حب بدأ من الطفوله....

Part: 7

ف قاعه الريايل:

وصلت محادثات لسيف من رقم مب مسيف ان وديمه تكلم واحد وسيف اول ما شاف المحادثات عصب و كان بينفجر بس سكت عشان ما يخرب عرس اخته

عند الحريم :

دشت ريان و كانت وديمه تمشي وراها و تعدل فستانها و كانت كل الأنظار عليهم و وريان توترت وأيد بس كانت وديمه تحاول تهديها وصلت الكوشه و بدو الناس يسلمون عليها و يباركون لها و بعد 45 دقيقه قالو ان المعرس بيدش حطو الشيله البيضه (ماعرف اسمها)حطوها على ريان و الباقين لبسو عبيهم كانت ريان وأيد متوتره دشو الريايل و الي دشو كانو : حميد ، راشد ، حسين ، خالد ، سيف ، صقر ، سعود ، ذياب ، خليفه
اول ما دشو باس صقر راس ريان وعقب وقف صوبها و قعدو الباقين يسلمون عليهم و يباركون و يوصون صقر على و ريان و طلعو و تمو صقر و ريان و الحريم و جي
همس صقر لريان: مبروك
ردت ريان و هي متوتره : ء الله يبارك فيج
صقر : الحين أنا استويت الله يبارك فيج
ريان: بالغلط و نزلت رأسها من المستحى
ضحك صقر : عادي شوفيج حطاج ف عيوني صواب
ابتسمت ريان و تمت ساكته
وديمه:اميه ابا اعرس
حصه:جب اقول جب
و خلص العرس و ردو بيوتهم

ف بيت راشد:

دخل سيف على وديمه و هي تمسح مكياجها
وديمه: بسم لله بلاك جي داش ،ماتعرف ادق الباب ترا حجرت بنت
مسكها سيف من شعرها و قالها :وين فونج
كانت وديمه مصدومه و قالت و هي تتألم:ف الشنطه ليش
تم ماسكنها من شعرها و سحبها للشبريه و طلع فونها من الشنطه و قالها :افتحيه
انصدمت وديمه و صارخت: ايي فج شعري شو تبا فيني
دشو راشد و حصه من منظرهم
و على طول راح راشد مسك سيف من ايده و قاله : سيف نزل ايدك
نزل سيف ايده و قال راشد : بلاكم تضاربون وسيف منو سمحلك تمد ايدك على أختك
سيف : خل تفتح فونها
وديمه : ومنو أنت عشان افتح لك فوني
راشد : وديمه سكتي وأنت شو تبا ف فونها
طلع سيف فونه من جيبه و راوه أبوه المحادثات الي وصلت له وانصدم راشد ما توقع وديمه جي بتسوي
استغربو حصه و وديمه من رده فعله
حصه : راشد شو مستوي شو شفت
مسك راشد شعر وديمه أقوى عن يوم سيف كان ماسكنه وانصدمت وديمه و نزلت دموعها من الألم
راشد وهو معصب : فتحي فونج بسرعه
حاولت حصه تفتح شعر وديمه لكن م رامت
راشد : فتحي بسرعه
وديمه وهي تصيح : انزين هد شعري
صارخ سيف : فتحي
حصه :سيف لا ترفع صوتك احترم نفسك
فتحت وديمه فونها وعطت أبوها
راشد : سيف شوفه
في هالوقت سارت حصه دقت على امنه

عند امنه

قامت تشوف منو يدق في هالوقت وشافت حصه و ردت
حصه وهي تتكلم بسرعه : امنه امنه
امنه انصدمت : حصه!! بلاج شوي شوي تكلمي شو مستوي
حصه وهي تحاول تمسك دموعها : بسرعه خلي حسين ايي بيتنا بسرعه
امنه : ليش شو مستوي ؟!
حصه : الله يخليج بسرعه راشد بيذبح وديمه
انصدمت امنه : تمام الحين بكلمه و سكرت

عند حسين :

دشت وهي مرعوبه و تصارخ : حسين حسين بسرعه قوم سير بيت راشد
راشد وهو نايم : همم شو فيج
امنه تصارخ : حسين قوم بسرعه راشد بيذبح وديمه !!

كان حمد واقف برع وانصدم دش غرفه أمه بسرعه
حمد: شو مستوي ليش عمي راشد بيذبح وديمه و سيف وينه عنهم
امنه : ماعرف ماعرف دقت حصه وقالت خلي ايي بسرعه
قام حسين و لبس بيطلع وقفه حمد
حمد: أبويه تريا بي وياك
حسين : بسرعه ماشي وقت
وطلعو من البيت

في بيت راشد :

لبست حصه شيله الصلاه لأنه في أي وقت بي حسين
دق حسين الجرس و سارت حصه بسرعه تفتح الباب
حسين : وينهم وشو مستوي!! ليش راشد يبا يذبح وديمه
حصه : ماعرف سيف راواه شي و ثنينهم معصبين فوق في غرفه وديمه طلبك الحق عليهم
راحو فوق و انصدمو حسين و حمد من المنظر
راح حمد مسك سيف : سسييف تراها اختك مب زين تضربها
سيف يحاول يخلي حمد يهده : حمد ما يخصك اطلع برع اطلعع
حمد: كيف ما يخصني يعني أخليك تذبح اختك
سيف : أنت قلتها اختك يعني ما يخصك
طلع حمد سيف و حسين طلع راشد و قفل الباب و تمو هو و وديمه ف الغرفه
حسين: وديمه عمي قوليلي شو مستوي ليش جي أبوج و اخوج يضربونج
وديمه و هي ترمس بصوت مقطع : والله ماعرف كنت يالسه دش علي سيف معصب و مسك شعري عقب يا بابا و سيف راواه شي ف فونه و يلسو يضربوني والله ما سويت شي والله
حسين: خلاص انزين انتي ابلسي هني فالغرفة ولا تطلعين أنا بكلمه
وديمه : ان شاء الله بس والله عمي ما سويت شي
حسين : أنا مصدقنج لا تحاتين خلاص نامي و ارتاحي وطلع من الغرفه

برع الغرفه

راشد : قوم خلني اذبحها قوم
حسين :راشد ايلس خلنا نتفاهم
راشد : شو نتفاهم أنت ما شفت سواد الويه الي مسوتنه بنت *******
حسين : راشد تعوذ من بليس هاي بنتك قولي شو مستوي
راشد : شو مب مستوي بنت ******* ترمس واحد
أنصدم حمد جنه حد صب عليه ماي بااارد وقام طلع
حسين : وأنت كيف عرفت سمعت منها؟
سيف : شو يسمع الي وصل يكفي سودت ويهنا
حسين : سيف اسكت ما كلمتك
سيف : وأنا كل ما تكلمت سكتوني ما بسكت هاي اختي ولازم اربيها
حصه : سيفوه ارمس عدل أختك أنا ربيتها احسن تربيه
راشد : ونعم التربيه الصراحه كله من دلعج آخر شي سارت ترمس واحد
حسين : راشد عيب هاي بنتك اسمع منها قبل ما تسمع من الغريب وبعدين منو الي طرش الكلام
سيف : ماعرف رقم غريب
حسين : وأنت مني و الدرب تصدق الغريب
ايلسو و باجر بنتفاهم و خلو البنت ترتاح البنت تعبانه و أنا بنام عندكم اليوم و باجر يصير خير
دق حسين على حمد : الو حمد أنا بنام هني لا تترياني
حمد: أبويه صدق الي مستوي ولا ترا أنا أبا البنت بس أترياها تتخرج
حسين: نحن وين وأنت وين ماعرف باجر بنسألها وروح لا تترياني
حمد : ان شاء الله تأمر على شي
حسين : سلامتك مع السلامه