على ضي القمر

الفصل الثالث عشر

الجزء الثالث عشر

قراءة ممتعة🤍🕯

قبل لتنام رجعتلا زكرى الليلة الماضية وكل شي صار فيها كيف كانت لسا عم تتناقش مع جبر وكيف كانو عوشك يتخانقو  وفجأة بيجي شي غريب من عند ربنا ليغير مسار الوضع اللي هني فيه وكيف ربنا حنن البها عليه....
مانسيت كيف انجرح وكيف داوته بأدواتها البسيطة وقدرت تنقذ حياته صحي هو كان مجروح بس...... لكن جرحه كان غميق كتير واخد معها اكتر من عشر غرز واخد وقت وجهد وقوة وشجاعة منها لحتى خلصت مهمتها اللي حست انها مرمية على عاتقها...

****
بالمشفى عند جبر.......

جنات : شو حلوة هالبنت مبينة من شكلها سيدة اعمال راقية كتير وواضح انها كتير اكابر.

هادي : بقي بس تكتبي عنها شعر.. ههههه.

جنات :...... مو هيك بس البنت كتير زوء وكلاس مالاحظت هالشي عليها، بعدين ماتنسى شو خبرنا جبر عنها وشو عملت معه...... كتر خيرها والله لازم اتصل فيها واشكرها عاللي عملته معك أخي ماهيك.

جبر سرحان بكلامها :....... اااااه.... لا اختي مافي داعي انا ببقى بتشكرها وقت اطلع من المشفى واتعافى.

جنات : ليش لأ اخي خليني احكي معها بركي ضربناها صحبة انا واياها.

جبر :....... متل مابدك بس خليكي زوء كتير معها شفتيها قديه لطيفة وهادية.

جنات : اي اكيد ولو نحنا بنات وبنعرف كيف نحكي مع بعض.

هادي : المهم اخي انا رح ابقى معك الليلة هون اكيد لازمك حدا حدك.

جبر : مافي داعي مابدي اتعالق مع امك ماني طايق منها كلمة الله يخليك روح عالبيت وانا ازا احتجت شي ببعت للممرضة.

هادي :.... اخي انا مو صغير وامي تحكي اللي بدها اياه.

جبر بوجع : اااااخ...... هادي مابحب عيد كلامي كتير اؤجع عالبيت مع اختك مابدي اتلاسن انا وامك من جديد كتر خيري اللي مرقتلا اللي عملته من يومين.... ارجعو هلا مابدي حدا يبقى عندي.

جنات : ولا انا.

جبر : ولا انتي روحو واتركوني نام بدي ارتاح ونام.

جنات : متل مابدك بس المسا رح انزرع عندك هون ها.

جبر : ههه ماشي.

طلعت جنات وطفت اضوية الغرفة عندو....

وصلت جنات وهادي البيت...