يلا نبدأ
بسم الله
•••••••••••••••••
علي: "ولك وين صرت مدگلي"
ليث: "غير ازدحامات"
علي: "وين جنت"
ليث: "اشوف الشغل بالشركه الثانيه"
باوعله بشك عدل گعدته سحب جگاره اخذ منهه نفس ورجع باوعله
علي: "وين چنت؟ "
باوعله ليث
ليث: "شبيك مو گلتلك بالشركه لعد وين"
علي: "رحت تشوف ذاك الساقط حسام مو"
جاوبه بسرعه
ليث: "اي رحت اشوفه ارتاحت الدوده"
اخذ نفس من الجگاره ركز زين على ليث وگال
علي: "شكبرك صرت... بس بعدني ما أأمن انو تطلع وحدك ولازم ادز احد وراك "
ليث: "هسه هي.... ليش انت تراقبني"
هز راسه بنعم
ليث: "انت شدتگول.... يعني من كل عقلك داز ناس تراقبني زعطوط اني لو شنو"
علي: "مو زعطوط.. "
ليث: "لعد شنو شسمي هاي حمايه"
مبين عليه صار عصبي
علي: "مأكدر اعوفك بدون حمايه.... لك.. لك انت تعرف بينه مراقبين وكلهه تشك بينه بعدين شعندي غيرك انت ومرام بهالدنيه اذا صارلكم شي والقرأن انجن افتهمني هالدنيا محد يعرف شبيهه"
تنهد ليث وحك راسه
ليث: "عوف كلشي هسه مراح تنزل اكل"
ضحك علي
علي: "اهم شي بطن الحجي بعدين انت مأجيت للشركه فكملت الشغل ببدالك... المهم شتريد تاكل"
ليث: "اريد... "
ليث: "يعني شنو هاي تعتبر توديع العزوبيه"
علي: "اوهوو اني مودعهه من زمان"
كامو يضحكون...
•••••••••
بمكان ثاني
گاعده وحدهه عالجربايه تباوع عالفستان الي معلگته والحزن مغيم عليهه ماكو فرح من نصيبهه لازم كله قهر بقهر مسحت دموعهه گامت من مكانه تتلمس الفستان حتى الفستان مو هيه الي اختارته كلشي مو برايهه وكلشي همه يفرضوه عليهه تفكر شلون رح تتصرف بيوم العرس شراح تسوي معقوله ينگلب علي عليهه بعد الزواج مثل كلام ابوهه ماعدهه ثقه بأي احد رغم كل كلامه وتصرفاته الا انو احسه ينتقم مني على تصرفاتي وياه بالماضي ماكو اي احد وياي هسه اني وحدي بهالطريق ولازم اكمله قاطع تفكيري دگت الباب مسحت دموعي وشديت روحي وگلت: "ادخل" التفتت لگيتهه مريم وچانت متوتره ومنزله راسهه ولاول مره جانت بدون اي قطره مكياج ولا باروكه ولا لبس مزلبط احس روحي كرشت على اختي هسه تقدمت مني رفعت راسهه وكالت: "انتي رح تتزوجين باجر" استغربت منهه وگلت: "اي... وشنو اكو شي" شهگت وكالت: "مرام... " كمشت ايدي وكملت"لتعوفيني عليج الله "استغربت كلش معرفت شتصرف مرام:"مريم..شكو صار نقاش ثاني بينج وبين امي " كعدتهه وكعدت يمهه صارت تبجي واني اهدأ بيهه اعذروني ممتعوده على العواطف ومعايشه دور الاخت قبل مرام: "ولج احجي شبيج" مريم: "ام... امي... گ.. گالت لبابا عليه وحي... يدربرولي عرس صفقه.. حيبيعوني اني هم" كالتهه وانفجرت بچي اني هنا شسويت حضنتهه واعترف هذا اول حضن الي اتذكره بادلتني وهيه تبجي مريم: "وفنچ حيزوجوني منو..... سعيد جاسم" من گالت الاسم انصدمت لا مو لهاي الدرجه الرجال جبير شايب ومزوج وعده جهال بطوله مرام: "انتي شدتكولين متأكده... هاي شلون هيج يسوون مريم باوعيلي انتي ممجبوره زين ماكو شي يجبرج مراح توافقين اوك"
صار جسمهه يرجف مريم: "تعرفين ابويه حيسوي اي شي حتى يجبرني مثل ما جبرج اني مليت والله گضيت حياتي كلهه اسمع كلامهم واتبع الي يريدوه واسوي الي يطلبوه واتصنع وكله علمود ميعاملوني نفس معاملتهم الج جنت خايفه يضلموني نفس ميضلموج " مرام: "كافي هذا مو ذنبج..." مريم: "مدا اگدر حتى افكر بالموضوع ولج شلون شلون اتزوج واحد اكبر مني بهواي شايب شايب" مرام: "دا اكول مراح تتزوجي وعندي استعداد اهربج اذا انجبرتي "
مريم: "شوكت هوه انتي عرسج باجر" مرام: "اي بس ابويه مراح يزوجج بنفس اليوم لازم تصبرين وتبقين على تواصل وياي "
مريم: "بس اني چنت اتصرف وياج بنذاله ليش حساعديني"
مرام: "امي چانت تجبرج هيج تسوين بعدين انتي اختي و.. " قاطع كلامي طبت امي
سمر: "ااوهو صرتو حبايب... يلا عيني نزلو للعشا ابوكم اجه ومبروك مريوم عالعريس" حچت وطلعت
مرام: "خلينه ننزل والله كريم للباقي"
حجتهه وطلعت من الغرفه
أنت تقرأ
مࢪام گلبي
Mystery / Thriller-«ما حسيت الا بأبࢪه ثبتت بࢪگبتي باوعت له بصدمه چان شكله باࢪد حتى.. بدت تطلع هذيج النظࢪة الي بينت على انها نظࢪة أنتصاࢪ متࢪوسة بالمڪࢪ والأستهزاء مادࢪي.. ضࢪبته على صدࢪه وصࢪت أࢪكل بࢪجله بشكل هستيࢪي بس ميتحࢪك ثابت مثل الصخࢪ حتى حسيت جسمي بده يوگف وأخࢪ شي...
