حب بدأ من الطفوله....

Part: 13

سيف:"ابا اسألك سوال بيكون شوي خاص بس ابا ترد علي بكل صراحه مابسوي شي بس ابا اعرف"
حمد:"ها قول بلاك اسال انته ولد عمي انته معاي من و أنا ياهل قول لا تستحي"
سيف:"انته تحب؟"
حمد انصدم و سيف لأحض ع ويها
سيف:"هي صح؟"
حمد:"هي ماقدر اجذب عليك صراحه هي"
سيف:"منو"
حمد بند تلفونه و قال
حمد:أنا و سيفو بنسير بنيب ثلج حق الديو و بني صبر
حمد سحب سيفو و راحو المطبخ محد كان هناك و قاله
حمد:انته قلت مابتسوي شي ولا بتقول حق حد صح؟
سيف:اكيد
حمد:انزين احلف
سيف:والله
حمد:احب...احب وديمه جوف احنا ماعندنا ارقام بعض ولا سناب ولا شي بس ياخي احبها حبيتها من أنا صغير و الكل يقول انه نصيب حمد وديمه من احنا صغار ياخي احبها و شاريها و يوم بتخلص مدرسه و بتوظف بخطبها أنا ماكلمها و إذا تبا تجوف تلفوني خذ
سيف انصدم:لا مابجوف أنا واثق فيك و انته ريال بس انته تحب وديمه اختي؟
حمد:هي
سيف:جوف أنا مابسوي شي ولا بقول شي بس يعني لا تخلي الاهل يشكون فيكم ولا بتبدون مشاكل..صبر انته كنت اطالع ودوم مب ميثه صح؟
حمد:هـ-هي
سيف:خروف انته؟
حمد:شو خروف اقولك احبها احبها مابا غيرها مابتزوج غيرها
سيف:و إذا هي ماتباك
حمد:هـ-ها؟ هي عندها حد غير تبا تتزوج؟
سيف:لا بس إذا هي ماتباك
حمد:برد اخطب عشر مرات لين ماتمل و توافق
سيف:اويه اويه أويه إذا اول كم مره قالت مابا خلاص اذلف
حمد:ماقدر ياخي هي خذت قلبي خ ترده إذا ماتبا بس لا ترده مكسور

في بيت راشد تحديدا غرفه وديمه :

دق الباب سيف و دش
سيف : ودوم !!
وديمه : هلا
سيف : قولي الصدق في شي بينج و بين حمد
وديمه : لا والله سيف شو بيكون بينا مثلا أنا ما أشوفه إلا أخوي
سيف: متاكده!! لأنه أنا أشوف نظرته لج غير
وديمه : سيف شو بيكون بينا يعني و بعدين أنا شيخصني فيه أنا ما أشوفه إلا اخوي هو كيفه
سيف : تمام وطلع

اليوم الثاني عند ريان و صقر :

ريان : حبيبي
صقر : عيونه
ريان : شو رأيك نسير نتغدى ف بيتنا اليوم
صقر : والله مادري الي تشوفينه
ريان: تما بكلم ودوم دقت لوديمه
ريان : الو ودوم
وديمه بصوت كله رقاد : ها فيج شي !!
ريان : شو أنتي نايمه ؟؟
وديمه : هيه شو تبين
ريان : قومي و قولي حق ماما بني نتغدا عندكم اليوم
وديمه : تمام حياكم
ريان : الله يحيج و بندت
قامت وديمه خذت شاور سريع و طلعت مخور حلو فيه فصوص و تمكيجت شوي و طلعت
وديمه : صباح الخير
كلهم : صباح النور
وديمه : امايه ريان تقول بيون اليوم يتغدون عندنا حسبي حسابهم
حصه :حياهم وقامت تجهز الغدى
وديمه : بابا شو رأيك نسير موسكو فالاجازة
سيف : لا لا خل نسير باكو
وديمه : لا شو باكو شوف تيك توك كله موسكو حلوه
راشد : خلاص بنسير موسكو
قامت وديمه راحت تساعد أمها
سيف : ليش أبويه باكو احلى
راشد : خلها عشان نراضي أختك مسكينه
سيف : انشالله

الظهر وصلو ريان و صقر عالغدى:

وديمه: ريان فالاجازة بنسير موسكو ما بتون ويانا
ريان: لا نحن بنسير سويسرا
راشد : أنا بكلمهم كلهم بقولهم نسير كلنا مع بعض
وديمه : وناسه يعني ميثوه بتكون وياي
سيف : يعني منو بيكون معاج حمد !!
وديمه : ايهه احترم نفسك عيب
راشد : كلو لا تسولفون
كلهم : ان شاء الله