Unicode
တစ်ကယ်တမ်း နေဥတ္တရာအခန်းထဲ ရောက်သွား
သည့်အချိန်တွင်တော့ အန်တီရို့ဟာ လူကောင်းပမာဖြစ်နေကာ ခုနကပုံစံနဲ့ လားလားမျှပင်မသက်ဆိုင် ။
" လက်ကို ကြိုးဖြည်ပေးလိုက် အင်ကြင်း "
" ဟုတ် မမကြီး "
အင်ကြင်းဆိုတဲ့ တစ်ယောက် က စားပွဲပေါ်က ဓားကြီးယူကာ တယမ်းယမ်းလုပ်လာတာမို့ နေနေအယောင်ယောင်အမှားမှားနဲ့နောက်ကိုဆုတ်မိသွားသည် ။
" လက်ကို ရှေ့ထုတ်လိုက် နေဥတ္တရာ "
" ရတယ် "
သူသာ ကြိုးဖြည်ခံလိုက်ရင် အန်တီရို့ ဘာအကွက်တွေ ထပ်ရွှေ့ဦးမလဲ မသိပါ ။
ဝီရဦးခေါင် အထင်မြင်လွဲမည့် ကိစ္စတစ်ခုခုတော့သေချာပေါက်ကို ဖြစ်လာမှာ ။ ဒါကြောင့်မို့လည်း နေနေ ကြိုးဖြည်ပေးမဲ့အကြံကို ခေါင်းခါလိုက်ရသည် ။
" မင်း ဒီအတိုင်းကြီး နေမလို့လား မင်းကို ငါ့သားက အကျဥ်းသားတစ်ယောက်လို ကြိုးချည်ထားတာတောင်မှ မင်းက ဒီအတိုင်းကြီး ဆက်နေဦးမယ်ပေါ့ နေဥတ္တရာ "
" ရတယ် အန်တီရို့ ကျွန်တော် "
" ရုန်းနေရင် ငါ့အဆိုးမဆိုနဲ့နော် နေဥတ္တရာ "
အဆုံးတွင်တော့ နေနေ့မှာ ကြိုးဖြည်ပေးတာကိုအသာတကြည်သာငြိမ်ခံလိုက်ရတယ် ။
" အင်ကြင်း အခန်းထဲက ထွက်သွားတော့ တို့ သူနဲ့စကားပြောစရာ ရှိတယ် "
" ဟုတ်ကဲ့ မမကြီး "
အခန်းထဲကနေ အင်ကြင်းဆိုသည့် ကောင်မလေးထွက်သွားမှ အန်တီရို့က ဝှီးချဲကိုတွန်းကာ သူ့အနားကိုရွှေ့လာလေသည် ။
" ဝီရဦးခေါင်က မင်းကို မချစ်ဘူး ဆိုတာ သိလား "
" သိပါတယ် ကျွန်တော် နားလည်းလည်တယ် "
" နားလည်ရင် တို့သားကို သုံးလပြည့်တာနဲ့ ကွာရှင်းပေးလိုက် နေဥတ္တရာ "
" ကွာပေးမှာပါ ဒါက အန်တီရို့မပြောရင်တောင် ကျွန်တော် စဥ်းစားထားပြီးသားပါ "
အမှန်တစ်ကယ်လည်း နေဥတ္တရာ ကွာရှင်းစာချုပ် ပြင်ထားပြီးပါပြီ ။ ဝီရဦးခေါင်နဲ့သူက ရှေ့ဆက်လို့လည်း ဘယ်လိုမှမဖြစ်နိုင်တဲ့သူတွေပါ ။
ESTÁS LEYENDO
CEO's Possessively Boyfriend
RomanceThe entire story line and character names are just the imagination of the author.
