لِك يا هنوف الخِصال مْحبِّةٍ في دْماي‏

Part 1

نشيت وانا متضايقه بروح مدرستي اليديده محد قالي اقول اني ابا انتقل وطبعا ما حصلو الا مدرسة خاصة المشكله مب انها خاصه لانه دوم اسير خاصة المشكله ها المدرسة مكس وانا نقلت في نص الفصل وماما قالت حق يدتي ماتروم تماطل اكثر لانه خلاص لازم تبا تدرس وتذاكر بختصار تشد حيلها ها تفكير اهلي وبالاخص امي وانا بالنسبة لي الدراسة صوب وانا صوب بس اهم شي انجح وانا غارقة في احلام اليقضه
دشت ماما وقالت : يلا ريم بسجج رقاد نشي
رديت عليها وانا اتثأوب : ها ماما انا ناشه وقلت بيني وبين نفسي 'يالله صباح الخير'
ردت ماما : يلا نشي
رديت عليها : زين ماما
ماما طلعت وخلتني قمت علطول تغسلت وفرشت وصليت الفير وتلبست بعد ما خلصت نزلت تحت الا
ماما تقول لي : ماشاءالله كاشخهه
قلت لها : افا عليجج
ردت بنبرة تخوف وقالت : ماشاءالله عرس ؟
قلت لها : ماما اول يوم بليز لا تحطميني وتخليني اروح والمعنويات زيرو على ها الصبح
ردت علي وقالت : ماما ريم حبيبتي اخاف عليج من العين سمعي مني انتي ماشاءالله من الله جميله ليش تحطين ها الخرابيط على ويهج بعدين انتي احلى بدون ها الخربطان بشرتج بتتحسس بعدين
قلت لها وانا منزلة راسي : مااماااا بلييززز خليني اروح جي بحصن عمري وانتي حصنيني ' لا تسالون كيف '
ماما ردت : خلاص ماما اهم شي ما تتضايقين انتبهي مب ترابعين اي حد ولا تسوين مشاكل بعد بيدقون حق عمج تعرفين انه حاطين رقمه وبيعرف كل شي قبل لا انا اعرف وانتي ادرى
قلت لها : ماعليج امييه ماعليج
ماما : سيري عند يدتج سلمي عليها لين ما يخلص الريوق
وانا رايحة قلت : ان شاءالله ماما
رحت عند يدتي وانا اناقز وشعري مفتوح وحاطه مسكرا وبلش وقلوس يعني مب مخبصه دشيت بدون سابق انذار الا اجوف ريال غريب عند يدتي زغت وماقدرت انطق وهو جافني
قلت بصوت شبه عالي بدون لا اعرف هو منو بس جي خبصت : والله ببلغ الشرطه هد يدتييي هدها يلا بسرعهه والله بخبر ماما ' مكثره من المسلسلات الهنديه '
وقبل لا اكمل كلامي الا يدتي تصارخ وتقول : وييييي رييممم اميييهه وين شيلتج
قلت لها وانا منصدمه : يدوهه بلاجج انا يايه احميج وانتي تصارخين شيلتج شيلتج
ونحن نتناقش اي نقاش المفروض اقول نتضارب الريال كان منصدم بعده وما رمس وانا كنت اطالعه بنظرة حقد
ماما قاطعتنا وقالت : شسالفه ليش اصواتكم طالعه وطالعتني بنظرة وكملت ريم شحقه ها الازعاج مب جنه قلت سيري سلمي انتي يايه تسلمين ولا تتضاربين وفجاه انتبهت حق الريال الي واقف صوب يدتي وقالت له : فارس امييه كبرت ماشاءالله عليك معرس معرس
رد ها الي اسمه فارس وقال : اي معرس خالتي عدني صغير ، اسمحيلي ماخبرتج اني ياي عاد تعرفين توني راد من السفر وقلت بمر بسلم دام الدرب من دربي
ردت ماما : عادي والله البيت بيتكم والسموحة على الي استوا ريم ما كانت تعرف وجلبت البيت كله الله يهديها
قلت بصوت مبحوح وانا يايتني صيحة ' ماعليكم مني دلوعه ' لانه ماما قالت جي جدام حد ماعرفه وقلت : ماما منو ها وليش جي تقولين
ماما : فارس ولد عمج اليوم راد من السفر وعاد الباقي سمعتيه
قلت لها : انزين يلا ماما يدوه انا طالعه
يدتي : الله يحفظج
ماما : نزين والريوق ؟
انا : مابا ريوق مابا
رحت من عندهم وكنت يايه ازقر الدريول الا اجوف انه سيارته مب موجوده رحت صوب حجرته ودقيت الباب وما رد علي وعلطول صحت لانه حرفيا حزت فخاطري انه ماما رمست عني جي جدام ها فارس وف نفس الوقت الدريول اختفى وها اول يوم حقي رحت لهم وانا اركض والدموع في عيني بطلت عليهم الباب
وقلت بصوت عالي : ماما الدريول محد وتميت اصيح وانوح جني ياهل يدور امه بين الزحمة
الا ها فارس بكل قوة عين يقول : خالتي لو عادي عندج بوصلها انا
ردت امي وقالت : زين تسوي يا فارس كثر الله خيرك
وهو ابتسم لها وباس راسها وراس يدتي احتراماً لهم طبعا وقال : يلا طالع انا تأمروني على شي
ردت يدتي : ما يامر عليك عدو درب السلامه يا ولدي
ماما قالت : الله يحفظك وماتقصر الا تحط عينها في عيني وتقول يلا ريم حبيبتي روحي
قلت لها : تمام يلا رايحه مع السلامه
ومشيت كنت امشي ورا واجوفه عمود كهرباء كنت افكر واقول ها من وين طلع الا وانا امشي وانا كنت مفهيه كنت يايه ابند الباب وبندته على صبعي وتميت انوح
انا : ايييي يعور
فارس : بسم الله شو استوا
انا اطالعه والدموع متيمعه في عيوني كان يعور وصبعي علطول استوا ازرق وهو لاحظ
فارس : احح شو سويتيييي ايبييي صبعج وسحبني
وما كان بينا مسافه حرفيا وبدا ينفخ عليه ماعرف شو ها الهبل الي يسويه بس فعليا نسيت كل العوار وتميت أتأمله وهو ينفخ ع صبعي وواضح عليه نظرات التوتر وجي يعني الحزه ها النظرة الي تبين انه حاس فيني ولما استوعبت على عمري وخرت منه وقلت له يلا خلنا نروح بتأخر مارد علي وراح للموتر وانا وراه حركنا وانا يتني الفصلة وكنت ارمس نفسي بصوت عالي
وقلت : منو ها البتاني الي اول ما يي من السفر اول الصبح يدرعم بيوت الناس ما استوعبت انه يسمعني وقلت بعد عمود كهرباء هب انسان الا فجاه
رمس وقال : والله انتي الحشره القصيره
انا شهقت وبعدين استوعبت وتميت اطالعه بنظرة حقد لين وصلنا ونزلت وقبل لا ابند الباب سمعته يقول : الحمدلله فكه
انا بندت الباب بالقو وقبل لا امشي بطل الموتر وزغت من صوته -فتك- بعدها بطل الجامه وابتسم وحرك علطول اهههخخخ يقهر ، دشيت المدرسة وعلطول رحت صفي ويلست وحطيت راسي

—

عند فارس

فارس : والله يع على شو جايفه عمرها انا ييت عشان يدوه وخالتي مب عشانها ولا بعد تتفلسف عن طولي روحج سنفوره وقصيره مب مشكلتي اف غبيه
فجاة دق فون فارس وكان العشير متصل رد فارس علطول
فارس : هلا والله العشيير
: اهلييينن حييه حيهه توها ما نورت الدوله بكبرها بوصولك
فارس : منوره بأهلها علوم اخبار شمسوي بعد بدوني
خليفة : والله ماشي اخبار وكل شي نفس ما هو واليوم الجدول مولع بوجودك
فارس : ياريالل تعبان هلكان
خليفة : خل عنكك يلا عن الدلع اليوم بمر العصر تجهز شي وقت حق النوم و الراحه
فارس : ما عاش من يرد العشير
خليفة : يلا عيل بينا
فارس : بينا

—

دش الاستاذ علينا وانا حاطه راسي جافني الاستاذ حاطه راسي
الاستاذ : يلا اصحي بئه ولك اؤمييي
انا : خلاصصص صدعتتت بسسس
الاستاذ : احترمي نفسك واؤمي على مكتب الموديررر
انا : فكنا جعلك الاسهال
قمت من مكاني وطلعت الصف وانا امشي دعمت واحد رفعت راسي الا واقول عوذبالله كلهم طوال واعمدة كهربا
الطويل : بلاج انتي ما تنجافين ترا
انا : جب جب
الطويل : ماتخيل اكون سنفور واتفلسف بستحي من نفسي انا
انا : والله اكون سنفوره احسن عن ما اكون عمود كهربا

مشيت عنه ورحت رحت جي مكان جنه ستور وهو يا ولحقني

انا : اويه بلاك جايف فيني طبع من امك لا سمح الله ؟ ' انكت ماشاءالله علي '
الطويل : جب جب عن الفلسفه ملان انا خلنا نسولف
انا : خلاص برمسك بس لانه ملل
الطويل : نزين نزين
انا : نزين يا العمود ليش شارد
الطويل : ترا عندي اسم
انا : شسمك نزين قول
الطويل : اسمي نهيان
انا : لا اسمك فنان
الطويل : غصبا عنجج

انا ما رديت عليه وبدا يسولف وانا ارد عليه وحسيت انه جوي وسوالفه حلوه وعيبتني اليلسه وايد وخلص الدوام ونحن في الستور بعدها لما جاف الوقت في فونه طلعنا رحت صفي وهو راح صفه اول ما دشيت الصف جفت الادارية تترياني اكيد عرفت اني برد لانه شنطتي هني اساسا

انا : قومي من جدامي
الادارية : احترمي نفسج يا بنت وتعالي جدامي للاداره
انا : مابييي موتي حرهه
يتبعع(:

رايكم ؟ اكتبولي توقعاتكم وهل تبوني اكمل ؟