مࢪام گلبي

part 2

يلا نبدأ

بسم الله
•••••••••••
"مرام"
دا امشي وأفكر رأسي رح ينفجر والله احس الضغط الي عليه هسه حيجلطني مراجعت الطبيب ولا رحت للجامعة بس مسلتت كالعادة وفوكاها عندي امتحان مهم وچان لازم اداوم طبعا اني بقسم الهندسة المعمارية انگطع تفكيري من وصلت للبيت وگفت يم الباب وتوترت ماريد اطب اصلا علاقتي بيني وبين اهلي مو زينه يعني على اقل غلطة يتبرون مني عادي عدهم رح اچذب واخلص...
دخلت للبيت باوعت ماكو احد چان الطابق فارغ گلت معقولة امي مموجودة اصلا احسن مشيت للدرج دا اصعد بس حسيت بعطش گلت اروح للمطبخ دا أطب چان اسمع صوت امي مهتميت الى ان...
-امي سمر: "احنا نچذب لمدة 15 سنه مراح نخليها تلگفنا بيوم ويخرب كل هالتعب ال....مرا...م" ملامح الصدمه والخوف چانت واضحه على وجه امي اما اني فما افتهمت اي شي كلتلها: "منو الي مراح تخلوها تلگفكم اكو شي ماعرفه صايره مشكله؟ " خليني اعترفلكم سويت روحي غبيه لانو الحچي الي چانت دكوله امي چان يطلع بنبرة حقد وكره مادري گطع تفكيري صوت أمي دتكول: "لا حبيبتي ماكو شي بس چنه نحچي بموضوع يخص بيبيتج يعني مشكله بينها وبين ابوچ انتي لا تاكلين هم " حچت وهي تربت على راسي بحنان صراحه كلش انصدمت من الحركه لانو امي متحضن بيه ولا تبوسني وحتى كلمه حبيبتي مدكولهه لهذا الموضوع كلش غريب وعرفت انو هيه حاولت تغير الموضوع ونجحت بس مو عليه اني اصلا تعبانه وراسي يأذيني كلت: "رح اصعد انام " كلت وصعدت ودا احس بوجع براسي بس زين لا سألتني عالدكتور ولا عالجامعه دخلت للغرفه لا بدلت ملابسي ولا بطيخ گبل شمرت جنطتي والكتب وروحي عالجربايه ونمت بشكل مباشر......
•••••••
سمر: "لك سمعت حچينه"
ابراهيم: "شسمعت بالضبط"
سمر: "اعتقد اخر شيء كلته، جذبت عليها وحسيتها اقتنعت مادري شلون چان شكلها، مهتمت گبل صعدت لغرفتها"
ابراهيم: "الحمدلله اتصرفي وياها زين وحاولي تتعاطفين وياها شويه لحد ميطلع الموضوع من راسهه ونخلص عندي شغل باي." وسد التلفون
•••••••
"علي يمان"
"ادخل"حچاها وهوه ديباوع عالملفات التارسه المكتب انفتح الباب-:" لك اهلا بالعاشق الولهان اهلا بروميو" ديحجي ومحس اله ديباوعله بغضب جان يكمل-: "بس النسخة العراقية" كمل بضحك علي: "رح تنچب لو اگوم اعلمك شلون تحجي استاذ... ليث" گال اسمه بأبتسامه اخر شي، ضحك ليث وكعد كبال علي ليث: "على كيفك عيني شحچينه وياك يلا بس مو صوجك صوج الي يشاقه وياج ويسويلك واهس ابقه هيج كئيب چنك واحد مراهق" علي: "حتى من تعصب تطلع نفس الجهال" حچه ببرود ليث: "لا بربك يعني اني طالع من الصبح اراقبلك ست الحسن واضل واگف واتحمل الحر والتعب والالم والعطش والجوع والنوم و... " قاطعه علي بسرعه: "دكافي وين دازك متگلي الي يسمعك يگول محرر اوكرانيا" حچه وهز بأيده كمل: "وصلت للبيت مو زين يم.. " قاطعه ليث بسرعه: "اي طلعت من المستشفى ومراحت للجامعه ضلت تمشي لحد موصلت للبيت وبعد مطلعت... اااه الحمدلله تم التقرير" هز علي راسه برضى وگال: "عفيه بأخوي الكفو" ليث: "كفو؟ انت زين لو مصخن؟" علي: "دولي مو صوجك صوج الي يمدحك، يعني بربك عفت كل الحراس وحاطك انت تراقبهه غير لانو ماعندي ثقه بس بيك "حچه وصبره خلص
ليث:"اعرف اعرف اخوي بس هذا الموضوع معاجبني هسه حتى لو معجب بيها بس تراقبهه وتحبها من بعيد ميصير هذا عذاب مو حب لتدمر بگلبك هيج" باوعله علي بهدوء بعدين نزل راسه للملفات وكال: "رح تكون ألي بس بالوقت المناسب بعدين هذا مو بس اعجاب هذا °؏شق°" كالها بنضرات ممفهومه غريبه هز ليث راسه وسكت لأن مراح يسمعله لو حچه منا لباجر سكت ليث عالموضوع وكعدوا يشتغلون.
••••••••
{سأقتل كل شخص قال بأنڪ تشبهين القمر
فهو ملك لأبناء الارﺿ اما انتي ملك «لي» فقط }