الجزء الرابع عشر
قراءة ممتعة🤍🕯
رجع حاله لورا وغمض عيونو وقلا :..... اختي بربك اتركيني بحالي خليني نام شوي حاكم النوم ماعرفته اليوم من كتر الزوار شي فايت وشي طالع مليت.
جنات : اي من الزوار مليت اما ماريا انت عم تطلب منها تجي لتشوفك ماااااا.
جبر :..... جنات ازا مابتسكتي قومي روحي عالبيت فورا.
جنات : لا وعشو خلص طالعة اشربلي شي احسن بلكي برجع بلاقيك عم تحاكيا.... قصدي نايم.
رماها بالمخدة الي عندو وهربت منه وهي عم تضحك.
رجع راسه لورا وابتسم ماعرف سبب هالابتسامة..... يمكن لأنه حس بخجل ماريا وحس انه عم يصير معها متله تمام لكن حتى هو ماقدر يفسر اللي عم يمرقو فيه.
حط ايدو عجرحه وتحسسه بلطف وتزكر هديك الليلة وقت كانو لحالهن بمكان عتمة مافي غيرهن.... كيف انجرح وكيف قاومت ماريا لقدرت توصلله وكيف داوته من جرحه وخيطته وعيونها عم تلمع من كتر البكي وكيف كانت تعتزر منه لانه عم توجعه وتطلب منه يصبر عوجعه...... وكيف فاق عليها وهي نايمة عطرف الطاولة حدو وقتا اتأمل جمالا بدون ماتحس عليه.....
بقيت رفيقة افكارو بهالليلة....
حتى هيي ماعرفت تنام... ماريا صاحبة المزاج الصعب بتتغير بسبب ظرف مو معروف شو رح يصير بعدو....
فاقت تاني يوم كسلانة لكن تزكرت الشغل المتراكم اللي
عليها قامت وجهزت حالا وهيي عم تسرح بشعرا تزكرت جبر اتطلعت بحالا بالمراية شافت بعيونا في لمعة غريبة وانتبهت لألبا عم يدق بسرعة....
نفضت هالافكار من راسا ونزلت صبحت عأهلا وراحت فورا للشركة.
السكرتيرة : انسة ماريا اتصل فيكي الاستاز موفق وقال رح يرجع يتصل مرة تانية.
ماريا : اي ماشي حدا غيرو اتصل...
خبرتها السكرتيرة بكل شي شغل واتصالات وعطتها الشغل كامل وراحت.
بعد شوي اجاها اتصال....
ماريا : ياهلا استاز موفق..
الاستاز موفق : حمدالله عالسلامة يابطلة... طمنيني كيف امورك.
ماريا : اموري منيحة بس ليه قلتلي بطلة.
الاستاز موفق :..... اللي عملتيه مع جبر مو قليل شي طبيعي بدي سميكي بطلة.
ماريا : ايواااااااا وانت كيف خبرت.
الاستاز موفق : حاكيته وخبرني بكل شي....
أنت تقرأ
على ضي القمر
Narrativa generaleبلشت تحت ضي القمر اتضم الجرح عبعضه وتربط الخيوط ببعض ومع كل صرخة ألم وكل غرزة تغرزها بصدرو تغمض عيونها خايفه عليه - على ضي القمر - بقلم سلمى جنايدة [رواية منقولة]
