مࢪام گلبي

part 4

يلا نبدأ

بسم الله

••••••••••••
"مرام "
رجعت للبيت بالگوه والطريق كله بس افكر يعني
بكم يوم المشاكل صارت متعوفني شكو شغله وسالفه صارت براسي وفوكاها لا عندي اخت اشكيلهه همومي واطلع الي بگلبي ولا ام تدافعلي وتحميني ولا اب يحبني ويحترم رأيي، لا كلهم همهم الفلوس والسلطه والناس وبس، لاكن كل ما افكر اشوف معامله اهلي ويه اختي كلش زينه مو مثلي اني محسسيني عدوتهم لهذه احس بالتفرقه دائما بكل سنه يسوون حفله وعيد ميلاد لاختي وتجيه ناس معروفين وفنانين ومشاهير ورجال اعمال علمود حفله عيد ميلاد اختي؟ اما اني ولا مره سوولي حفله عيد ميلاد اصلا ميعرفون التاريخ صدكو ولا مره سألوني على تاريخ ميلادي واغلب الحفلات الي تصير بشغل ابويه ياخذ اختي وامي ويعوفني بالبيت اول شي جنت اكول لان اختي اكبر مني بس هسه صار السبب واضح لان يكرهني وميريدني ماعرف ليش؟ ولما اختي نجحت جابت معدل بالسبعين وابويه جان فرحان ومبقه احد ما عزمه شد واهسي بالدراسه وطلعت معدل طب علموده بس مشفت هذيج الفرحه وهنا انكسرت وقررت ادخل هندسه، بس اني اعتقد ان هالكره اجه بسبب مرضي شنو ذنبي اذا اجتني صدمه اني وصغيرة وخلتني افقد ذكرياتي قبل الصدمه هالشي ما صار بسببي ودائما اسألهم عن الي صار وشنو سبب الصدمه بس ابويه يكول انكتل واحد كبالي بالشارع وجنت بوكتهه عمري 6 سنين وهيج اي شي قبل الصدمه ما اذكره اااه من الضغط بس دائما متوكله على الله...
طبيت للبيت وصعدت كبل لغرفتي ماريد اشوف احد للعلم اني هاي اخر سنه الي بالجامعه بدلت وكعدت ادرس لان حتى نوم مجاييني ساعه وطبت امي وجانت فرحانه مادري
سمر: "عوفي القرايه وكومي جهزي روحج رح يجوون اليوم يخطبوج رسمي"
باوعتلهه وحسيت بغصه واريد ابجي اريد انزل دموعي بس ماكدر عيوني متكدر تبجي وخاصه گبال ذوله الظالمين لازم اسوي شي ماريد اتزوج شبيهم ذوله يعني بس فكره انو اني ماعرف الولد تخبلني وانو زواج صفقه يعني ابويه باعني بأعتبار وأكيد على اقل سالفه حيضل يعيرني ويكول ابوج باعج علمود فلوس وتزوجتيني علمود فلوس الموضوع بس اتخيله گلبي يقبضني ماكدر اتحمل الفكره لعد شلون اذا عشتها؟
اريد اكوم واصرخ واطلع الي بگلبي واكلهه ماريد اتزوج واتوسل حتى تساعدني بس هذوله اهلي واعرفهم مراح يعبروني ولا يهتمون وهم مستحيل اتوسل بيهم يعني كبريائي واكف ضد ارادتي هم دا احس بضغط من كل الاتجاهات وخنگه بصدري بس تعبت من الحچي فأنداريت وگلت: اوك
باوعتلي وجان مبين عليهه مستغربه وعافتني وطلعت كمت وراهه سديت الباب وبالگوه اشيل بجسمي دا احس °بالخذلان والقهر والذل والالم°
ماعرف شسوي وگلبي ديوجعني بس افكر انتچيت على الباب وما حسيت بروحي اله دا ابجي هاي المره انفجرت وابجي واتذكر كلشي يقهر عشته وياهم كافي جسمي مينشاف من الضرب وكفت بجي ومر شريط حياتي وياهم كله على عقلي وكل لحضه قهر وحزن وعنف وذل رفعت راسي وكلت: "اذا تم هذا الزواج اله اخليكم تتندمون على كل لحضه عاملتوني بيهه بسفاله وحقد"
كمت من الكاع طبيت دا اغسل وجهي واجت ببالي فكره لمعت عيني وكلت مرام : "اذا عرف اكيد حيرفضني" ابتسمت وطلعت من الحمام بسرعه..