"အရီး "
တကြော်ကြော်အော်ကာဝိုင်းထဲဝင်လာတဲ့စံမောင့်ကြောင့်အပိုင်ကပျာကယာအခန်းထဲဝင်ပြေးပြီး
အပြင်ဘက်သို့နားစွင့်လိုက်သည်
စံမောင်ပါလာသည့်ချိုင့်ကိုစားပွဲပေါ်တင်လိုက်ပြီး
မျက်လုံးကစားကြည့်လိုက်သည်
"သားပိုင်ကိုရှာတာဆိုရင်တော့အခန်းထဲမှာ..."
အရီးမယ်ခစကားကြောင့်သူခပ်ဟဟရယ်လိုက်ပြီး
"ပိုင်ကိုလာရှာတာမဟုတ်ပါဘူး ဟင်းကောင်းချက်လို့လာပို့တာပါ"
"အမလေးစံမောင်ရယ်...
နင့်အကြောင်းမသိရင်ခက်မယ် သားပိုင်အတွက်ကလွဲလို့ငါတို့ဝိုင်းကိုဘယ်တုန်းကကောင်းသောလာခြင်းနဲ့လာလို့တုန်း"
"ဟာအရီးကတော့ဗျာ..."
ဒေါ်မယ်ခမှာလည်းပြောင်းလဲလာတဲ့စံမောင်ကိုအရင်လိုမဟုတ်ဘဲ
ကောင်းကောင်းမွန်မွန်ပြောဆိုဆက်ဆံပါတယ်
"မင််းမနေ့တုန်းကဝိုင်းဝမှာရှိတယ်မလား..."
"........"
"ဆရာ့တော်တူလာတုန်းကလေ..."
"အော် ကျုပ်ရှိပါတယ်"
"အေးဒါဆိုသားပိုင်ရဲ့သဘောထားကိုမင်းသိပြီးလောက်ရောပေါ့
ဆိုးတယ်မိုက်တယ်ဆိုတာနာမည်လည်းမကောင်းသလိုလူးမုန်းလည်းများတယ်
မင်းဆင်ခြင်သင့်ပြီ မင်းသားပိုင်ကိုချစ်တယ်ဆိုတာပါးစပ်ပြောတစ်ခုနဲ့မရဘူး လက်တွေ့ပြမှရမှာ"
"ဟုတ်ကဲ့အရီး..."
"အင်း မင်းပြုပြင်ရင်အရာရာအကောင်းဆုံးဖြစ်လာမှာပါ
အရင်ကငါတို့မိသားစုမင်းအပေါ်မြင်တဲ့အမြင်ကအဆိုးဆုံးမှာလေ
အခုကြည့်မင်းနည်းနည်းပြုပြင်လိုက်တော့ အရင်ကလောက်မဆိုးတော့ဘူးမလား...."
အရီးမယ်ခကအပိုင်ကိုသားတစ်ယောက်လိုချစ်ခင်လ်ို့သူ့ကိုဒီလိုဆုံးမနေတာမှန်းသူသိသည်
အရင်စိတ်နဲ့သာဆိုဝုန်း! ဒိုင်းနဲ့ထသောင်းကျန်းလိုက်မှာပေမဲ့အခုကမတူတော့ဘူး
သူစိတ်ကိုအတော်လေးကိုထိန်းချုပ်နိုင်နေပြီ
အရီးနဲ့စကားပြောရင်းသူ့အကြည့်ကအိမ်ထဲရောက်ရောက်သွားသည်
အပိုင်များထွက်တွေ့လေမလားပေါ့
ဒါပေမဲ့အရိပ်ကလေးကမတွေ့ရသည့်အခါ သက်ပြင်းခပ်ဖွဖွချပြီး
အရီးကိုပြန်မဲ့အကြောင်းပြောလိုက်သည်
YOU ARE READING
သူဖန်ဆင်းသောချစ်ဖူးစာ《စာလုံးပေါင်းပြန်မစစ်အားသေးပါ ပြင်ဖတ်ပေးကြပါ》
Romanceဤဇာတ်လမ်းပါအကြောင်းအရာများသည်စာရေးသူ၏စိတ်ကူးယဥ် ပုံဖော်မှုသာဖြစ်သည် chaများ ၏nameဖြစ်စေဇာတ်လမ်းပါအကြောင်းအရာတစ်စုံတစ်ခုဖြစ်စေတိုက်ဆိုင်မှုရှိပါကလာရောက်ပြောကြားနိုင်ပါသည် စာရေးသူဘက်ကချက်ချင်းပြင်ပေးပါ့မယ်
