يلا نبدأ
بسم الله
....................
"مرام"
صارلنا هواي بس هيچ گاعدين مخلاني اسوي اي شي حتى سلام عالعالم مخلاني اسلم مجان ناقصني غير واحد معقد مثله وكل شويه يباوعلي يتفحص بيه ويدير وجهه مدري معصب على فستان العرس لو سويت شي ومادري بروحي گمت مكاني ارد اروح اشوف مريم لان ارد اعرف اي شي على تفاصيل مصيبتهه حتى اعرف شسوي اول ما گمت كمش ايدي وگال: "وين؟ " باوعتله بعصبيه لهنا وبس متحملته العرس كله مرام: "وانت شعليك" وخرت ايده دا امشي چان يگوم من مكانه ويكمش ايدي حيل وگال: "لمن اسئلج تجاوبين" چانت عيونه تطي شرار حسيته واحد ثاني الي خفت منه بده يصير صرت احرك ايديه حتى يعوفني مرام: "شبيك.... ايدي" علي: "جاوبيني" باوعتله بعصبيه وحقد وگلت بصوت عالي شويه مرام: "لجهنم... يم اختي" خزرني وگال: "نصي صوتج لچ"
ملاحضه انو العرس چان كله كاسيتات واغاني والقاعه چبيره والناس مشغولين فهمه مثل انو جانو بعالم ثاني
......
عاف ايدي وگال: "روحي وحسابنه بعدين"
مرام: "بعد اله يحط حبل برگتي ويسحلني وياه"
حچتها وعافته ومشت
تنهد يلوم بروحه يعرف انو ديلح بس ميريد اي خطأ بهاليوم احتمال يصير شي، من جهة اعدائه او من جهة ابراهيم او من جهة.. اصدقائه..
گطع تفكيره ليث
....
ليث: "زين عفتها شويه"
علي: "حتى انت؟ "
ليث: "اي تره صدك العرس كله مگعدهه عرس زربه"
علي: "زربه عليك"
تقرب ليث من علي وگال بصوت خافت: "عدنه واجب"
باوعله علي بأستغراب وگال: "شوكت"
ليث: "الرئيس گال باجر علمودك"
تنهد وصار يدور بعينه عليهه
علي: "هاي وين ولت تضحك عليه"
لمحهه وابتسم راحلهه
علي: "محتاجج بشي"
استغربت هيه ومريم سحبهه
علي: "هسه حتروحين تگعدين وابد متگومين زين"
مرام: "ما ماااا.... شنو تريد تموتني"
علي: "لج.. رح اروح اوقع اوراق الصفقه الي اتفقنه عليهه لان الزواج صار"
باوعتله بقهر يعني هوه ديگللهه رايح اشتريچ من ابوج واجي
......
هزتله راسهه وراحت لمكانهه لحگهه علي وسحب ليث على جهه وگال: "ابقى وياهه رح اروح اكمل الصفقه لتعوفهه "
هزله راسه وراح وكف يمهه
رفعت راسهه تباوعله شافت ملامحه الحاده والعصبيه
مرام: "شنو انشالله رح تبقى هنا.. تراقبني"
باوعلهه وتغيرت ملامحه ابتسم وگال: "اكو احلا من انو اكون ويه مرت اخويه " گلبت عيونهه مرام: "بس گلي علي شعباله رح اشرد" هزلهه راسه وگال: "وهم علي يعشگج ويخاف عليج لهذا السبب اني الي اراقبج"
مرام: "هوه عرفني قبل كم يوم"
ليث: "يا كم يوم صارله كم سن... " استوعب انو رح يفضح السالفه فغير الموضوع وسكت الا ان شاف وحده اجت عليه باوع ديمنعهه بس تراجع من تعرف عليهه باوعتله بأستغراب وراحت گعدت يم مرام مريم: "شنو متوتره"
مرام: "اكيد" ليث: "يعني الانسه مريم صديقه مرت اخوي" باوعتله بغرور رجعت شعرهه الاسود لضهرهه وگالت: "لا... اختي" هنا انصدم گال بسرعه: "انتي مري.. م ابرا..هيم" هزت راسهه وگالت: "هسه شنو هذا حيضل واگف هنا " باوعلهه بحاجب مرفوع وكال: "اسمي ليث مو هذا" گلبت عيونهه بملل وشگد استفزته هاي الحركه باوعت بتوتر حوليهه وحچت بأذن مرام: "اختي شلون اگضي اليوم بدونج رح يرجع ابويه يحچي بالموضوع" مرام: "والله مادري چنت افكر بيچ.. بس انتي گوليلي على كلشي " هزتلهه راسه
أنت تقرأ
مࢪام گلبي
Mystery / Thriller-«ما حسيت الا بأبࢪه ثبتت بࢪگبتي باوعت له بصدمه چان شكله باࢪد حتى.. بدت تطلع هذيج النظࢪة الي بينت على انها نظࢪة أنتصاࢪ متࢪوسة بالمڪࢪ والأستهزاء مادࢪي.. ضࢪبته على صدࢪه وصࢪت أࢪكل بࢪجله بشكل هستيࢪي بس ميتحࢪك ثابت مثل الصخࢪ حتى حسيت جسمي بده يوگف وأخࢪ شي...
