حب بدأ من الطفوله....

Part: 16

حمد كان يتمشئ برع خذتلها ماي و يوم كانت بترد داخل اصطدمت ف حد كان حمد الشيله طاحت و الماي طاح و الزراع كان يطالعهم
حمد علئ طول شل شيلتها و غط شعرها و همس ف أذنها
حمد:تعرفين اني اغار عليج و لازم تراوين الزراع كشختج؟
وديمه استحت و نزلت راسها
حمد:ليش تنزلين راسج ابا اجوف ويهج القمر حرام الريال يجوف ويه حرمته
وديمه:اويه حمد أنا لا حرمتك ولا خطيبتك
حمد:شو يعني؟ عادي ترا بس تراج بتكونين زوجتي عايبنج عايبنج مب عايبنج كيفج بس جي ولا جي بتكونين زوجتي
وديمه:انزين قوم لا حد يزخنا
نش حمد و قامت ودوم شلت الماي و لبست شيلتها قصتها طالعه
حمد:دخلي شعرج
وديمه:خلاص الحين بسير داخل
حمد:في اولاد
وديمه:شو يعني عيال عمي و عمتي
حمد:دخلي شعرج و خلاص
وديمه طنشته و راحت داخل عند البنات و كملت سوالف و ضحك وياهم
فليل حمده(يدتهم) قالت انه خ ييلسون برع يسولفون البنات لبسو شيلهم و طلعو و قعدو برع صقر و ريان عند بعض ماسكين اييد بعض🫠
حمدان:ريان و صقر تنصحوني بزواج؟
صقر:ع حسب إذا انت تبي بنت و شاريها شو تتريا؟ سير دق باب بيتهم لا تتريا ماتعرف يمكن حد غيرك يخطبها و تقبل
ريان:صح لا تيلس تلعب و مادري شو سير أخطبها
حمده:حمدان كم عمرك؟
حمدان:20
حمده:توك صغير
حميد(اليد):هي صح اترياه توك متوضف صارلك شهرين
حمدان:انزين ترا بدش 21 شهر الياي
حمده:العمر كله
حمدان:بس صج تحسون اخطب عقب اتريا سنين و اعرس؟
صقر:جوف انته تراك صغير اترياه منو بتخطب وحده توها متخرجه؟ مايستوي اتريا البنت يمكن تبا تدرس تتوضف عقب يمكن تفكر بزواج انته بعد وراك دراسه و وضيفه اتريا
ريان:اذا البنت الي ف بالك تحبك مابتقبل ب غيرك
ميثه:صبر صبر صبر ناوي تخطب؟!
حمدان:انتي شو تبين
ميثه:يدوه جوفي حمدان
حمده:ياخي انتو بلاكم اليوم؟
حميد:سارو مب ناويه تعرسين؟
ساره:مب اييدي شي الريال يخطب البنت ماتقدر تسوي شي هو يخطب
حمده:خلها كيفها ساره حبيبتي انتي وراج دراسه خلصي و نصيبج ببيي صدقيني
الكل عرف انه ريان حامل
حميد:شحال الياهل ريان
ريان:الحمدالله بخير قبل امس سرت العياده و قالو انه كل شي زين
حميد:الحمدالله
روضه:ريان انتي مب زعلانه من صقر؟
ريان طالعت صقر و هدت اييده
ريان:جب اسكت لا تتكلم
صقر:الله يسامحج روضه
روضه:ههههههه
عليا:طع هاي
حمده:هاي روضه ادور مشاكل
روضه:ياخي يدوه
حمده:جب ولا كلمه
روضه:يدي دافع عني
حميد:أنا بروحي اخاف من حمده
حمده:لا والله؟! جب اقول بس جب صح حمد انته الحين ف جامعه ماشالله عليك لازم أتذاكر و تحصلك وضيفه و اخطب
ودوم كانت امطنشتنه لنها متنرفزه منه
حمد:انزين يدوه دوريلي وحده ابا من ذوقج
وديمه:خير؟!
ميثه و ريان و سيف و حمدان و ساره ضحكو
حمده:وديمه انتي بعد تبيني ادورلج واحد؟
وديمه:هي يدوه ابا واحد جهزيلي واحد عشان اول ماخلص الثانوي اعرس
حمده:لا مافي زواج من الصغر اتريا ادرسي ف جامعه و يصير خير زواج او خطبه تحت 20 مافيه
وديمه:أنا موافقه ب رايج يدوه
حمده:شاطره فديت الي توقف ويا يدتها
وديمه:فداج يدوه
حمد:نعم نعم؟!!!
ضحكو الجنقل مره ثانيه
وديمه:اسكت انته
حميد:وديمه و حمد بلاكم ع بعض؟
وديمه:ولاشي يديه
حمد:سلامتك
حمده:جوفو أنا اقول انه حمد ل وديمه و وديمه ل حمد من انتو صغار احنا جي نقول تقدرون تتزوجون ؟ تراكم مب مغصوبين ماتبون براحتكم
وديمه:والله عاد يدوه أنا توني 16 مافكر بزواج حاليا
حمد:توني داش الجامعه أنا بعد مافكر بزواج
طبعا هم جي قالو جدامهم بس من داخلهم مستحين و مستانسين
حميد:عليا هاي آخر سنه صح؟
عليا:هي و انشالله اتخرج من الثانوي
حمده:بيونج خطاب علئ طول
عليا:هههه بس أنا أفكر بدراستي عقب زواج الحين دراستي مهمه ابا اتوضف
حميد:كفو
عليا:أعجبك يدي
ريان:يوعانه
المهم كل حد كان يوعان و يبا من مكان حمده و حميد راحو يرقدون خلوهم
الي طلب و الي راح ييب اكله وديمه و حمد سارو يبولهم من مطعم م يوصل بيت يدهم
حمد:زعلانه؟
وديمه:طبعا زعلانه شو الي هي يدوه دوريلي وحده
حمد:انتي بعد اونه ابا واحد من ذوقج و يوم قالت زواج او خطبه و عمركم تحت 20 مافيه و انتي اونه اتفق وياج يدوه شو سلامات
وديمه:جب انته منرفزني انته بديت
يلسو يتناقرون خذو الاكل و هم رادين بيت يدهم كان صمت
حمد:ودوم
ماردت
حمد:وديمه
ماردت
حمد:قلبي
ماردت بس استحت
حمد:حبيبتي
استحت و نزلت راسها
حمد:انزين زوجتي
وديمه:خلاص اسكت ويهي استوا احمر شو تبا؟
حمد:بس ابا اقولج اني احبج
وديمه:أنا بعد
حمد:انتي بعد شو؟
وديمه:انته قلت احبج قلت أنا بعد
حمد:انزين قوليها ابا اسمعج تكفين ودوم
وديمه:ا-احبك
حمد:اموت فيج قلبي
المهم وصلو كلهم ف صاله قاعدين ياكلون
كل حد ياكل من مطعم
ريان:ابا سوشي
صقر:مب زين انتي حامل مايستوي تاكلين شي مب مطبوخ
ريان:انزين أنا متوحمه عليه شو اسوي؟
صقر:ريان حبيتبي كلي خلصي الله يخليج عشاني
ريان:مابا
صقر:عشان البيبي
ريان:اف خلاص اوك
كانو يطالعون فلم و وديمه حاطه راسها ع كتف سيف و حمد يالس يطالع و هو غيران ميثه ضربت حمد ع اييده و قالت ب صوت خفيف
ميثه:عيب شو فيك اطالع وديمه اخوها عادي ترا
حمد:لا مب عادي هاي بس خ تتريا يوم بتزوجها
ميثه:بلاك واثق انها بتقبل
حمد:مب ع كيفيها
ميثه:فضيع اسكت
ودوم سمعتهم
وديمه:شحقه تسكتينه؟
ميثه:كريه
وديمه:حرام عليج كل دقيقتين تسكتينه
ميثه:و أنا شو كل شوي ميثه جب ميثه اسكتي ياخي تقهرون
حمدان:تكلمي عدل
ساره:ميثه بلاه قلت ادب
ودوم سارت برع و قعدت ف الحديقه بروحها بعدين حمد ي و قعد صوبها
حمد:ودوم حبيبتي شو فيج؟
وديمه انهارت صياح
وديمه:سمعت انه في واحد ناوي يخطبني اخاف ابوي يقوله خذها
حمد انصدم:شو تنخطبين أنا بتتزوج أنا بس محد غيري
وديمه:يبا يخطبني اول ماخلص دراسه
حمد:أصلا يديو قالت زواج تحت 20 مافي صح انه القرار عند البوه و البنت بس ياخي ودوم لا تقبلين تكفين ودوم حبيتبي الله يخليج
وديمه:اكيد مابقبل أنا أحبك و اباك مابا حد غيرك
حمد مسح دموعها و هو قلبه مكسور
حمد:خلاص قومي سيري داخل بتبردين الحين شتاء
ودوم سارت داخل
روضه:خ نلعب شي
ريان:صقر
صقر:عيون صقر
روضه:اويههههه
وديمه:هههههه
عليا:اخيج
محمد:بدينا ب المصاخه
سيف:سلامات تتغزلون جدامي هاي اختي ترا
عليا:سلامات اخوي ترا
سيف:جب انتي كريها
عليا:اختك
وديمه:نعم؟
صقر: مب عليا مارضى ع ريان
وديمه:و أنا شو زباله؟
حمد:مارضى ع بنت عني ارتحتي؟
وديمه استحت:اسكت
ميثه:كلكم جب بنلعب لو خيروك حد بيسأل شخص سؤالين و هل شخص يختار واحد و يجاوب عليه
كلهم:تم
بدو يلعبون
ريان:ساره
ساره:عيونها
ريان:فديتهن
صقر:سلامات؟!
ريان:اسكت المهم سارو لو خيروج تقولين اسم شخصين زينين مع بعض او تقولين اسم الولد الي تحبينه
ساره:بختار اول واحد طبعا انتي وايد نشبه تبيني اعرس و تفتكين مني؟ المهم شخصين زينين مع بعض حمد و وديمه صراحه من هم صغار و احنا نقول انهم لبعض ف احس بيكون كيوت
وديمه و حمد استحو
المهم كملو لعب
سيف:حمدان لو خيروك تاخذ سيارت أحلامك ولا تاخذ فتات أحلامك
حمدان:سياره طبعا مب ناوي اعرس و ماعندي وحده اباها الحين
ساره:سلامات شو سيارت أحلامك اهم عن زوجتك؟
حمدان:اقول جب أنا توني متوضف صارلي شهرين اسكتي اقول
حمد:وديمه
وديمه:هلا
حمد ابتسم:لو خيروج تتزوجين من برع ولا داخل العائلة
حمدان:احس من برع احسن
روضه:هي احس داخل العائله مب شي
صقر:امبلا شي
ريان:إذا تحسون تقدرون تكملون معاهم بدون طلاق عادي عيل احسن بدال ماتزوجون الغريب
عليا:احس برع احسن
محمد:حتئ يدوه و يدي يقولون خذو من برع احسن
وديمه حست بضيق
سيف و حمد لاحظو عليها
سيف:اسكتو حمد سال وديمه صح انتو م يخصكم
وديمه:والله عاد ع حسب نصيبي ماعندي اختيار
حمد زعل حس انها هي بعد مب عايبنها من العائله عقب ماهاييل تفلسفو
حمد:اوك....
ميثه:شو رايكم نجوف فلم رعب؟ حمد جوكككك
كلهم:يلا اوك
بندو ليتات الصاله و فتحو الفلم الي متلحف و الي ياكل و الي متحمس و الي خايف و الي ع تلفونه مب متفيج حق شي صقر مسوي عمره سوبر مان بينقذ ريان ماسكنها و ريان م تفيجت تقول شي
وديمه و ميثه قاعدين عند بعض و حمد جريب منها قاعد ويا سيف
للمعلومه انه ودوم ماتحب افلام الرعب تخاف
المهم كانو يطالعون لين فجه طلعلهم jump scare
وديمه صارخت و ميثه و ساره و محمد و حمد خافو من صرختها صارخو معاها وديمه ماحست بس خشت ويها عند كتف حمد و هو استحئ بس ماقال شي
جان فجه حد نزل تحت
...:ليش كل هل حشره؟!
كلهم صارخو
حمده:ويعه اسكتو مزعجين ابا ارقد!!!!!
وديمه كان باقي تنقز ف حضن حمد ههههه
حمد مسك اييد وديمه من تحت اللحاف وديمه استحت و ويها استوا احمر و يها ف كتف حمد
حميد:انتو اي بسكم حشره...منو هاي الي خاشه ويها ف كتف حمد
كلهم ناظروهم
وديمه استحت و خوزت ويها و سيف تنرفز منها و لو ابوها عرف ياويلها
سيف كتبت حق ودوم ف سناب
سيف:"مصختوها انتو الاثنين ترا"
وديمه:"سيف والله ماحسيت ياخي اخاف من هل افلام بس استحيت اقولكم يعني"
سيف:"لو ابوي عرف انتي و حمد بتموتون"
حمد بعده كان ماسك اييده وديمه بس محد كان يقدر يجوف
حميد:ودوم حبيبتي بلاج؟
وديمه:يدي خفت حاطين فلم رعب و أنا اخاف عقب يدوه يت خوفتنا
حمده:بسكم حشره
حمده و حميد راحو يرقدون و عليا و روضه بعد سارو و حمدان طبعا لازم يرقد 13 ساعه ف اليوم هههههه
تمو ريان صقر وديمه حمد سيف و محمد و ميثه
كلحد رد يجوف الفلم حمد همس ف أذنها
حمد:فديت الي خافت
وديمه استحت و ابتسمت
وديمه:انته عايبنك اني خفت؟
حمد:لا طبعا بس ضحكتيني
وديمه:جب
حمد:ودوم
وديمه:هلا
حمد:احبج
وديمه:.....