حب بدأ من الطفوله....

Part: 10

دخل سيف و باس رأسها : ها شحالج الحين ان شاء الله احسن
وديمه : الحمدلله
سيف : لين الحين زعلانه؟
وديمه بغصه : لا بس حازه فخاطري يعني انتو اهلي ما صدقتوني و عمي يصدقون انتو ليش ما سألتوني ليش ما ياستر وياي و قلتولي شو مستوي أنا انضربت وأنا ما يخصني
سيف: اسف والله حقج علي بس طلعت عن طوري قلت مستحيل جذب و شي محادثات
وديمه: خلاص سيف سكر الموضوع متى بيرخصوني
سيف : بتنامين هني اليوم
وديمه : سيف لا ياخي تعرف ماحب المستشفى
سيف : اليوم بس و قالو إذا ما كلتي ما بيرخصونج و بتمين
وديمه : انزين منو بيرافق معاي أبا ميثوه
سيف : احين أنا ياي برافقج وأنتي تقولين تبين ميثوه افاا بس ما هقيتها منج
وديمه : انزين سير سير أبا أنام تعبانه
سيف : تمام
شوي و دقت ريان : الو ودوم شحالج شحال اميه و الباقين
وديمه بصوت تعبان : الحمدلله إنتي شحالج
ريان حست ان مستوي شي لأنه صوت وديمه كان تعبان : ودوم شو مستوي ليش صوتج جي تعبان سيفو الهرم ماذنج صح؟!!
وديمه : لا ما فيني شي بس شوي تعبانه
ريان و هي قلبها مش مرتاح: افا ودوم تقصين علي قولي الصدق
تنهدت وديمه: شو اقولج اقولج إني منومه فالمستشفى الحين اقولج إني كنت بموت لولا عمي حسين اقولج ان أبويه مد ايده علي متخيله أبويه اول مره يسويهااا!!
شهقت ريان بصدمه : ليش شو مستوي ليش كل ها
وقالتلها وديمه السالفه
ريان : أبويه ما كلمج ؟!
وديمه :متخيله ان أبويه الي ما يرضا يشوفنا زعلانين على طول ايي يراضينا الحين أنا زعلانه منه و ما كلمني !!
ريان : خلاص ما عليه حبيبتي أنا بحاول اكلمه و بشوف شو بيقول
وديمه : لا ريان لا تكلمنه متخيله ما يكلمني لا تكلمينه ولا شي هو لو يحبني بيراضيني
ريان : لا تقولين جي أبويه يحبج و بعدين تعال حبيب القلب شافت بدون شيله وعباه عيل هاه
وديمه : اييي سكتي استحيي اقولج اخاف يآخذ عني فكره سيئه
ريان : لا حبيبتي اكيد ما بياخذ فكره خصوصا ان درى عن الصدق المهم بخليج الحين إنتي تعبانه ريحي
وديمه متعمده تحرجها : افا تسحبين على اختج عشان تسيرين عند ريلج
ريان استحت : جب جب بلا فله أدلب و نامي ريحي
وديمه : من عيوني يلا مع السلامه
ريان : استودعتج الله وسكرت

اليوم الثاني الصبح:

وديمه: سيفوه انت قلت اليوم بطلع خلاص أبا اطلع عندي امتحان باجر أبا اراجع
سيف : انزين ليش مستعيله جي ولا جي بيطلعونج
وديمه : انت ما منك فايده بدق حق ماما بقولها
سيف: خلاص بسير اكلم الدكتور
رخصها الدكتور و طلعو و وصلو البيت دخلت و سيف وراها
وديمه + سيف : السلام عليكم
راشد + حصه : وعليكم السلام
حصه : تعالي اميه ودوم ايلسي
وديمه : لا تعبانه بسير فوق
سيف : انزين ابلسي شوي عقب روحي
وديمه : والله تعبانه بسير اسبح و عقب بذاكر وراحت
حصه : راشد ترا مب حلو الي يالس يستوي تراها بنتك
راشد : وشو تبيني اسوي مثلا
حصه : استسمح منها مهما كان هاي بنتك
راشد : تمام

فوق في غرفه وديمه :

دخلت هند الغرفه بدون ما تدق الباب
وديمه : بسم الله هند روعتيني
يت هند حضنت وديمه : ودوم أنتي تعبانه ؟ ليش نمتي فالمستشفى؟؟
وديمه : كنت تعبانه عشان جي نمت فالمستشفى
دش عليهم راشد : هند حبيبتي
هند :نعم بابا
راشد : طلعي شوي بيلس ويا ودوم روحنا
توترت وديمه يوم قال لهند تطلع
هند : ان شاءالله
طلعت هند و سكر راشد الباب
يلس راشد حذالها : وديمه بابا إنتي تعرفين أنا ما سويت جي إلا لأني اخاف عليج صح ؟
نزلت دموع وديمه : بس بابا تيلس تضربني !! انت المفروض تسألني تنصحني أو إذا بتعاقبني تشيل فوني بس ما تضربني
حضنها راشد : حقج علي أنا ادري إني غلطان بس عصبت
مسحت وديمه دموعها : بس المفروض انت اكثر واحد يصدقني لأنه انت تعرف أنا ما أسويها !!
راشد : ادري والله بس عصبت وأنا الحين مصدقنج وإذا على هاكي الهرم ترا اشتكينا عليه
وديمه : خلاص مب زعلانه
راشد: اكيد
وديمه : اكيد
طلع راشد و وديمه يلست تراجع العصر ميثه دقت لوديمه
ميثه : الو ودوم شحالج
وديمه : الحمدلله أني شحالج
ميثه : الحمدلله اقولج
وديمه : هلا
ميثه : شو رايج أتين بيتنا نسولف و جي
وديمه : تعبانه والله إنتي تعالي عندي
ميثه : مافي حد يوصلني منو بيوصلني
وديمه : خلي حمد يوصلج
ميثه : هاك جلب ما بيوصلني
وديمه : انزين جربي تكلمينه
ميثه : انزين باي بسير اساله و سكرت

عرفه حمد :

دقت الباب ميثه و دخلت
ميثه : حمود اخويه
حمد : شو تبين
ميثه : أبا أسير بيت عمي راشد ودني
حمد : ماشي ايلسي مكانج
ميثه : انزين حرام ودوم تعبانه بسير اونسها
حمد خاف عليها : تعبانه !! بلاها ؟
ميثه : يعني وحده توه طالعه من المستشفى شو بيكون فيها
حمد : انزين سيري لبسي 10 دقايق ما طلعتي ما بوديج
ميثه : ف اقل عن 10 دقايق بجهز و راحت تجز

في سياره حمد قبل ما تنزل ميثه

حمد : طمنيني عليها ميثوه و سلمي عليها
ميثه : بصفتك منو أطمنك عليها و غمز له
حمد : والله بتحصلين كف نزلي
ميثه : انزين يالنفسيه
يوم يت بتنزل طلع سيف من بيتهم
سيف : حيهم عيال العم
حمد : الله يحيك
سيف: قربو ليش يالسين برع
ميثه : أصلا بدش منو قال بترياك
سيف : جب جب دشو انزين
حمد : لا بسير
سيف : دش ما بيستوي شي إلا شوي
حمد : تمام
و نزلو سلمت ميثه على حصه و راشد و راحت غرفه وديمه ودشت بدون ما تدق الباب

صارخت : ودوم ييت
وديمه : بسم الله بلاج شوي شوي ما بطير
ميثه : والله مشتاقتلج
وديمه : يالجذابه امس شايفتني
ميثه :شسوي تعرفين مأروم أعيش بدونج المهم بقولج شي
وديمه : شو
ميثه : بعض الناس يسألون عنج و يسلمون عليج
وديمه بغباء : منو بعض الناس ؟ عميه؟ الله يسلمه
ميثه : لا يالغبيه حبيب القلب و غمزت
وديمه : الله يسلمه
ميثه : اقولج قولي الصدق إنتي صدق تحبينه
وديمه : الصراحه هيه بس ماعرف إذا هو يحبني
ابتسمت ميثه و سكتت لأنه تعرف ان حمد يحب وديمه
ميثه : المهم أباً حد يغششني باجر
وديمه : يعني أكيد بغششج بس بشرط تغششيني فالكيمياء
ميثه : افا عليج لعبتي
وديمه : بنشوف

الصبح فالمدرسه وقت الامتحان كانت وديمه تغشش ميثه وفجاه

المس : ميثه و وديمه عند المديره ماشي امتحان
ميثه : ابله ليش ما سوينه شي !!
وديمه : مس لا دخيلج
المس تصارخ : جدامي عند المديره بسرعهه
طلعو وراحو المديره يلسو عندها لين ما خلص وقت الامتحان و يت المس تخبر المديره
المديره : انتو شطار ليش تغشون
وديمه : ابله ما غشينا كنت أبا كوركتر