حب بدأ من الطفوله....

Part: 9

وديمه:ماحس ابا انزل قول حق ميري(خدامتهم) تيبلي اكل
سيف:انشالله
راح سيف و قال حق الخدامه و يابتلها اكل و ديو كلت شوي و شربت ديو و نزلت تحت عشان تحطي الصحن ف المطبخ جافوها انها مب ماكله وايد
حصه:وديمه اميه شو ماكله لقمتين؟
هند:وديمه كلي مب زين بتتعبين وراج امتحانات
وديمه:والله مالي نفس زين مني كليت
حسين:بس قدرتي تشربين الديو صح؟
وديمه ضحكت شوي و قالتله:هي
حسين:اخيرا ضحكتي دوم انشالله
راشد:وديمه كلي زياده
وديمه:مالي نفس المهم بسير حجرتي بذاكر
راحت فوق و طلعت كتابها بس ميثو دقت عليها
ميثه:الو ودوم صج الي سمعته؟
وديمه:شو؟
ميثه:حمد قالي انه اهلج حد طرش ماحدثات وصخه و انج انتي مكلمه واحد جي تقوليله و طرشو حق سيف و سيف خبر عليج و ضربوج؟
وديمه:منو قالج؟
ميثه:حمد
وديمه:فضيحه ياخي اخاف الموضوع يوصل حق عماتي
ميثه:لا ماعليج سكته بس صج استوا؟
وديمه:هي بس أنا مايخصني أنا ماكلم حد و انتي تعرفين حتئ سنابي و انستا مالي عندج بس صج زعلت انه اهلي ماوثقو فيني و ابوي الي ولا مره مد اييده ع حرمه مد اييده علي
ميثه:واي كسرتي خاطري بس ابا اعرف منو هل تيس الي طرش حق حمد ؟
وديمه:واحد كان يكلمني انستا و و يغازلني ابلكه و يكلمني من حساب ثاني احس انه هو الي طرش حق سيف
ميثه:واي قلبي بعد سيف وايد جايف نفسه يي يضربج بس اهم شي يوم حمد دافع عنج
وديمه:أقولج أنا كنت ميته صياح ولا انتبهت انه هو دش و ماكنت لابسه شيلتي ولا عباه بس بجامتي كانت ساتره
ميثه:اويه حمد غبي بس بدونه جان سيف ذبحج
وديمه:هي فديته
ميثه:منو سيف؟
وديمه:لا خسي حمد طبعا
ميثه:واي الله متئ بتعرسين انتو الاثنين؟
وديمه:انه احبه بس ماعرف إذا هو يحبني او لا
ميثه و ساره و ريان يعرفون انه حمد و وديمه يحبون بعض بس ماقالو حق حمد انه وديمه تحبه ولا قالو حق وديمه انه حمد يحبها
ميثه:اها تبيني اساله؟
وديمه:لا طبعا بتفضحيني
ميثه:كيفج المهم الحين شو تسوين؟
وديمه:ماعرف بس احس بتعب و ضيق و ورانه امتحانات راسي يعورني و اهلي مايصدقوني و ماعرف شو اسوي
ميثه:ليش تعبانه شو فيج؟ سيري كلي
وديمه:مالي نفس والله كليت شوي بذاكر عقب بنام
ميثه:اوك يلا عيل باي
وديمه:باي
بندو الكول و بدت وديمه أتذاكر عقب خلصت صلت و يوم يت ترقد تميت اتصيح منقهره من الي قاعد يستويلها ماكانت تاكل ولا تشرب ماي و بدت تحس بدوخه اول شي اتجاهلت الموضوع و نزلت تحت عشان تشرب ماي و هي نازله مرت من عن الصاله عشان تروح المطبخ فجه يسمعون طخخخخ وديمه أغمى عليها و طاحت ع الارض راشد ركض و جاف وديمه شلها و صارخ
راشد:وديمه اغمئ عليها
حصه انصدمت دقت ع الإسعاف و راشد و سيف حاولو يقومونها وصلو الاسعاف و ودوها المستشفى حصه طول الوقت تصيح و تدعي انه بنتها تقوم بسلامه المعلومه ريان راحت شهر عسل و هي ماتعرف شو قاعد يستوي ف البيت المهم ترد حق وديمه دخلوها العنايه و حصه قاعده عند باب الحجره الي وديمه فيها و هي تصيح
سيف:امي مب زين عليج اشربي ماي
حصه:ماقدر بنتي....بنتي.... و بدت تنهار
راشد:هند وين؟
سيف:بيت يدي
حصه:بنتييييي ماقدر كملت صياح خايفه انه بنتها تموت و تهدها
راشد:ريحي ريحي اشربي ماي
حصه:مابا بنتي بنتي يمكن تموت بنتيييي
سيف دق ع حمد
سيف:الو
حمد:هلا
سيف:اهلين اقولك اسمع وديمه ف العنايه و اميه مب طايعه لا تشرب ماي ولا تريح امك مب يالسه ترد علي
حمد:وديمه ف العنايه؟! ليش شو مستوي؟!
سيف:ماعرف بس أغمى عليها المهم سير جوف هند ف بيت يدي ولا راحت مشي بيتنا و إذا حصلتها ف شارع ودها بتيكم
حمد:انزين يلا
بندو الكول و الدكتور طلع من الغرفه
حصه:دكتور بنتي وين؟ وينها؟ شو فيها؟ ليكون ماتت؟
دكتور:لا ماعليها شر بس اغمئ عليها و جفنا ايصابت ع جسمها و اغمئ عليها لنها ماكلت ولا شربت ماي و وايد ضغط عليها هي نشت و النرس قاعده تحاول تأكلها بس هي مب طايعه و إذا حد منكم يقدر يخليها تاكل زين ولا يمكن تتعب زياده
راحو الحجره الي وديمه فيها و جافو انها مب طاعه تاكل النرس جافتهم و استأذنت و طلعت و خلتهم وياها
حصه:وديمه حبيبتي كلي
وديمه:مابا.قالته بصوت تعبان
راشد:وديمه بابا كلي مب زين عليج توه اغمئ عليج
وديمه:ماقدر اكل ماقدر
سيف:وديمه كلي اميه قبل شوي كان بيغمئ عليها و هي تصيح انج ف العنايه تبنيها صج تتعب
وديمه:لا بس ماقدر اكل
حاولو وايد لين ماستسلمو
دق سيفو ع حمد عشان ييب ميثو
عقب 30 دقيقه حمد و ميثو يو وديمه لبست شيلتها
ميثه:ودوم كلي
النرس:اسفين بس هل غرفه بس 3 اشخاص من الزوار يقدرون يتمون فيها
سيف و راشد طلعو و حصه طلعت ماقدرت تجوف بنتها ف هل حاله بس تمو ميثه و حمد ف حجرت وديمه
ميثه:كلي
وديمه:ميثو والله مب قادره اكل
ميثه:يلا عشاني كلي
وديمه:فديتج بس مب قادره
حمد:انزين اشربي ماي
وديمه:ماقدر
حمد:تقدرين اشربي ودوم
وديمه:مب قادره حمد
حمد:انزين عشاني اشربي شويت ماي عشاني
وديمه استحت و مدت اييدها عشان تاخذ الماي حمد خذ دبت الماي فتحها و عطاها و هو مبتسم
ميثه:لا والله تسمعين كلام هل تيس و أنا لا؟!
وديمه:ميثو تكفين لا تصارخين عند أذني
حمد:ميثه اسكتي
ميثه:طع هاييل
وديمه شربت شويت ماي
حمد:كلي شوي
وديمه:مالي نفس
حمد:لو كليتي عقب بييبلج كندر
وديمه ابتسمت و كلت شوي
ميثه:تسمعين كلام هل تيس؟
حمد:م يخصج
ميثه:انزين جب ويت دقيقه انتي قلتيلي ذاكرتي بس ذاكرتي حق شو؟
وديمه:امتحان الفيزياء يوم الاثنين
ميثه:احلفي أويه أنا مب مذاكره
وديمه:غبيه
ميثه:بتغششيني صح؟
وديمه:لا
ميثه:اييييي والله مابغششج ف أمتحان الكيمياء
وديمه:خلاص بغششج بس اسكتي
ميثه:انزين
حمد:بعد تخططون تغشون
وديمه:شو نسوي بعد أنا ماعرف كيمياء و اختك ماتعرف فيزياء ههه
حمد:فديت الضحكه
كان مبتسم عقب استوعب هو شو قال
وديمه ويها استوا احمرررر
ميثه ضحكت عليهم
ميثه:بلاج ودوم
وديمه:شو مافيني شي بس تعبانه
حمد:سلامتج
عند راشد و سيف وصلو حصه بين حسين و راحو مركز الشرطه يقدمون بلاغ وقرر سيف يرافق مع وديمه لأنها بتنام ف المستشفى