Unicode
အိပ်ဖို့ ပြင်နေတုန်းရှိသေး လူကို ဆွဲပွေ့သွားတဲ့ကောင်ကြောင့် နေဥတ္တရာ ဒေါသတွေကအတောင့်လိုက် ထွက်လာသည် ။
သူ ရေလည်းချိုးပြီးပြီ ။ အများကြီးလည်း စားပြီးပြီလေ ဘာတွေထပ်ကျွေးဦးမလို့လဲ အိပ်ချင်နေပါပြီဆို ။
" မင်း! "
" ငြိမ်ငြိမ်လေးနေ ညောင်းနေမှန်းသိလို့ "
ဆောင်းတွင်းထဲ ဝင်လာပြီဖြစ်၍ လမ်းများများလျှောက်တာနဲ့ နေနေ့ ခြေသလုံးနဲ့ ခြေချောင်းလေးတွေက ကိုက်တာခဲတာမျိုးဖြစ်တတ်သည် ။
ဒါကို ဝီရဦးခေါင် က ဘယ်လိုသိသွားလဲ မသိ ။ ကော်ဇလုံ အဝိုင်းလေးထဲ က ရေနွေးနွေးလေးတွေနဲ့ နေနေ့ကိုခြေထောက်ဆေးပေးဖို့ ပြင်နေတာပင် ။
" ခြေထောက်ပေး "
" ဟင့်အင်း "
ပါးစပ်က သာ ဟင့်အင်း ဆိုပေမဲ့ အလိုက်မသိတဲ့ခြေထောက်နှစ်ချောင်းက ဝီရဦးခေါင် ပေါင်ပေါ်မှာတင်လျက်သားလေးဖြစ်နေပြီ ။
" ဘောင်းဘီ အရင်ခေါက်လိုက်မယ် နော် "
" မင်း အပိုတွေလုပ်နေတာ "
ဟုတ်တယ်လေ ခါတိုင်း ဒီလိုလုပ်ပေးပါ့လား ။ အခုမှလာပြီး ဘောင်းဘီခေါက်ပေးရတာနဲ့ ခြေထောက်ဆေးပေးရတာနဲ့ လူကို စိတ်ယိုင်ပြီး သူ့ဘက်ပါအောင် လာလုပ်နေတာ ။
" ဘေးက စားပွဲမှာ ကြက်မောက်သီးဗူးရှိတယ် အဖုံးဖွင့်ထားပေးပြီးသား စားလိုက်ဦး "
ပြောတဲ့အတိုင်းကို ကြက်မောက်သီးဗူးလေးက ဇွန်းတက်ပြီးသား ။
တစ်ဇွန်းခပ်စားလိုက်တော့ အေးအေးလေးနဲ့ချိုမွှေးနေတာမို့ နေနေ ဗူးလိုက်ကြီးကောက်မော့ပစ်လိုက်သည် ။
" ဖြည်းဖြည်းချင်း စားလေ ကွာ "
" အဟွတ် အဟွတ် "
" ပြာယာခတ်နေတာပဲ တစ်ယောက်ထဲကို "
" ဝီရဦးခေါင် "
" နားထောင်နေပါတယ် ခင်ဗျာ "
" မင်းက ငါ့ကို အကျင့်ပါအောင်လုပ်နေတာ "
YOU ARE READING
CEO's Possessively Boyfriend
RomanceThe entire story line and character names are just the imagination of the author.
