وإحترق العشق "لعنة عشق"

جبروووت كاظم

إقتباااااس
❤️‍🔥❤️‍🔥
أجابه بحِده وغطرسه:
عندي أموال فى بنوك بره مصر تعيشني ملك أنا والسِلف السابع من نسل عيلتي، إنتم الخسرانين، بيوت العمال اللى بيشتغلوا عندى فى المصانع لما تتقفل هتبقي عماله عاله عالدولة، تدفع لهم معاشات بطالة إستثنائيه، أو حتى لو مدفعتوش لهم، فهما أكيد مش هيسكتوا.

نظر له المُحقق قائلًا:
إنت هنا للتحقيق معاك...

قاطعه كاظم بثبات:
معاك دليل على إتهامك ده.

صمت المُحقق... إستهزأ كاظم وإضجع بظهره على المقعد وضع ساق فوق أخري بتعالي... حاوره المُحقق قائلًا:
سهل أطلع من النيابه أمر بإغلاق مصانع الحديد اللى إنت واخدها ستار لتجارة السلاح.

تهكم بإستهزاء ضاحكًا قائلًا ببرود وتهديد صريح:
وأنا عندي خمستلاف عامل فى المصانع دي سهل أوقفهم فى إعتصام قدام الإتحاديه وأحميهم من الحكومه نفسها، وشوف إنت عندك قناة فضائيه بتشمشم على أخبار مصر، وهيطلع إن الدولة بتحارب رجال الأعمال الشباب، ولو وصل ده للمستثمرين الأجانب، إنسي الإستثمارات الخارجيه لمصر.

إستغرب المُحقق من جسارته وعدم مبالاته قائلًا:
أعتبر ده تهديد منك.

صمت كاظم لا يُبالي.

إغتاظ المُحقق من بروده قائلًا:
طب والبلاغ اللى متقدم فيك أنك بتمول الجماعات الإرهابية بالسلاح.

ببرود  وثقه أجابه:
أعداء النجاح مفيش أكتر منهم.

-ليه تقول أعداء النجاح مش يمكن يكون شخص فعلًا متأكد... للآسف يا سيد كاظم اللى بلغ عنك شخص واضح إنه يا متغاظ منك، يا واثق من إنك تاجر سلاح مش زي ما بيتقال عليك.

لمعت عينيه بخبث على يقين بمن قدم هذا البلاغ، بل من قامت بذلك...لم يخيب توقعه كان معها أمس بليلة غرام خادعه، لكن ليست هي من خدعته بل هو أعطي لها طُعمًا وهى إبتلعته بكل سهوله
"حنين"تسرعت كما توقع، وقعت بالفخ مثل الهِرة الدجاجة التي سقطت بفخ ثعلب الصحراء المُغامر المكار.
#كاظم
#حنين_بين_أنقاض_القسوة
تخاريف