركض عندي وجاف ايدي والنيرس ييت وراه
النيرس : وت يوو دوو ' شو مسويه '
انا : باي ميستيك ' بالغلط '
خليفه : يعورجج ؟
انا : لاااا بلاكمممم ما بموت
النيرس نظفت الدم وحطت لي لزق وكل شي وبعدها طلعت الا فارس ينش
فارس : بسم الله بلاكم شو مستوي
خليفه : ارقد ارقد ابويه كمل رقادك
وكلنا ضحكنا الا فارس لانه مايعرف شو مستوي
- تسريع احداث -
بعد شهرين .
كنت ف السياره ويا حمدان ورايحين المدرسه ' حمدان ماعنده ليسن بس ماخذ موتر يدي بعد شور ونقاشات حاده '
حمدان : ريموه
انا : هاه
حمدان : شو هاه بعد احترمي اخوج العود
انا : جب جب الا هي كم شهر
حمدان : الضحكه دي يا ناسوو كوجي كوجي يا خلاصو ' لو غلط سلكو '
انا : حفاضة قود كيير الترطيب هيا اساسووو
حمدان : طع هاي انتو بس انا اغنيلها عشان اقهرها وهي تكمل ومنطربه
انا : حمدان بقولك نكته
حمدان : قولي و يويلج لو كانت سامجه لاني صدق بنزلج من الموتر
انا : لا لا ماعليك
انا : كان شي بنت تطلع ويا شباب نزين
حمدان : نزين كملي
انا : بعدين مره ابوها لحقها وجافها وحولها الشباب
حمدان : اق
انا : صبر صبر خلني اكمل المهم جافها وهي خافت من ابوها وقالت حق الشباب يتصرفون والشباب ذبحو الابو وفروه ف الغساله وبعدها البنت ردت البيت وهي خايففه وامها جافتها وسالتها شوفيج شو مستوي وقبل ما ترد طلع الابو ف وييهم وسالته البنت كيف بعدك عايش رد عليها مع تايد للغسيل مفيش مستحييل ' ماعليكم نكته ولا سالفه كله واحد '
انا : والله تضحككك
حمدان : اولا هي تضحك بس شوي وثانيا استوت سالفه مب نكته ثالثا سامجهههه نزلييي بسرعه
انا : حمدان لا تستهبل
حمدان : نزلي بسرعه بسرعه
انا : اففف
نزلت من الموتر لانه حرفيا بعد خطوتين بوصل المدرسه وانا امشي واسبه بكل السبات فجاه
انا : اههخخ يقهرررر اف حيوان
دعمت حد بالغلط
انا : سورييي
: عادي حبيبتي
انا : طالعته بنظره سريعه ابتسمت ورحت عنه كان ريال واضح انه عود نهاية الاربعينات بس كان وايد مألوف خفت شوي بس كملت عادي وحمدان كان يطالعني بنظره
حمدان : ليش تاخرتي؟
انا : تنزلني ولما اتاخر تتفلسف
سحبني من ايدي جني حبيبته ودشينا المدرسه وحمدان نقل صفي عشان ينتبه لي لو حد اذاني انا قلتله
ماله داعي بس هو اصر علي خاصة من بعد ما عرف سالفة الاداريه المهم دشينا الصف ويلسنا اخر شي انا وياه وبدت الحصص وكل شي كان تمام خلصت الحصص وردينا البيت انا سلمت على يدي ويدتي ورحت حجرتي لبست بجامتي وعلطول انخمدت ونمت ' عطوني حجره من الحجر الفاضيه عندهم وانا رتبتها وكل شي '
الساعه 7:30 .
رن تيلفوني ورديت
: الخمهه
انا بصوت فل رقاد : هاااههه
روان : نشي نشي بنطلع
انا مفهيه : الساعه كم ، وييت بجوف
روان : شو تجوفين الساعه سبع ونص بسج نشي
انا : لا تستهبلين تاخرتتت ع السكوولللل
روان : اييه دبوه انتي غبيه ولا تستغبين لا تيننيينيي
انا : روان فجي عني وراي نشه دخيلج
روان : اقول نشي وتجهزي انا خبرت فارس وقال بيكلم خليفه يكلم اخوج ونطلع سوا
وسكرت عويهي
انا : بلاها هايي
نشيت ورحت صوب الجامه
انا : الدنيا مظلمه ليكون قامت القيامه ' استغفرالله '
الا حد يدق باب حجرتي
انا : ها حمدان شسالفه
حمدان : بنسير القريه
انا : القريه
حمدان : هي بلاج مفهيه يلا عن الفلسفه وتجهزي روحنا متاخرين شوي وبتستوي الساعه ثمن نشي
انا : احين نحن فليل ولا ف النهار ' ماعليكم فهاوه '
حمدان : لا والله يعني حسبالج القريه تبطل ثمن الصبح حضرتج
انا : اوووهه صححححح
حمدان : قومي قومي غسلي ويهج وايد مفهيه اجوفج
انا : حماسسسس يلا يلا رايحه
رحت عنه تغسلت وكل شي تمام وحسيت اني صحصحت غسلت ويهي بغسولي المفضل طلعت من الحمام ' الله يعزكم ' ولبست لي مخوره ورديه طبعا انا انسانه لو اروح اخر الدنيا البس مخور ماتحلى طلعتي الا بمخور المهم لبست مخوره ورديه وعليها وايد شغل صوب الصدر والاكمام من تحت كانت حلوه حلوه خباللل ماحب المجوهرات عسب جي بس لبست اسواره بيضه وساعه بيضه كان طقم شاريتنه من قبل المهم لبست لي كعب يعني هو مب كعب مب مرتفع وايد بس كان كشخهه بالمرهه ومرييح خلصت وكل شي تمام ودقيت على روان وسالتها شو بتلبس وانا ادري شو بتلبس بس بتاكد دقيت لها
انا : رواننووهه
روان : عييينيييا
انا : بسالجج
روان : سالي
انا : ليكون بتطلعين بتيشيرت وبنطلون نفس الهنود ' محشومين الهنود '
روان : حشميييييي اكيد بمخوره
انا : نفسيييييي
روان : اونهه
انا : هيه هيه
انا : نزين روان بنطلع بسياره وحده صح ؟
روان : هيه اتوقع بس انتو تعالو وبنجوف
انا : اوكييي اتفقنا
روان : يلا عيل سيوووو
انا : سييوو
بندت من عندها وحطيت شوي ميك اب وخلصت كل شي وشليت شنطتي الي حطيت فيها ليب لاينر وتنت وقلوس ومسكره وحطيت فوني وبوكي بطلت باب حجرتي الا اجوف حمدان فويهي
يتبببع ): البارت قصير بس عادييي
أنت تقرأ
لِك يا هنوف الخِصال مْحبِّةٍ في دْماي
General Fictionرواية اماراتية لِك يا هنوف الخِصال مْحبِّةٍ في دْماي الرواية بتكون تجربه واتمنى تعيبكم وتستانسون عليها لو عيبتكم ادعموني وشجعوني اكمل وبس انجوي لو كان شي اي غلط او عندكم اي فكره ترومون تعرضونها علي وتكلموني 🌷
