حب بدأ من الطفوله....

Part: 2

حمد راح الحمام سبح بدل لبس كندوره و غتره كان متبخر و حاط دهن عود و عطر رايح عرس مب عياده ههههه المهم ركب السياره و راح بيت عمه و دق الهرن وديمه طلعت و هي لابسه عباة سوده و شيله سوده و ماحطت ميكب و رشت شويت عطر انصدمت يوم جافت سيارت حمد ركبت ورا
وديمه:سلام عليكم
حمد:و عليكم السلام تعاي جدام
وديمه:ليش؟
حمد:ليش قاعده ورا؟ تراني ولد عمج مب حد غريب شو تتحسبيني دريول؟
وديمه:محشوم ولد عمي محشوم
حمد:عيل تعاي جدام
وديمه راحت قعدت جدام و هي مستحيه ويها احمر
وديمه:مب مفروض حمدان يوديني؟
حمد:حمدان هيز بس يرقد
وديمه:اها اوكييي
حمد:تبين تشبكين اغاني؟
وديمه:انت اشبك
حمد:اوك.حمد شبك و حط اغنيه و عقب وصلو العياده وديمه كانت تكلم الدكتوره و ماكانت لافه الشيله عدل قصتها تبين و عقب دكتور دش
حمد:لفي شيلتج عدل
وديمه:ترا عادي الحين بيطلع
حمد:وديمه!
وديمه لفت شيلتها عدل و عقب خذت أدويتها و راحو السياره
وديمه:حمد ابا قهوه
حمد:قولي حق خدامتكم تسويلج
وديمه:ابا كوفيييييي
حمد:بوصلج البيت و بطلع مع ربعي
وديمه:الله يخليك حمد
حمد:لا
وديمه:عشاني
حمد:انزين بس عشانج
يابلها كوفي و ردت البيت و سيفو كان يتريها
سيف:انتي وين كنتي ليش رايحه مع حمد امي و ابوي يعرفون؟
وديمه:شو ها تحقيق؟ و هي امي و ابوي يعرفون ف اذلف احسلك
سيف:ليش سرتي وياه؟
وديمه:أدويتي مال البشره خلصت رحت اخذ زياده و ساره كانت مشغوله وقوم عمو و عمي طالعين
سيف:مره ثانيه-
وديمه:سير ول.مشت عنه و راحت حجرتها عقب بدلت و نامت
اليوم الثاني كانت الساعه 6 الصبح حصه كانت تجهز ريوق العيال
راشد:بسير بقوم العيال
راح راشد حجرت سيف اول شي
راشد:شيف نش يلا وراك جامعه
سيف:ماما ابا اغيب انتي كلا تخليني اداوم ماتخليني اغيب
راشد:ي حمار أنا مب امك و انته جامعه مب مدرسه قوم يلا
سيف فز من رقاده و ركض عل حمام سيف امفهي الصبح
راشد سار حجرت وديمه
راشد:وديمه يلا مدرسه
وديمه:اباااااااااااا ابا ارقدددد كانت تحن علئ ابوها
راشد:اوهو يلا خذلك قومي احسلج
وديمه:خمس دقايق
راشد:وديمه هاتي تلفونج
وديمه نشت و راحت الحمام علئ طول
ريان طلعت من الصبح حق الجامعه
راشد راح يقوم هند
راشد:هنوده بابا يلا قومي
هند:انشالله
المهم لبسو و نزلو تحت و كانو ياكلون هند تاكل كورنفلكس وديمه تاكل توست و لبنه و سيف ياكل توست و جبن
سيف:امايه اليوم سوو عل غداء عيش و لحم
وديمه:لا لا لا سوو عيش و دياي
هند:أنا ابا عيش ابيض و روب
رشاد:كل يوم لحم و كل يوم دياي سووي سمج
حصه:لا والله؟ جايفني طباخه عندكم؟ يلا مناك أنا اليوم بسوي عيش صيني جفته ف تيك توك
وديمه:احح الوالده عندها تيك توك
حصه:طبعا المهم سيف وصل خواتك
سيف:مشغول-
راشد:اسمع كلام امك
سيف:انشالله يلا اركبو

-عند اهل حمد-

ساره:حمد و حمدان قومو بابا معصب قومو
حمد و حمدان قامو بسرعه و سارو يتجهزون
امنه:بسمالله بلاكم؟
ساره:قلتلهم بابا معصب و أنا جذابه بابا طالع راح الدوام بس هم م يبون ينشون لوعو جبدي المهم وراي جامعه يلا باي
امنه:باي
حمدان:أما اما وين غترتي؟
حمد:وين كندورتي؟
امنه:ف حجرت الغسيل
ميثه:امايه وين شيلتي؟
امنه:حجرت الغسيل
المهم وديمه و ميثه كانت عندهم حصت فراغ كانو قاعدين يسولفون
ميثه:وديمه تعرفين انه كل حد يقول انج ل حمد و حمد لج بس ليش احسج ماترتاحين يوم حد جي يقول انتي تحبينه ولا؟
وديمه:ماعرف ميثه والله ماعرف و أصلا توني 16 لاحقه عل حب و زواج
ميثه:بعد صح هل ويكند بنسير مزرعه
وديمه:هي اعرف اخيرا صارلهم شهرين يخططون المشكله بنروح يومين و بنرد
ميثه:ههههه

البارت الي عقبه بتجوفين شو استوا ف المزرعه