مࢪام گلبي

part16

قبل لا نبدأ نهاية البارت حتڪون نارررر
...........

بسم الله

••••••••••

تذڪيࢪ:
علي: "ألووو خير"
-: "باشا حࢪبي خبر مهم"
علي: "گول عالسࢪيع عندي شغل"
-: "لگينه دليل على أبراهيم وأعماله الغير قانونيه بالتجاره وهم أكتشفنه شغل ثاني يسويه رح أشوفك الأدله ماگدر أكلك شيسوي بالتلفون والمشكله مرته مشاركه بكل شي"
علي: "عاشت أيدك أوك كم ساعه وأجيك أريد كل الدلائل عليهه نسخه ثانيه بمكتبي يلا روح"
وسد التلفون باوعلهه چانت دتباوعله بحقد وقهر
علي: "مࢪام أني.. "
قاطعته فتحت الباب قوي وطلعت...
جر نفس قوي مستحيل يگعد وياهه ثانيه بدون ما يتعاركون راح غسل وجهه فركه قوي وگال:
"وعد مني كلشي حتعرفين بس أصبريلي مࢪض گلبي"

•••••••••••••••••••

"عند ليث ومࢪيم"
گاعدين بصمت وهدوء هيه تفڪࢪ بحالتهه والتغيࢪ ألي صار على أهلهه فجأه وأجبارهم أنو تتزوج وشلون تخلص من هالمصيبه ومتدࢪي بذاك إلي رح ياڪلهه بنظراته گاعد يتفحص بيهه بتࢪڪيز وأهتمام.. حب يفتح وياهه موضوع..
ليث: "ذوله الخونه عافونه وࢪاحوا يتࢪيگون"
ضحڪت على كلامه باوعلهه بعيون تلمع صوت ضحڪتهه وملامحهه كلشي يخليه يصير (مهووس) بيهه..
عدل گعدته ࢪجع ضهࢪه لوره وگال:
"أريد أتعࢪف عليچ أڪثࢪ"
باوعتله بنظࢪة أستفهام چان طلبه سࢪييع ومشڪوك
مࢪيم: "ليش؟ "
عرفهه مࢪتاحت أخذ نفس وگال:
"لا تفتهميني غلط گاعدين وماعدنه سالفه"
أرتاح من شاف ملامحهه تعدلت
مࢪيم: "شتࢪيد تعࢪف؟ "
ليث: "ڪلشي أريد أعࢪف"
توتࢪت من ڪلامه رفعت حاجبهه بأستفساࢪ
مࢪيم: "ما عندي شي أگوله"
قاطعه بسࢪعه
ليث: "مࢪتبطه؟ "
توسعت عيونهه بصدمه سؤاله سࢪيع ومو وڪته جاوبته بنبرة عصبيه
مࢪيم: "وأنت شعليڪ؟ "
ليث: "ههه لا تستحين گولي لا وأذا ما عندچ حبيب"
لا هنا تعدى حدوده زايد يتحداهه الهه أوك باوعتله بغرور وگالت: "وليش أستحي بعدين معقولهه ما أفتخࢪ بحبيبي"
باوعلهه وتغيرت ملامحهه الى عصبيه تفحصهه وگال بنبرة عصبيه..
ليث: "منو هذا حبيبج؟ "
مࢪيم: "گلتهه ورح أرجع أگول.. شعليك؟ "
غمض عيونه بعصبيه
ليث: "دا أگول منو هذا الخنيث؟! "
مࢪيم: "مو هواي تدخل ولا تگول خنيث مدگلي شجاك"
مجاوبهه وضل يباوعلهه بعصبيه تأفأفت وگامت من مڪانه
مࢪيم: "صوچي گعدت يمڪ"
أخذت جنطتهه محست اله بأيده تجر بيهه باوعتله دتعيط بي بس چان معصب ڪلش ومو مال أصيࢪ بطله..
ليث: "ليش أچذبين؟ "
هذا بعده يفڪر دفعته بعصبيه بس مچلب بأيدهه ڪمش أيدهه الثانيه وفرهه وره ضهرهه وگال وهو بأوج عصبيته
ليث: "أڪࢪه الچذب ڪلش ما أحبه وما أحب إلي يچذبون دتفتهميني لا تچذبين ماريد أڪࢪ.. "
ما كمل كلامه من سمع صوت الباب عافهه وگعد بمڪانه وڪأن شيئا لم يڪن هيه چانت مصدومه والف فڪࢪه لفت براسهه شعليه أذا چذبت؟ وشمدريه أصلا أنو چذبت؟ وأذا عدهه حبيب لو لا هوه شعليه؟....
شافت أختهه وچان واضح عليهه أنو مقهوره راحتلهه بدون متباوع عليه..
مࢪيم: "وين رحتي وعفتيني يم هذا المخبل"
ضحكت مࢪام وگالت: "ليش شبيه "
باوعتله مࢪيم بحقد وگالت: "أندࢪي شافط"
مࢪام: "بس مو أڪثࢪ من أخوه"
.......
ليث: "تره بعدني هنا"
.....
طلع علي من المطبخ باوعلهم وحس الجو مخربط وخاصه ليث ومࢪيم..
علي: "گوم أجتنه شغله مهمه"
هز راسه وگام
ليث: "لعد أوصل مࢪيم وألحگك.. "
قاطعته بسرعه
مࢪيم: "لااااا"
باوعولهه كلهم بأستغࢪاب
مࢪيم: "أࢪيد أبقه شويه ويه أختي"
مࢪام مهتمت باوعت ل«علي» وچان ديباوعلهه بأستغࢪاب أطت أخر نظره ل«ليث» إلي چان غير چان ضايج وملامحه متعڪࢪه وڪأنوا خࢪبت شي چان منتظره...
•••••••••
طلعوا من البيت وبقت مࢪيم ومࢪام