السلام عليكم
مراح اخبصكم واكعد احجي عن نفسي فراح أبدي بسرعه اني الكاتب [؏ࢪاقﻲ] 🇮🇶💀هذا اسمي وبس...
يلا نبدأ بالبداية الممله أكيد..
(بس وعد مني البارتات القادمة حتكون حماس وكلها حقائق وغموض )
......
........
..........
.............
«تشويق1»
-"أني مو گلت هاي الفكرة طلعيها من راسج لو بس تريديني اطلع من طوري..."حچه بعصبيه وشد شعره بين اصابيعه بقوه
-"الموضوع رح يصير عاجلا ام اجلا ميحتاج عصبيتك وتحاول تثبت انو انت تحبني وانت اصلا ماعندك غير الشفقه تجاهي" حجت بعدم اهتمام
عاف شعره وباوع وراهه ثواني ورجع باوع لعيونها
-«كل هذا حسبتي شفقه؟"كال بهدوء وصار يهز براسه الى ان كام بسرعه وتقدم بأتجاهه لزم ايدهه وعصرهه بقبضته بدون وعي...
-"كل هذا وتكولين شفقه"صرخ قوي وضحك وكال
-"ولج حتى حب ميصير نگول عليه هذا {عشگ°عشگ} اذا جنتي تعرفين شنو يعني ولج اني همت بيچ ماكدر اگضي يومي بدون ما اشوفج صدك من سميتج <مرض گلبي>."
راد يكمل بس انتبه لنفسه قابض على ايدهه وهوه هم فقد سيطرته على روحه عاف ايديهه وطلع من الغرفة او من البيت كله...
«تشويق2»
ليث: "يعني هيه متعرف بشغلك الثاني"
علي: "لا وماريدهه تعرف
ليث:"ليش تره مدتشتغل بشي حرام لو ممنوع"
قاطعه بسرعه
علي: "لانو خايف خايف اخسرهه ماكدر ليث والله ماكدر بدونهه هيه اخر قطعه من عائلتي لهذا السبب رح نبقه هيج لان اذا كلتلهه شي بخصوص القضيه مراح تصدك ورح تعوفني....هه بس متكدر تعوفني لا لا.... مستحيل اخليهه تسويهه لان هيه زوجتي هسه وهم تبقى بنت ع... "
قاطعه ليث: "زين لدكوللهه عالقضيه هسه بس شغلك ليش؟ "
علي: "اذا عرفت رح اضطر انو اشرحلهه السبب وانت تعرف انو اني ماريدهه تعرف اي شي يخص اهلهه والناس الي عايشه وياهم الا بالوقت المناسب"
ليث: "مدكولي شوكت الوقت المناسب يعني واذا عرفت انو انت عميل بالمخا... "
انداروا اثنينهم بنفس الوقت توسعت عين علي وباوع لليث بعصبيه
مرام: "عميل شنو وشبيهم اهلي؟ "
«تشويق3»
علي: "انتي جبرتيني اكلج كل هالفترة اني ضام الموضوع اجيتي بلحضة طلعتيني عن طوري" حچاها بعصبيه ومسح وجهه وكال: "هسه عرفتي وخل اكلج الباقي هم عالواهس خل الصدمات تتوالى على راسج حتى ترتاحين.... ابراهيم افندي هوه الي كتل محمد والي يصير
«ابوج»
ها شو سكتي معجبتج الحقيقه مو... الوو.. مرام... كاعد احجي... جاوبي........ دا اكول جاوبي " صار يصرخ شافهه واكفه ومصدومه ومدا تتحرك كاملهه بسرعه
علي: "مرام جاوبيني شبيج حبيبتي... اني شسويت" كمش وجهه بين ايديه وقربه لوجهه يريدهه تجاوبه باوعت بعينه للحضه شاف عينهه دمعت وكالت
"انته علي... يمان.... سيد "
كالتهه بتقطع وهنا انصدم «سيد» هيه جانت تصيحهه هيج من جان صغير رجفت ايده ودمعت عيونه لفكره انهه تذكرت حس گلبه رح يطلع من صدره من الدگ وكال:
"اي يا مرض گلبي "
حجاها وما حس بيها اله وكعت بين ايديه
علي: "مرام... م.. رام كومي مرام شبيج مراااااام"
أنت تقرأ
مࢪام گلبي
Mystery / Thriller-«ما حسيت الا بأبࢪه ثبتت بࢪگبتي باوعت له بصدمه چان شكله باࢪد حتى.. بدت تطلع هذيج النظࢪة الي بينت على انها نظࢪة أنتصاࢪ متࢪوسة بالمڪࢪ والأستهزاء مادࢪي.. ضࢪبته على صدࢪه وصࢪت أࢪكل بࢪجله بشكل هستيࢪي بس ميتحࢪك ثابت مثل الصخࢪ حتى حسيت جسمي بده يوگف وأخࢪ شي...
