نهيان : انتي كل يوم صوب واحد ؟
انا : قلت وبرد اعيد تراه ولد عمي بغيت ولا مابغيت وثاني شي ترا ما يخصك ابد وثالث شي توني اعرفك ترا ليش مشتط
نهيان كان ياي يرفع ايده علي الا فجاه خله حمدان
حمدان : يا ريال هدييي شبلاكك
نهيان : نرفزت بي
حمدان : خلها خلها تروح ترا هب مريله انك تضرب بنيه
نهيان طالعني وقال : زولي من جدامي يلا
رحت عند فارس وسحبني وركبني السياره وصارخ وقال .
فارس : تستهبلييين مسرع رابعتي ولا شباب بعد ؟
انا : اويه بلاك مشتط نفسه ترا محد له خص فيني فاهمين
فارس : زين ياريم زين بيي اليوم الي بتجوفين فيه انه الي تسوينه غلط وغلط وايد بعد وصلا ها واضح من اسلوبه انه قليل ادب وجوه بنات
انا : اوكي اوكي خلاص
وتمينا طول الدرب ساكتين وصلني وعلطول حرك وراح انا دشيت البيت وعلطول دشيت غرفتي ونمت حتى ماخبرت امي ونشيت بعد ساعتين جي بسبب الي صار ماما دشت حجرتي وجافتني .
ماما : ريم ماما شو تسوين هني انتي ومتى ييتي
انا : ماما فارس وصلني لانه خلصنا سالفة الاداريه
ماما : مايقصر والله ، زين ماما قومي ورانا طلعه اليوم
انا بحماس : ويييننن
ماما : اجرنا شاليه وبييون عمج وحرمته وعياله ويانا الباقي مايرومون لانه مدارس وحشره بس انا عاده اسمحلج عادي عدج توج باديه وعمج بعد مب وايد متشدد بنقضي وياهم لين الاحد الياي
انا : حماسسس بجوف بنات عميييي
ماما : قومي قومي ورانا درب
انا : يلا ماما احين قايمه
ماما ابتسمت وطلعت انا قمت وجهزت شنطتي الميك اب والاكسسوارات وجهاز الفير والاستريتر وكل شي حرفيا جهزته ومر الوقت وبعدها طلع فارس الي بيودينا انا وماما ويدتي راحت بيت عمي الثاني بنات عمي وحرمة عمي عمي الي بيسوق فيهم لين الشاليه يدتي يلست جدام وانا وماما ورا وحرك الموتر تمينا جي وكان كل دقيقه يخزني بنظرات خايسسه وكان يسولف مع ماما ويدتي عادي وانا ساكته وصل يدتي وبعدها وصلنا بعد درب طويل للشاليه وكان الشاليه عوددددد وفيه مسبح بعد انا كنت متحمسه طلعت من السياره واركض الا اصدم واحد طويل واطيح فحضنه
: عدج ياهل ما تكبرين
انا ابتسمت ورديت : استويلك ياهل عمييي
عمي زايد : واييي انا فديتووو حتى صوتج صوت ياهل
انا : عمييي عادد انا كبرت كبرت
عمي : بعدني اجوفج ياهل
انا : فديت حسك عمي يعلني ما انحرم منك
فجاه
: هيه الدلع كله حق عمج
انا : خالوههه لا تقولين جييي احبج انتي بعد
حرمة عمي زايد : واضح واضح بعيوني اجوف الحب
انا وعمي ضحكنا ودشينا كلنا داخل
: وصلت وصلت
: الله فديت بنت عمنا تجنننن ' من زمان مب جايفين بعض نادر نتلاقى '
عمي زايد : روان عذبه سلمو يلا
روان وعذبه : السلام عليكم نورتو والله
امي : وعليكم السلام ، كبرتو ماشاءالله عليكم عرايس عرايس ' ماما الا تزوج الكل '
عمي زايد ضحك وقال : اي عرايس كل وحده عقلها عقل نمله
روان وعذبه : بابااااا
وكلنا ضحكنااا
أنت تقرأ
لِك يا هنوف الخِصال مْحبِّةٍ في دْماي
General Fictionرواية اماراتية لِك يا هنوف الخِصال مْحبِّةٍ في دْماي الرواية بتكون تجربه واتمنى تعيبكم وتستانسون عليها لو عيبتكم ادعموني وشجعوني اكمل وبس انجوي لو كان شي اي غلط او عندكم اي فكره ترومون تعرضونها علي وتكلموني 🌷
