حب بدأ من الطفوله....

Part: 19

خلصت ليلة الحنه كانو يصورون حمد و وديمه بعدهم
وديمه:فيني رقاد
حمد:مب نايمه؟
وديمه:بس رقت 3 ساعات
حمد:ليش؟
وديمه:من التوتر و....
حمد:و؟؟؟
وديمه:ال-ال-الحماس
حمد شك انه في شي غلط:فديت الي متحمسه تجوفني اتحنه
ميثه:ودوم صورته و هو يتحنه بطرشلج
وديمه:تم بحطيه خلفيتي
حمد:سلامات؟!
وديمه:الله يسلمك
ميثه:ههههههههه

خلصت الليله ع خير و قالو انه العرس بيكون بعد 3 شهور
عشان ودوم وراها امتحانات و حمد آخر سنه

-حجرت وديمه-
وديمه كانت أتذاكر كان يوم الخميس و تلفونها كل شوي تينق تينق كله مسجات

...:"تراني احبج و اباج حبيبتي اموت فيج"
وديمه:"ياخي خلاص قلتلك أنا متزوجه بس"
بلكته و تقريبا بعد ساعه رقم ثاني كلمها
..:"حبيبتي م ماقدر اعيش بدونج💋"
وديمه:"ماحبك حبك برص انزين "
بندت فونها و كل شوي يطرشلها مسجات غزل و حب و هي تسحب عليه طبعا محد يعرف عن الموضوع حتئ ودوم الحين ماتقول حق ميثه

-بيت حسين-
كانو يتغدون
حسين:باجر في عزيمه كبيره ف بيت يدكم دام الكل الحين عنده اجازه و الكل ف بلاد ف يدكم قال بيسوي عزيمه كبيره
امنه:كلنا لازم نروح اوك و حمدان إذا مهره اتاخرت عادي لازم تكشخ خلها
حمدان:اكيد بخليها عقب ماستوا آخر مره خلتني ارقد ع الغنفه بدون لحاف و مخده لنها كانت متنرفزه مني يوم قلتلها اخرتينا
مهره:كفو خالتي كفوو ادافعين عني
امنه:اكيد عيل اخلي هل حمار يلعوزج؟ خسي
حمد:هههههه
امنه:حمد حرمتك بتي؟
حمد:ماعرف ماكلمتها
حسين:ميثو شو رايج تعرسين الحين كم واحد تقدم و رفضتيه؟
ميثه:2 واحد من عيال عمي و واحد من الجامعه مابيه الي ف جامعه راعي بنات
امنه:انزين منو تبين؟ سيف؟
ميثه:اخيج لا اتوقع انه ناوي يخطب وحده بس مب متاكده. أنا و ودوم نسولف عن كل شي
حمد:شو تعرفين بعد؟
ميثه:م يخصك
حمد:قولي تراها حرمتي لازم اعرف
ميثه:لوء
حمد:شو لوء ارمسي عدل
مهره:مب لازم تعرف
حمد:انتي بعد تعرفين عنها؟
مهره:هي كم شي بس ترا أنا مب وايد قريبه بس اعرف كم شي
حمدان:مهاري حبيبتي بتقوليلي صح؟
مهره:لا طبعا
حسين:بس لاه احترمو النعمه
كلهم :انشالله

-يوم الجمعه بيت راشد-
وديمه:هند اثبتي كيف تبيني أمكيج؟
هند:انزين انزين
وديمه:أصلا ليش تبين تممكيجين مب من عوايدج
هند:بس جي عزيمه كبيره قلت ليش ماتكشخ
وديمه:اكيد حق عمرج و مب حق احمد؟
هند:كم مره اقولج ماحبه؟
وديمه:انزين انزين

-حجرت حمد ف بيت حسين-
حمد:شو ها كل شوي حد يطرشلي مسج من رقم غريب لاعت جبدي
حمد فتح فونه
...:"حرمتك تخونك و ماتباك"
حمد:شو هل تفاها
بند فونه و راح عند ميثه
حمد:ميثووووو ودوم صورتلج كشختها؟
ميثه:لا قالتلي قاعده اتكشخ هند
احمد:حق شو؟
ميثه:شعرفني بس يعني عزيمه كيفها تباه تكشخ
حمد:انزين يوم تصور راويني قالتلي مابصورلك بخليك تجوف ف بيت يدي اونه
ميثه:هي قالتلي و قالتلي لا تراوينه
حمد:اف عادي بسير عند مهره او سارو
ميثه:قلتلهم مايراوونك
حمد:صج انج كريها ابا اجوفها حرمتي ترا
ميثه:و؟
حمد:شو الي و؟ اف
حمد طلع راح حجرته و جاف بعد مسجات
..:"ليش مب قاعد اتصدقني انه حرمتك تخونك؟"
حمد بلك الرقم و راح اتجهز حق العزيمه