مࢪام گلبي

part 10

يلا نبدأ

بسم الله

••••••••••••••

«تذكير»
وبدون ما احس گلت:
<{".. ابوي محمد.. "}>
ما حسيت اله تغيرت كل ملامحه من ابتسامه وفرح الى صدمه فتح عيونه حيل وباوعلي بصدمه وخوف كمش ايدي بسرعه وگال بصوت عالي وديرجف وصار يعيط :
"ش... گلتي..عي...دي...شگلتي"

••••••••••
صحيت من صدمتي من وره الالم الي اجاني براسي باوعت لايده ضاغطه عله ايدي حيل
مرام: "عوف ايدي " متحرك وعله نفس نضراته
علي: "دا اكول عيدي الي گلتي" صرخ بوجهي وضغط بالزايد على ايدي
مرام: "دا اكول عوف ايدي... دتأذيني.. شبيك"
باوع لأيده وعافني جان شكله يخوف كعد يعدل بتنفسه باوعلي وكال: "اني اسف اعتقد غلطت بالي سمعته"
مرام: "مغلطت بلي سمعته اني گلت ابوي محمد" حسيت روحي شعلت نار رجع باوعلي وعيونه تخوف وشرار حسيته خازرني وگال: "شدتكولين بس فهميني انتي... تذك... "
سكت من شافهه دمعت صارت عيونها حمر ومبين عليهه حاصره البجيه باوعلهه بقلق وحاوط وجهه بين ايده وكال: "ليش دتبجين مرض گلبي اذيتج موو اطيني ايدج" اخذهه وصار يبوس بيهه ويتلمسهه بخفه شويه ومتحملت ونزلت دموعي وصرت ابجي ماشفته اله سحبني وحضني حيل حسيت بخوفه وقلقه جان شكله هستيري ميعرف شيسوي وحسيت بأيده ترجف حاضني قوي وكال: "عليج الله لتبجين مو والله تمردين گلبي... احجيلي شبيج عليج الله لتبجين" صوته الي ديرجف وبيه غصه وكفتني عن البجي حسيت بخوفه وخرت عنه وگلت:"انت متعرفني زين اكو هواي شغلات متعرفهه"
علي: "اني اعرف كلشي عنج مرض گلبي.. "
مرام: "لا اكو شغلات متعرفهه..... لان اني ما اعرفهه"
باوعلي بأستغراب وعگد حواجبه مادري احس بروحي اريد اگله واشيل الحمل الي بگلبي ماعرف ليش ارتاحله احس اعرفه وعندي صله وياه لا لا هوه بعد حيصير زوجي لازم اگله... مرام: "علي.. "
علي: "عيونه"
مرام: "اني... اني اشك بعائلتي متورطه بشي"
علي: "مفتهمت"
مرام: "يعني اشك انو همه الهم علاقه بحادثتي اني وصغيره.. "
كلت حادثتي وشفت ملامحه تغيرت حسيت زاد الحماس بعيونه وهم شفت العصبيه وضحت على وجهه ركز بيه زين وكال بصوت عميق وبارد
علي: "كملي"
مرام: "ابويه گال بطفولتي چنت راجعه من المدرسة فشفت شخص انكتل گبالي بالشارع ولهذا السبب صارت عندي صدمة ومتحملهه عقلي لهذا النصف الي من عقلي الي شاف الجريمة انفصل واتخربطت الذكريات وياه بس... "
عصر عيونه حيل وكز على سنونه حط ايده على السواقه وضغط عليهه حيل حسيت بيه وهو يكتم عصبيته شبي هذا عبالك حاجيتله شي صاير وياه
علي: "بس شنو" فززني صوته فكملت
مرام: "اني اتذكر غير شي " باوعلي بسرعه وكال: "تتذكرين؟ " هزيتله راسي مرام: "ترجعلي كم ذكره يعني ما مذكره كلشي وهاي الذكريات بيهه هواي احداث وناس احس اني اعرفهم وزادت الكوابيس عندي هالفتره.. "
علي: "گولي شتتذكرين"
مرام: "مو مهم اشياء مخربطه"
علي: "گلت گولي"
مرام: "اووف ليش لحيت" حط ايده على خدي وكال: "لا تعانديني بس احجي انتي لازم توثقين بيه" تنهدت بعد ما شفت نضراته الي تشيل قهر ماعرف ليش يباوعلي بهالنظرات
مرام: "اكو شخص بالحلم اشوفه هوه ومره هم يكون كاعد يحجي وياي ويضحك ومرات يكعد يلعب وياي ويضل يحجي بخصوص شخص ثاني المهم اتذكر يصيحوله.....«محمد» "
باوعتله نزل ايده وسحب نفس قوي ودار وجهه للجامه وايده ضاغطهه قوي مرام: "علي انت زين"
علي: "كملي" مرام: "بس انت.. " علي: "گلت كملي"
مرام: "واكو حلم يتكرر هواي انو هذا الرجال الي اسمه محمد واگف وجنه داخل بيت چبير چان گاعد يحجي وياي بعدين.... " باوعلي بسرعه
مرام: "انضرب... طلقه.. ووگع"
ياخي والله اكو شي بعيونه مقهور كلش مقهور بس مقهور شنو عليه ليش هوه هيج معصب ومقهور
مرام: "بس ماتذكر شكل الي شال المسدس... اتذكر اني گمت اصيح بأسم شخص چان يجيني هواي بالاحلام "
علي: "شجان اسمه"
مرام: "علي"
شفت ابتسامه بعينه باوع ليگدام وكال: "كملي كلشي اليوم تعرفين باجر العرس لازم يكون كلشي حاضر ومجهز "
مرام: "انت غريب تدري بروحك"
علي: "ليش؟ "
مرام: "خليتني احجيلك كوابيسي وبعدين معلقت ولا گلت شي "
علي: "ماكو داعي اعلق"
لحضه صمت صارت كطعتها اني كلت:
"انت ليش دسوي هيج؟ "
باوعلي بأستفهام
مرام: "ليش تريد تتزوجني؟ وليش تعرف عني كل هالمعلومات.... منو انت؟ "
علي: "وصلنا نزلي"
مرام: "ما انزل... اريد تجاوبني"
علي: "يعجبج تبقين بالسياره وياي منا لباجر"
سويت حركه ولاول مره اسويهه كمشت فكه بأيدي ودرت وجهه وقربته مني شفته منصدم من حركتي
مرام: "اريد جواب "
مجاوبني بقه يباوعلي بنضرات ممفهومه
مرام: "مو دا احجي وياك دا اكول اريد جواب"
عفت فكه وما حسيت بي اله سحبني بسرعه وباسني جانت حركتهه كلش سريعه بقيت مصدومه شويه وما حسيت على روحي اله گمت ادفع بي حيل شد على جتفي ونيت بصوت مكتوم حط ايده على رگبتي من وره يتعمق راح نفسي كله اختنگت اريده يستجيبلي ويعوفني بس وين هوه بعالم ثاني تذكرت اول لقاء الي وياه وبسرعه حطيت ايدي على قميصه وشگيته وايدي الثانيه تشد بشعره من وره وصار الي ردته وعافني وخر وباوع لقميصه باوعلي وضحك علي: "متتغير تصرفاتج مرض گلبي"
باوعتله واني اعدل بأنفاسي اخذ شهيق وزفير قوي باوعتله بعصبيه وما حسيت بروحي اله ضربته راشدي قوي وگلت: "حقير " نزلت من السياره بسرعه باوعتله من بعيد جان ديباوعلي بنظرات اول مره اشوفهه منه چانت نضرات بارده حقد غضب خزر ما فهمتهه بس اكدر اكول انو جانت تخوف استعجلت طبيت للبيت دخلت لگيت امي واختي ديتعاركون
مريم: "كااافي تره هيه هم بنتكم فهموني ليش هيج تكرهوهه"
سمر: "اسكتي لج واسمعي كلام"
مريم: "ما اسمع كلام تعبت تعبتتتتت.. تعبت واني اعاملهه بحقاره من وراج من احنه صغار وانتي توزيني عليهه وتكرهيني بيهه انتي شسويتي بيه مدكوليلي كبرتي كره بداخلي عليهه جبرتيني اروح تخصص غير الي اريده واروح حفلات شغل واتعرف عالناس الخرا المتصنعين والشايفين روحهم ولازم البس احسن لبس وامكيج احسن مكياج واطلع باحسن طله واخطف الانظار ليش..... لان اني بنت ابراهيم من طفولتي متخليني امشي بس ويه الي مستواهم مثل مستوانه اني هاهيه رح امشي على روحي لا رح اسمع حجيج ولا انفذه ولا اسمع حجي ابوي هم رح اعيش مثل ما اريد "
سمر: "شو انتي اخذتي عين زايده لتحاولين تتحررين من مصيرج انتي بنت ابراهيم ورح تنفذين الي ابوج يريده والي اني اريد انتي تمثلينه وتمثلين عائلتنه اخر شي تريدين تشوهيه...ولج مرام رح تولي تبقين وحدج وتخ.. "قاطع حچيهه لمن شافتني باوعتلي ببرود باوعت على سمر جانت منهاره ودا تبچي باوعتلي بقهر وحزن وخلي اعترف انو چان شكلهه يجنن هيه بالعاده تلبس باروكه شگره متطلع شعرهه لان امي چانت تجبرهه تكوللهه حلو مع انو لون شعرهه مابي شي خل احجيلكم عن شكل مريم هيه بيضه على حمار وشعرهه اسود ليلي وعيونهه عسليات بس دائما امي تخليهه تلبس عدسات ملونه اعرف امي جانت تجبرهه على هواي شغلات ولحد هسه اان جانت تقنعهه انو رح تطلع حلوه وانو هيه بنت ابراهيم ولازم تتفاخر بنفسهه وجمالهه تقربت من امي وگلت:"انتي لشوكت اتضلين ضاغطه عليهه"
سمر: "وانتي شعليج روحي ولي لغرفتج دا احجي اني وبنتي"
مرام: "ماردت ادخل بينج وبين بنتج بس وين يفيد الحجي وياج ويه رجلج "
سمر: "يا ساق** تتجرأين تحجين هيج وياي"
مريم: "كاااافي انتي متملين كل هالسنين تفرقين بينه كاافي"
شالت ايديهه دتضرب مريم بسرعه كمشت ايديهه انصدمت وباوعتلي بعصبيه ومريم باوعتلي بصدمه
مرام: "ديري بالج تمدين ايدج عليهه"
سمر: "بالله عشنه وشفنه تكمشين ايدي وتجاوزين هم"
عفت ايديهه
مرام: "انتي جبرتيني"
حجيتها وصعدت لغرفتي دخلت للغرفه كعدت عالجربايه افكر اجتني رساله باوعت لگيتهه منه قريته من الشاشه كاتب
علي: "اني اعلمج شلون تضربيني راشدي مره ثانيه"
تركت التلفون بتعب
مرام: "تستاهل "

••••••••••••••
~بمكان ثاني~
واگف ومنتچي على سيارته بهيبته وقاطه وجسمه وعضلاته وجگاره بحلگه حاط ايده بجيبه يباوع للي بالحديقه بقهر وعيون ذبلانه
-: "لك ليش هيج سويت والله مردت گلبي"
يدخن وعيونه حمر وذبلانات
-: "جنت رح اعوفك بلحضه لأن عمره الانتقام مچان حل ولا حلله رب العالمين بس هذا مو بس انتقام هذا «حق»"
نزل راسه وحط ايده على عينه يمسح دموعه رفع راسه وكال: "شجان حيصير لو ابويه ممات او لو چنت تشيلي ذره وحده من الحب " مسح على وجهه ورجع باوعله بس هالمره باوعله بحقد وكال: "مرحمتوني لا انت ولا مرتك واني هم هيج سويت تعاملت وياك بنفس الصيغة مرحمتك لا انت ولا هيه وانتو اكبر عامل لكوني هيج صرت بس اشكرك لانك خليتني انسان فارغ مشاعر ووحيد تعلمت القوه والثبات والتحكم بالمشاعر والبرود والقسوه والثراء والاهم عدم الرحمه وكله بفضل علي يمان الي غيرني وانتقملي واخذلي بحقي لازم تعرفون انو الوحش الي شفتو هسه صار بفضلكم حبيت علي واخذته كأخ وسند الي الغريب صار اخويه وسندي حماني ووكلني وشربني ولبسني ودافع عني هسه اكتشفت انو اذا حبيت شخص بعد ماكدر اتخله عنه لهذه السبب لازم ابتعد عن الناس واولهم النساء ذني مايرحمن بحبهن مثل ما اشوف اخوي علي يمان يتعذب كل يوم من وره الحب ولو هوه مو بس يحب مرام مخبل بيهه.....المهم اني ماعندي بالدنيه غير اخوي وحبيبي وسندي علي يمان بفضله اكو شخص اسمه «ليث عقيل»"
......
قاطع تفكيره صوت التلفون مسح دموعه وجاوب ليث: "لك هله بالضلع الي ما ينشلع" بضحكه مزيفه
علي: "شبي صوتك"
ليث: "ما بي شي بس دا ادخن"
علي: "ششايفني زوج لو مطي"
ليث: "والله اثنينهن"
علي: "ابن.... "
ليث: "يبووو لا تسب "
علي: "تعال للشركه نشتغل شويه ونطلع نتعشه بره"
ليث: "الله... لك احلى سفره سفوري يابه"
علي: "غير يگعد ليث الحجي"
ليث: "هههه حلوه هاي تدلل رح اجي"
علي: "صحيح المهمه الفجر تتنفذ"
ليث: "لك عرسك باجر يا مهمه عوفه عليه"
علي: "هوه عرسي الصبح مثلا معليك ادبرهه"
ليث: "يبوو العنودي شيقنعه تمام رح اجي"
علي: "اوك باي ليث الحجي"
ليث: "هه باي"
سد التلفون اخذ نظره سريعه على اخوه صعد بسيارته وطلع للشركه...

••••••••••••••

[قصة ليث حتكون ملهمه كلش وبالبارتات الجايه اخليكم تتيهون البطل ليث لو علي 😂 شكد ما راح تتونسون لا اشاقه البطل علي رح اكتب شلون انتقم من اخو والاهم.....ليث رح يحب شخصيه احتمال تطلع بالبارتات الجايه واحتمال موجودة اصلا ورح تكون قصتهم 🤌🏻ما اسرب يلا روح ]

يتبع....