يلا نبدأ
بسم الله
•••••••••••••••
"مرام"
-: يعني من اصير بالمدرسه اكدر اتزوجك
-: لا لازم تكبرين
-: يعني متريد تتزوجني مو؟
-: كلتلج من تكبرين
-: يبوو شوكت اطب اول ابتدائي
-: ابوي... علي يكول ما اتزوجج الا لمن تكبرين
-: لج بابا شنو هذا الحجي هذا علاوي يضحك عليج
-: ما علاوي ميجذب هوه گال عيوني العسل بس الج
-: يبوو انتي متأثره كلش
°°°
-: باااابااا..... عليييي وينك
-: تعاي بله عياط..
-: مااا وخرر... علييييي..
°°°°
فزيت من الحلم وگلبي يدك بسرعه وجسمي عرگان وديرجف كمت من الفراش حطيت ايدي على راسي مرام: "يا الله ليش ديتكرر هذا الحلم هاي الفترة" راسي صاير نارر ومي اخذت تلفوني شفت الساعه بال 8 الصبح تنهدت ورحت للحمام حتى اسبح.... وره شويه طلعت وبالي كله ويه الحلم احس لازم اراجع الطبيب هاي المره بس شلون ابدي الموضوع ابويه عباله علي ميدري بمرضي فما راح يخليني اروح للطبيب مرام: "يله عود هوه شلون مهتم وين اولي" كعدت فكرت شويه بعدين كلت مترهم لازم اكوم كمت بدلت لبست بنطرون جينز هاڤ وهاينك اسود وحزام ابيض وبوت ابيض وفوكاه كوت رمادي...
باوعت على لبسي مرام: "يبوو ولا بيه حيل ارتب روحي" شلت شعري كبايه ونزلت خصل على وجهي ومحطيت شي كالعاده وطلعت من الغرفه باوعت لكيت ابويه طالع وامي واختي هم مو بالبيت استغربت گلت اطلع بلكي الحك اطلع وارجع بسرعه من طلعت من البيت اجاني هوه قوي مرام: "يالله هاي بارده شلون" تأفأفت وكملت مشي واني العب بالتلفون......وصلت لباب العياده مال الطب النفسي ارتبكت شويه بس طبيت ثبتتلي السكرتيره وانتضرت شويه لحد ما ذاعو اسمي كمت ودخلت للطبيب ما انكر اني متوتره كلش....
مرام: "السلام عليكم"
-: "وعليكم السلام ورحمة الله "
مرام: "اني مرام ابراهيم"
اول مگلت اسمي باوعلي بسرعه حسيته چان منتظر هاي المراجعه
-:"تفضلي ست مرام اكعدي"
كعدت واخذ ملفي وگعد يقره بيه شويه طبعا الطبيب اسمه احمد عاف الملف وباوعلي ويسجل بالدفتر مالته سد دفتره وركز عليه
احمد: "انتي حاجزه اربع مرات خمسه ومأجيتي مو؟ "
هزيتله راسي بنعم
احمد: "ليش" وباوعلي بأستفهام ينتضرني اجاوب
مرام: "مو هذا موضوعنا المهم اني هنا اليوم خل ند... " قاطعني بسرعه
احمد: "لا انتي مفتهمه الموضوع غلط حتى نعرف المرض واسبابه والخلل الحقيقي وعلاجه لازم نواجهه انتي رفضتي مواجهته اكثر من مره احجي اي شي تريدي اني طبيبج ومذكرتج السريه هم" باوعتله وفكرت ان الي يكوله صح اني اجيت اتعالج يعني لازم اواجه كلشي
مرام: "اني اعاني من ضغوطات من اهلي اول مره حجزت تحججت بالامتحانات مال البكلوريا وبذاك الوكت جانت حالتي كلش متأزمه بسبب الدراسه والضغط لهذا غلست ومأجيت والمره الثانيه جذبت على اهلي وكلت رحت والمره الثالثه والرابعه هم والخامسه جنت قافله انو اجي بس جان اكو ضغط قوي على راسي مكدرت انو اقاوم مرضي احس عقلي يسيطر عليه بالكامل وهسه كاعد تزيد الحاله عندي من وره اهلي " باوعتله وجان مركز وياي ارتاحيت ورجعت كملت: "اهلي اجبروني انو اتزوج ابن عمي بعدين شخص ثاني طلبني فأبوي وافق على الثاني وزواجي منه باجر وهاي بعد.. "
احمد: "شلون تصير الحاله عندج"
باوعتله ورجعت باوعت للكاع
مرام: "افقد سيطرتي بشكل كامل وترجع ذكريات تنعاد على راسي ماعرف اذا جانت صايره لو لا بعد ما احس بنفسي شسوي بعدين ارجع لنفسي واكون نايمه باغلب الاحيان لمن ارجع واني هم... اتع... اتعرض للضرب والتعنيف من الاهل و.... " مكدرت اكمل سكتت
احمد: "اهدئي لهنا كافي اذا حسب الملف سبب المرض هوه حادث من الطفوله شتذكرين منه"
مرام: "هيه هاي المشكله اني ما اذكر اي شي صار يوم الحادثه والقبلها.. بس.. اكو لقطات صغيره" شفته باوعلي باهتمام وگال: "شنيه احجي كوابيس؟ "
مرام: "اي كوابيس متخليني انام ابد واعتقد انهه من ذكرياتي القديمه "
احمد: "شوكت بدت تجيج"
مرام: "دائما جانت تجي بس هالفتره كلش زادت مادري ليش بس صدگ زادت "
احمد: "التقيتي بأحد بهاي الفتره"
مرام: "اي.. بعلي خطيبي" كام بسرعه جاب ورقه وقلم وكال: "كولي شوكت التقيتوا وشوكت زادت كوابيسج"
مرام: "التقينا اول مره قبل 3 سنين وكم مره هم بس هالفتره صرنه نتشاوف هواي علمود الزواج وهاي السوالف وزادت عندي هالفتره الكوابيس ماعرف يمكن لان اسمه مشابه للاسم الي يجيني بالحلم مو مهم صدفه الاسم... "
احمد: "يعني سمعتي اسم علي بالحلم"
هزيتله راسي
احمد: " اوك خلينه نبدي على كيف... احجيلي عن كوابيسج اريد تفاصيل" حجه وكعد على الكرسي وباوعلي منتضرني اجاوب تنهدت
مرام: "بكوابيسي اشوف رجال ومره يحجون وياي ويضحكون وسمعتهم يكولون للرجال محمد والمره ماعرف وهم دائما يكون واحد اسمه علي موجود بالحلم وهوه الرجال والمره يضلون يحجون بي... المهم "
احمد: "شفتي شكله؟ لعلي؟ "
مرام: "اي قبل فتره اجتني ذكره وجان شكله مألوف "
احمد: "اي اذا مالوف فأحتمال يكون شخص تعرفي هسه"
مرام: "ما اعتقد لان اذا جنت اعرفه بالماضي فأكيد لمن اتذكرهه رح احسه مألوف بس تعرف شغله يذكرني بشي ماعرف منو شنو؟ "
احمد: "اكدر اتعرف على خطيبج" باوعتله بسرعه ونفيت براسي
مرام: "اكيد لا.. ابويه مراح يقبل"
احمد: "ليش خطيبج ميدري بيج عند.. " قاطعته بسرعه
مرام: "يدري بس ابويه ميدري انو كلتله لعلي اذا دره يموتني"
احمد: "ابوج يضربج؟ " باوعتله وحسيت كلبي صار يوجعني الموضوع يقهر صدگ نزلت راسي اباوع للكاع
مرام: "اي" سمعته زفر الهوه وصار يكتب بالدفتر
احمد: "شنو اخر شي تذكري من حادثتج وهم احجيلي الحادثه وشكالولج اهلج"
مرام: "ابويه گال انو اكو شخص انكتل كبالي بالشارع واني راجعه من المدرسة بس.. "
احمد: "بس شنو لا تتوترين احجي"
مرام: "اني اتذكر غير شي" حسيت بنضراته الاستفهام والقلق مادري
مرام: "اني اتذكر انو جنت ببيت جبير مو بيتنه وجان ذاك الرجال الي اسمه محمد يحجي وياي وبعدين انضرب طلقه و.. "
احمد: "كملي"
مرام: "وما اتذكر بس السلاح يعني ماتذكر منو جان شايل السلاح بس اذكر اكو رجال ثاني گال كافي عياط وجرني واني جنت اصيح بأسم"
رفع راسه ورجع ضهره للكرسي وحجينه اني وياه بنفس الوكت
احمد: "علي"
مرام: "علي"
باوعتله وابتسمت
مرام: "يعني ابويه ديجذب عليه"
احمد: "مجربتي تسألين ابوج عالحادثه"
مرام: "لمن اسأله يعيد نفس الموضوع بس... لاحضت ارتباكه من اگول منو محمد وعلي اني اعرف انو ابويه ضام شي جبير بخصوص الحادث"
احمد: "انتي تدرين موضوعج يوصل للقانون بس يراد اثبات واهم شي يراد(ذكرياتج) "
باوعتله بأستغراب شقصده
احمد: "المهم... شوفي جلستنه مطوله لانها رح تعتبر تعويض لكل جلساتج الضاعت ولازم اشخص حالتج عالاخير تكدرين تتاخرين بعد مو؟ "
باوعتله وفكرت هسه اذا رجعو وملگوني موجوده اله يطيحون حضي يله اجذب اكللهم.... اها لكيته اكللهم جنت ويه علي ابتسمت وباوعتله وكلت: "على راحتك نخلص الجلسه" هز راسه وباوع للورقه وگال: "احجيلي عن خطيبج"
مرام: "اسمه علي يمان وغريب كلش وتصرفاته ممفهومه وحجيه كله الغاز يعني هوه بالكامل بس غموض واسرار ويعصب فجأه مادري شيجيه وبلحضه يصير لطيف وحباب يعني احسه مخبل اكثر مني وانخطبنه قبل كم يوم والعرس باجر.. "
احمد: "غريب؟ "
مرام: "اي يعني يعصب من شغلات ممفهومه وماعرف هواي عنه يعني بس شغلات سطحيه وهم (حجيتله لقائاتنا وشلون انخطبنا والخ..) "
احمد: "مو غريبه الصدف مالتكم؟ "
مرام: "يعني.. "
احمد: "يعني احتمال يكون يعرفج من سنين ويريد يتزوجج لان القاءات الي دكوليهه مو معقول تكون كلهه صدف"
مرام: "لا وين هو....... اي اوكف هوه كالي تزوجيني واحجيلج بعدين فجي"
احمد: "تتوقعين هالشي اله علاقه بمرضج وحادثتج"
مرام: "اي لان هوه كال عندي معلومات عن حادثتج واطاني دليل"
وطولت الجلسه سألني هواي اسئله عن التعنيف والدراسه وحياتي الاجتماعيه وعائلتي بس وكف كلشي من كال...
احمد: "مرام "
مرام: "نعم دكتور"
......
احمد: "هوه خطيبج نفسه علي بالحلم؟ "
باوعتله بصدمه اني ابد ممفكره هيج منين جاب هالفكره
مرام: "شدتكول وين اكو هيج حجي لا دكتور ماكو هيج شي"
احمد: "اوكي جان مجرد سؤال بس لازم تتوقعين كلشي لان ماكو شي اسمه مستحيل " حسيته يقصد شي
مرام: "اوك... شكرا دكتور عالجلسه اني اتأخرت بس علمود النوبات التجيني اريد مهدئات حسب تعيينك الي اكتبلي اياهن"
احمد: "تدللين بس الحالات الي متفيدج بيهه المهدئات وتدخلين بالنوبه اكو ابر رح اوصفلج اياهن كون شخص يضربج بيهن بحالات الهلع... وعفوا هذا واجبي"
اخذت الورقه وطلعت من الغرفه
..........
......
....
..
احمد: "اكو جريمه ودم بالموضوع بس شسوي؟ "
•••••••••••
"مرام"
طلعت من المركز واني تفكيري كله قلق وكلام الدكتور براسي معقوله علي اله علاقه بحادثتي هوه علي اطاني كم معلومه ماكدرت اكوللهه للطبيب بس ان يكون متورط مادري راسي حينفجر هوه شوكت راسي منفجر توجهت للصيدليه اشتريت الابر والمهدئات الي گال عليهن الدكتور طلعت من الصيدليه مرام: "يبوو تأخرت كلش"
هيجي وما حسيت اله صوت سياره تطوط فزيت مرام: "نعلعلا شبيك مطي شارع الخلفوك ابن.. " باوعت دا اكمل وحسيت على روحي شفته نزل الجامه ويضحك
علي: "اي ابن....شنو؟ " وغمزلي تنهدت ومشيت
علي: "صعدي" عصبت وباوعتله مرام: "انت ماعندك بس هاي...[صعدي] عوفني اتمشه اريد اشم هوه "
علي: "گلت صعدي.. افتحلج الجامه تتدللين"
مرام: "الله واكبر عرسنه باجر اصبر لشوفتي منا لباجر لو متكدر حضرتك.. "
علي: "لا ماكدر مرض گلبي... شلون ماشوف معشوگتي ليوم كامل"
هذا شديمسلت انوب يكول عشيقته وعشق وحب ومرض گلبي والله مخبل
مرام: "يابه روح والله مابيه حيل اتناقش اربد اتمشه مختنگه" حجيت بهد حيل
علي: "اوك حنزل اشيلج" فتح الباب وركضت للسياره
مرام: "خرب شبييييك اجيت مخبل طرن " صعدت بالسياره وجان وجهي مينشاف من العصبيه اريد اموته هسه باوعتله وحسيته معصب
علي: "اطلعين روح الواحد"
مرام: "وانت اكبر لزگه اشوفه بحياتي"
علي: "مو المهم اكون لزگه المهم اكون بحياتج مرض گلبي"
نزلت راسي بتعب وبالي ويه حجي الدكتور
علي: "اذا واخيرا رحتي للدكتور"
باوعتله بأستغراب
مرام: "وشمدريك مرايحه گبل" ضحك بصوت عالي باوعلي وهنا اجت صورة الطفل علي من الحلم ونزلت ذكره جديده على راسي وبدون ما احس گلت:
<{".. ابوي محمد.. "}>
ما حسيت اله تغيرت كل ملامحه من ابتسامه وفرح الى صدمه فتح عيونه حيل وباوعلي بصدمه وخوف كمش ايدي بسرعه وگال بصوت عالي وديرجف وصار يعيط :
"ش... گلتي..عي...دي...شگلتي "
••••••••••••
يتبع...
أنت تقرأ
مࢪام گلبي
Mystery / Thriller-«ما حسيت الا بأبࢪه ثبتت بࢪگبتي باوعت له بصدمه چان شكله باࢪد حتى.. بدت تطلع هذيج النظࢪة الي بينت على انها نظࢪة أنتصاࢪ متࢪوسة بالمڪࢪ والأستهزاء مادࢪي.. ضࢪبته على صدࢪه وصࢪت أࢪكل بࢪجله بشكل هستيࢪي بس ميتحࢪك ثابت مثل الصخࢪ حتى حسيت جسمي بده يوگف وأخࢪ شي...
