........
بسم الله
••••••••••••••••
~عند مرام~
گاعده بمڪانهه تباو؏ على باب الحمام تفڪࢪ بلا شيء مدا تفتهم أي شي منه وخࢪت من شࢪودهه من سمعت صوت المي بالحمام عࢪفته ديسبح أستغلت الوضع وطلعت من الغࢪفه حتى تسوي الشي الي رادت تسويه أول مدخلت لهذا البيت وهو أنو تستكشف البيت أنعجبت بالبيت أو القصࢪ من أول ما شافته الالوان الداڪنه والساده من ذوقهه تحب هاي الالوان تحسهه مࢪتبه وتࢪهم لحياتهه الكئيبه تمشت بالبيت وشافت ڪل الاماكن والحلو أنه چانت سࢪيعه بتأملهه يجوز من حماسهه أنو تڪتشف ڪل البيت تذڪࢪت أنو لازم تخابر على أختهه قررت تࢪجع تصعد من صعدت أطت نظࢪه سࢪيعه للطابق دتڪمل مشي بس وگفت بمكانهه وعگدت حواجبهه بأستغراب ࢪجعت التفتت تباوع على هذاك الباب..
مرام: "وين چان هذا الباب؟ وشعجب منتبهتله؟ "
كملت حچيهه وحركت رجلهه بأتجاه ذاك الباب ألي شڪله مميز على باقي الابواب فالطابق الثاني طابق عريض ڪلش وبي هواي غرف وأكثر من حمام ومخازن ومكتبين فوگ وواحد جوه وحتى مطبخ موجود وأكو گعده هم وأربع بلكونات بس ڪلهن مسدودات وحاولت أصعد للطابق الثالث وره معبرت الدرج لگيته مقفول كله مادري شنو المهم ورجعت كملت جولتي بس أبد مشفت هذا الباب شبي أنتباهي شلون مࢪكزت تجاهلت الموضوع وحطيت أيدي على المقبض أريده ينفتح بس منفتح أستغࢪبت باوعت وراي شفت ماڪو أﺣد أرتاحيت رجعت لوره وصࢪت أضࢪب بالباب مادري شبيه لحيت على هذا الباب يمكن لأن شكله جذبني او جذب بطلتنه.. المهم
عصبت من الباب وضربته بࢪجلهه بقوه أنداࢪت تࢪجع للغرفه أتفاجأت من شافته واگف وچان واضح عليه أنو معصب مدري قلق ماتدري...
مرام: "ليش هذا الباب مقفو.."
قاطع كلامه خطواته السࢪيعه تملڪهه الخوف تذڪࢪت أبوهه وأجه ببالهه أنو رح يضࢪبهه ࢪجعت بخطوه لوراهه بس هوه چان يتقرب بأكثر من خطوه سوه لحد ما أنضࢪب ضهرهه بالباب باوعت للباب ورجعت باوعت له وأنخلست من شافته شڪد قࢪيب الهه گطعت نفسهه من الخوف چان معصب وفوگاهه چان ملابس شي من فوگ وشعره منگع چان تحفه فنيه بس شنو الي دتفڪࢪ بي هسه شكله مال واحد رح يڪتلهه..
مرام: "أأأأأ..أن.. "
قاطعهه بسرعه
علي: "ليش تࢪيدين تفتحين باب هاي الغࢪفه؟ "
أستغربت منه وعگدت حواجبهه هسه هوه ضايج علمود غࢪفه حطيت أيدي على صدࢪه ودفعته بس متحࢪك
مرام: "چنت دا أشوف البيت بس هاي الغرفه مشفتهه مچنت أعرفك تخاف عليهه هلگد "
ڪملت كلامهه بأستفزاز
مرام: "وهسه وخࢪ من يمي أࢪيد أࢪوح"
گالت وهيه تدفع بي كمش أيدهه وبأيده الثانيه كمش فكهه ورفع وجهه وباو؏ لعيونهه بحده وتࢪڪيز وگال بصوت بارد ونبرة تحذيࢪ:
"هاي أول وأخࢪ مࢪه أشوفچ تحاولين تدخلين هنا فهمتي"
باوعتله بعصبيه ودفعت أيده أرتد جسمه لوره صرخت بي
مرام: "گلتلك دا أسوي جوله بالبيت تࢪه مميته على غࢪفتڪ المقدسه.... تعرف سالفه خره عليه دا أجاملك ومخليتك تاخذ راحتك زايد وأنت غرفة سويت مسلسل عليهه...دࢪوح ﺟلف " كملت حجيهه بعصبيه وطبت لغرفتهم سدت الباب وقفلته گعدت وره الباب كمشت راسهه تحاول تهدأ ماتࢪيد تعصب وتجيهه نوبة من وراه گامت للحمام حتى تسبح...
~~~~~~~~~~~~
چان بعده بمڪانه يباوع لباب غرفتهم يفڪر هسه هوه لح عليهه لو هيه تحسست كمش راسه بعصبيه..
علي: "هسه أني بالگوه سايࢪتهه،هسه شلون؟ "
تذڪر أنه ملابس شي من فوگ رجع لغرفتهم فتح الباب بس مينفتح تنهد وگال: "مࢪام فتحي الباب " مسمع جواب علي: "مࢪام لتضوجيني يلا فتحي" راد يكسࢪه بس تذڪر شي راح بسرعه لمكتبه يدور على المفتاح خࢪبط بيناتهن وأكو أڪثࢪ من واحد الى أن لگاه ورجع وبيده مفتاح فتح الباب وباوع للغرفه بس مچانت موجوده هبط گلبه الى أن سمع صوت الباب مال الحمام ينفتح طلعت وياࢪيتهه ما طلعت...
........................
تجمد بمكانه من شافهه طالعه من الحمام وچانت لافه جسمهه بروب حمام قصير وشعره الطويل المنگع ڪلشي بيهه چان مو حلو لا..... مثير..
أما بالنسبه الهه فطلعت من الحمام وهيه مطمئنه ماتدࢪي أنو هوه فتح الباب وأنو هيه مو وحدهه طلعت براحه سدت الباب والتفت وراهه ما تشوف اله هوه واگف وچان واضح على ملامحه الاعجاب او شي أخطر ماعرفته شنو؟
أستوعبت ڪلشي بسࢪعه باوعتله بصدمه وگالت:
"أأأ.. أنت شلوو..ون طبي..ت"
مجاوبهه ورفعلهه المفتاح عگدت حواجبهه بعصبيه
مرام: "أوك أطلع أࢪيد أبدل"
مجاوبهه چان بس يباوعلهه تقربلهه خطوه وره خطوه وهيه ترجع
مرام: "أ.. أنت شنو...عندڪ موهبه بهاي"
سكتت من حط أصبعه على شفتهه يطلب منهه تسكت أنصدمت من حركته وهي هم بعد معࢪفت تتحࢪك نست كل شي يمهه وغࢪگت بملامحه چان شكله عجيب صار يتقࢪب عرفته شيࢪيد بس المشكله.... أني ما قاومت بالعكس چنت أنتظࢪه شحيسوي قاطع كل شي صوت الجࢪس چان صوت قوي كلش ࢪن بڪل البيت هذا ڪله بڪون وهوه چان بڪون ثاني عصب وضࢪب الحايط ورجع باوعلي وگال:
"لا عبالچ الي أجه خلصچ والقرآن أله أخذ الي أࢪيده"
عافني وراح يفتح الباب وأني واگفه بمڪاني ومصدومه ليش ممنعته وشلون أثࢪ عليه هيج گعدت على الچربايه صافنه وأفڪࢪ بالي صار لحد ما سمعته أجه وگال: "أجه أخوي وأختج يلا گو.. "
قاطعته وگامت بسرعه دتطلع سحبهه قوي وحاوط خصرهه بقوه وگال: "شدسووين"
مرام: "أريد أࢪوح أشوف أختي شبيك"
قرب وجهه منهه وصارت أنفاسه تضࢪب بوجهه وگال بنبرة غضب: "وتطلعين هيچ؟ " وأشر لملابسهه باوعت لروحهه وفتحت عيونهه بصدمه وگالت: "أه نسيت زين ذڪࢪتني" باوعلي بعصبيه وعافني وقبل لا يطلع گال بنبرة تحذيࢪ: "ديࢪي بالچ تسوين هيج خطأ مࢪه ثانيه" وطلع
تأفأفت وقلدت نبرته وجملتهه بأستهزاء وفتحت الكنتور بدلت وكملت مشطت شعرهه وطلعت..
............
أنت تقرأ
مࢪام گلبي
Mystery / Thriller-«ما حسيت الا بأبࢪه ثبتت بࢪگبتي باوعت له بصدمه چان شكله باࢪد حتى.. بدت تطلع هذيج النظࢪة الي بينت على انها نظࢪة أنتصاࢪ متࢪوسة بالمڪࢪ والأستهزاء مادࢪي.. ضࢪبته على صدࢪه وصࢪت أࢪكل بࢪجله بشكل هستيࢪي بس ميتحࢪك ثابت مثل الصخࢪ حتى حسيت جسمي بده يوگف وأخࢪ شي...
