مر شهر على ها السالفه ومر شهر على موت امي ويدتي قد خبرنا المدرسه عن عذري لاني غبت بس هددوني بالفصل لو تميت اغيب بديت اتأقلم في بيت عمي وعلاقتي بفارس صارت وايد قويه وخليفه بالمثل وبنات عمي كانو وياي ودوم يحاولون يلهوني عشان ما اتم روحي وافكر ويا يوم الاثنين ووصلني فارس المدرسه طبعا عن الدريول هو كان متعور ولما استوا زين عمي طرشه بلاده دشيت المدرسه وحسيت بشعور غريب دخلت الصف ويلست وانا اطالع الي حولي ف الصف ييت بحط راسي الا يزقرني
حمدان : ويييهه الغايبيين ردوووو
انا : من زمان عنك والله
حمدان : تولهنا عليج وايد طولتي كل يوم اييي اجوف لو موجوده ولا
انا : ع اساس وايد تعرفني واهمك
حمدان : اكيد تهميني غناتيه
انا : خل عنك
الا دش الاستاذ
الاستاذ : كوم اون سيت داون اند اوبن يور بوك ' يلا يلسو وبطلو كتابكم '
حمدان : يلا يلا انا بطلع احين وبيي ف البريك
انا : يلا زين زين روح عن يزخك
راح حمدان وبدا الاستاذ يشرح وانا حطيت راسي على الطاوله وكنت يالسه افكر في كل شي استوالي الاستاذ ماقدر يقول لي شي وصل خبر لكل الاساتذه الي يدرسوني عن الي فيني ومحد يروم يقول لي شي وعمي اساسا كلمهم قبل تميت جي لين خلصت ها الحصه والي بعدها ويا البريك وعلطول حمدان يا
حمدان : يييت
انا : ولكم
حمدان : ويننج مختفييه
انا حاولت اغير الموضوع ضحكت وقلت : شصار على نهيان
حمدان : انتقلو بيت ثاني صوب الرويس عشان دوام ابوه
انا : وييه اخر الدنيا
حمدان : هيي
انا : نزين طمني عنك بعد شتسوي
حمدان : بخير طاب حالج
انا : دووم
حمدان : وياج الغاليه
انا : شرايك نتمشى طفرت من القعده
حمدان : يلا طوفي
كنا نتمشى انا وحمدان ونسولف عادي ورديت كلاسي بعد ما خلص البريك ومرت الحصص واستوا ع البيت وصادفته صوب الصف وانا طالعه
حمدان : ها رايحه ؟
انا : هي بطلع احين اكيد ولد عمي يا
حمدان : نزيين عيل جاوو
انا : بيناا
طلعت من المدرسه الا فارس فويهي
فارس : زين انج طلعتي تعبت اتريا
انا : ليش من متى تتريا
فارس : من شوي ، المهم يلا مشينا
ركبت الموتر وحركنا ووصلنا البيت ما تغديت رحت فوق بدلت ورقدت علطول
تسريع احداث بعد شهر تقريبا .
استويت احسن وبديت اتقبل فكرة وفاة امي ويدتي وكنت ادعي لهم دوم وتقربت من ربي اكثر وتحسنت احوالي واستويت وايد كلوز ويا فارس وخليفه وردت علاقتي ويا بنات عمي اقوى واقوى وطبعا الي هم روان وعذبه وبعد اما حمدان كان ربيعي ف المدرسه وتعرفت بعد على يدي ويدتي ' من صوب امي ' واهلي بتعرفونهم مع الاحداث
يوم السبت .
توني كنت طالعه من الحمام ستشورت شعري وخليته ستريت وبعدين بدينا انا والبنات نحط ميك اب وغيره وبعد ما تكشخنا نزلنا و كانو فارس وخليفه تحت
روان : فارس وين ابويه
فارس : راحو بيت يديه
روان : هيييههه زين يلا مشينا نحن تزهبنا
عذبه : زين يلا حركنا
انا : فارس ماعليك امر نزلني بيت يدي حامد ' ابو امي '
فارس : بتنزلين روحج هناك ؟
انا : هيه عادي بيلس وياهم شوي اشتقت لهم
خليفه : زين زين يلا حركنا
ركبنا الموتر ووصلوني بيت يدي حامد وروحو وقالي فارس بيمر علي بعد ساعتين جي نزلت ودقيت الجرس وبطلت البشكاره الباب دشيت داخل وجفت يدي يالس رحت عنده وسلمت عليه وبست ايده وراسه
يدي حامد : امييه رييم توا مانور البيت نورتي تعالي اقربي
انا : هلا ابويه اشتقت لك وايد وحق يدوه وقلت بمركم شويه
يييت يدتي من وراي والمبخره بأيدها وقالت : هلا حبيبتي ريم نورتي
انا : يدوهه حبيبتيييي
يدوه : افداج كلي حبيبتي انتي قمر قمر
انا : فديتج والله يدوه
يدي : ريم حبيبتي
انا : هلا يدي امرني
يدي : زين انج ييتي عندي لج خبر ولازم اصارحج فيه
انا : قول يديه اسمعك
يدي : جان ماتعرفين عندج اخو بعمرج ولا يكبرج شهور
انا بعدم تصديق : شوووووههه
يدتي : هدي حبيبتي هدي
انا : يدوه يدي شو يالس يقول اي اخو ومنووو
أنت تقرأ
لِك يا هنوف الخِصال مْحبِّةٍ في دْماي
General Fictionرواية اماراتية لِك يا هنوف الخِصال مْحبِّةٍ في دْماي الرواية بتكون تجربه واتمنى تعيبكم وتستانسون عليها لو عيبتكم ادعموني وشجعوني اكمل وبس انجوي لو كان شي اي غلط او عندكم اي فكره ترومون تعرضونها علي وتكلموني 🌷
