حب بدأ من الطفوله....

Part:6

ميثه:ريان متئ ليلة الحنه؟
ريان:عقب 3 اسابيع
ميثه:حماسسسسس
ريان:شو لون لبسج
ميثه:سررررررر
وديمه:ا-
ميثه:جببببب
وديمه:انزين فكينا
المهم سكب ردو من السفر و بدو يجهزون حق ليلة الحنه كل يوم يطلعون من محل الئ محل لين ليلة الحنه وديمه كانت لابسه فستان برتقالي و شعرها نصه عقص و الفستان خفيف و حلو و كات ميثه لابسه فستان احمر و شعرها كيرلي و عقص ساره لابسه فستان اسود sleeveless و شعرها مفتوح من تحت كيرلي و ريان العروس لابسه فستان ازرق كات الفستان وايد حلو ماشالله طالع عليها و شعرها مسوينه و مكياجها وايد حلو طالعه قمر كانو يصورون ريان دشت عليها وديمه
وديمه:هلا هلا باحلئ عروس
ريان:اقولج اسكتي متوتره
وديمه:تحبين صقر صح؟ عيل خلاص مابيستوي شي
ريان:وايد احبه وايد ماتصدقين كثر الحب الي فيني له
وديمه:امبيه حمستيني ابا اعرس
ريان:أصلا أنا حصلتلج واحد بس مابقول منو
وديمه:قولي تكفين
ريان:لا يلا بخلص تصوير
وديمه:انزين بسير بجوف منو وصل
طلعت وديمه و راحت سلمت و رقصو تعشو و دشت العروس كانت طالعه شققق المهم وصلت الكوشه صوروها رقصو بعدين قالو صقر بيدش طبعا العرس كان ف بيت ابو وديمه مجهزين المكان مخلينه حلو المهم لبسو عبيهم الحريم دخل صقر و قعد و بدو يحنونه و ريان تضحك عليه هو متشنج ماسك اييدها
صقر:اميه لازم أتحنه؟
ام صقر:طبعا يلا يجوفني بصورك
صقر:اميه فشيله ياخي بطرشين حق كل حد
ام صقر:عادي
صقر:انزين لا تصورين حرمتي اغار عليها
البنات ضحكو عليه
ام صقر:فديتها طالعه قمر
ريان ويها استوا احمر
صقر:فديت المستحيه
ريان:خلاص اسكت ويهي استو احمر
صقر:هههه اميه ها لين متئ بيتم ع ريلي؟
اميه:اثبت يدتك قاعده تحنيك
يدته حمده قالت
حمده:انته بتثبت ولا شو
صقر:انشالله
وديمه:امسكي ريلج اقول ههههههه
صقر:تضحكين الحين ها؟ بنجوف يوم بتعرسين أنا بضحك ع ريلج و هم يحنونه
خلص العرس ردو البيت وديمه سبحت بدلت وكانت هلكانه تبا تنام المهم عقب شهر كان باقي ع عرس ريان اسبوع و وديمه ماخذتلها كعب امها كانت راده من المول تعبانه محد فيه حيل يوديها راحت كلمت ميثه بس ميثه كانت ف بيت خالتها و كلمت حمد و عطته رقم وديمه عشان يوديها تاخذلها كعب
وديمه:الو منو معاي؟
حمد:هلا وديمه أنا حمد ولد عمج ميثه قالتلي تبين تسيرين تاخذيلج كعب امي و ميثه قالولي اوديج إذا اهلج عادي عندهم
وديمه:بسال و بدقلك
حمد:اوك
بندو التفون و نزلت وديمه عند امها
حصه:لا تقولين شي كلمت عمتج و بنتها و كلمت ابوج و قال عادي سيري البسي عباتج و خذي بطاقت ابوج
وديمه:مشكوره امايه
راحت فوق لبست عبأتها و كلمت حمد
وديمه:الو
حمد ذاب من صوتها بس سووه عمره طبيعي
حمد:اهلين شو قالت امج؟
وديمه:امك طلعت مكلمه امي اول مانزلت بعدني ماتكلمت قالت اسكتي عمتج كلمتني المهم أنا لبست عباتي متئ بتي كم يبالك يعني؟
حمد:ربع ساعه بيي
وديمه:تمام مشكور
حمد:العفو
بندو تلفون و راح حمد طبعا كشخ جي عصر و تعطر و تبخر اقولكم معرس ههههه المهم وصل بيتهم و طقلها
حمد:الو ودوم أنا برع
وديمه:يلا الحين نازله
نزلت و راحت السياره طبعا بطاقت ابوها عندها قعدت ورا
حمد:ودوم ليش قاعده ورا تعاي جدام ترا ولد عمج تقريبا كل يوم اجوفج
وديمه استحت و راحت جدام
حمد:اشبك ولا انتي بتشكين؟
وديمه:انت اشبك
حمد:اوك
شبك حمد و يلسو يسمعون الاغاني لين ماوصلو دبي مول نزلو و اول شي راحو Zara حصلت الكعب الي تبا و دفعت ببطاقت ابوها بعدين سارت Dior خذتلها شنطه بعدين سارت Hermes خذتلها نعال الابيض و عقب خذتلها كوفي و حمد كان ماسك كل الاجياس
حمد:انتي لين متئ ناويه اتمين هني؟
وديمه:حمد بلاك مافيك صبر ترا عرس اختي بتصور وايد عقب الناس بيقولون اخت العروس هيلقيه تباهم جي يقولون؟
حمد:لا طبعا بس تعبت
وديمه:عيل جب ابا اسير Chanel عقب بنرد البيت
حمد:اخيرا
راحو المحل خذتلها شنطه و ردو البيت ف يوم العرس ريان طالعه عسل و وديمه طالعه قمر الي يجوفها بيتخرفن منها كانت ريان ف حجرتها الي ف قاعه تتجهز كانت كاشخه طالعه شق دشو عليها وديمه و هند و امها
هند:ماما عينها كلها دموع
ريان:امايه لا تصيحين ترا أنا بعد بصيح
حصه حضنت ريان و هم ماسكين دموعهم
حصه:بنتي الي أنا مربتنها و كبرتها بتروح من اييدي اليوم
وديمه:ريانننن ياخي احبج الحين بتعرسين و بتهدينا انتي كنتي ادافعين عني يوم سيف يتفلسف بصيح ريان
ريان:لا تصيحين بصيح وياج ياخي أنا بعد احبج و امايه مشكوره ع سنين الي ربيتيني فيها بس الحين دوري أنا اكون ام و اربي عيالي الحين يبالج تربين سيفو
كلهم ضحكو
هند:ريان الحين صج بتروحين بيت عمي ابو صقر بتهدينا؟
ريان:هي بس بيتنا مب وايد بعدين بس 20 دقيقه
هند:لا بعيد منو بيوديني دكان منو بيكشخني؟
ريان:عندج وديمه و سيف انشالله مابيقصرون معاج ب شي
حصه:ابوج و سيف بيدشون الحين
وديمه:صدقيني بابا بيصيح
دش راشد و سيف و راشد حضن ريان
راشد:مبروك منج المال و منها العيال(اتوقع جي يقولون)بنتي ريان احبج اهتمي ف عمرج اي شي يستوي كلمينا لا تخافين
ريان:انشالله
سيف:هلا بأحلئ عروس
ريان:اهلين
سيف:مب مصدق انج انتي اكثر وحده كنت اتضارب وياها بس كنتي اكثر وحده احبها و اثق فيها بتروحين تتزوجين و بتهدينا
ريان:سيفو حبيبي لا تلعوز هند و وديمه و بيتنا بيكون بس 20 دقيقه من بيتكم
وديمه:احح قالت بيتنا و بيتكم يعني انتي وايد جاهزه تنتقلين
راشد:بعدني مب مصدق بنتي الي ربيتها و دلعتها و ماخليت حد يقولها شي يزعلها الحين بتهدني
ريان:أبويه بصيح
وديمه:لا تصيحين المكياج متعوب عليه
سيف:خربت ام الجو
راشد:انتبهي ع عمرج اي شي تبين عندج صقر و عندج عمج و عمتج و احنا بعد مابنقصر معاج
طلعو سيف و راشد و دشو ساره و ميثه
ميثه:امبيه ريان طالعه قمر
ريان:انتي الي طالعه عسل والله
ساره:واي ريان ربيعت الطفوله عرست قبلي
ريان:دايما كانو يقولن انه ساره بتعرس قبلي لنها وايد مستعيله الحين كبرنا و أنا عرست قبلج
ساره:عادي عادي المهم ها صقر لا يسوي فيج شي بذبحه
ريان:ماعليج ماعليج
طلعو كلهم عشان يجوفون الي وصلو