المس : من اول الامتحان تغشون والحين أونه كوركتر
ميثه : هيه كانت تبا كوركتر
المس : خلاص أنا ما بمتحنكم
وديمه : مس الله يخليج لا
المديره : مس خلينا بروحها شوي
المس : لا أنا أباج تكلمين اهاليهم عشان يعرفون يربونهم مب ايبونهم و يعقونهم
وديمه بعصبيه : احترمي نفسج أهالينا مربينا
المس : واضح
ميثه : إنتي لو متربيه ما بتقولين جي بس أنتي حتى مب متربيه
المديره صارخت : مس على مكتبج وأنتو الاثنين بدق حق اهاليكم
طلعت المس و دقت المديره لراشد
المديره : الو سلام عليكم بو وديمه
راشد : وعليكم السلام هيه شو مستوي
المديره : بنتك قلت أدبها على المس ولازم اتي المدرسه
راشد : إن شاء الله وسكر
المديره : الحين بدق حق اهلج ميثه
ميثه ببرود : دقي أنا ما سويت شي غلط
دقت المديره و قالتله نفس الكلام و سكرت
بعد نص ساعه وصل أبو وديمه
راشد :السلام عليكم
المديره : وعليكم السلام تفضل لين ايي أبو ميثه
راشد : أبو ميثه اخويه !! شو مسوين البنات
المديره : يوم بيي بتعرف
يلس راشد وكان يطالع ميثه و وديمه بنظرات تخوف شوي عشان يخافون
همست ميثه لوديمه : اقولج أبوج ليش جي يطالعنا خوفني
وديمه : سكتي اخاف يهزبني
ميثه : لا ما أتوقع
شوي ودش ابو ميثه وقالت لهم السالفه المديره
ميثه : نحن ما سوينا شي غلط هي الي غلطت علينا
حسين : ميثه انجعمي
ميثه : ان شاء الله وهمست لوديمه : اقولج شكلهم بيهزبونا
وديمه : لا بس جدامها
المديره : أنا مطره افصلهم يومين
وديمه : وامتحاناتنا و امتحان الفيزيا الي ما سويناه
المديره : بكلم المعلمات يوم بتداومون يعيدون لكم الامتحان
راشد : يلا ميثه و وديمه هاتو أغراضكم
ميثه و وديمه : ان شاء الله
وهم رايحين الصف
وديمه : اقولج تتوقعين يهزبونا
ميثه : لا امشي امشي بس
طلعو من المدرسه في سياره راشد
راشد : وديمه صدق الي قالته
وديمه : هي بس يرضيك تغلط على تربيتك انت و عمي
راشد : لا بس مره ثانيه نحن الي بنتصرف مب انتو
وديمه : ان شاء الله
في سياره حسين
ميثه : اويه بابا تتوقع عمي يهزب ودوم
حسين : لا ودوم دلوعته مستحيل يهزبها بس بيرمسها
ميثه : انزين سو نفسه وخلني أنا دلوعتك
حسين :سكتي سكتي
ميثه : من عيوني يا عيوني
حسين : خليهم لج
ميثه : انزين بابا أنا أبا الطف الجو انت تخربه خلاص بسكت
حسين : احسن
ميثه : خلاص زعلت لا تكلمني
حسين : ان شاء الله
وصلو البيت كلهم العصر وديمه تكلم ميثه
ميثه : اقولج ودوم شو رايج نسير عن يديه و يدوه دامنا مفصولين
وديمه : صدق والله هناك بنيلس ويا يدي و يدوه
ميثه : انزين سيري كلمي أمج و أنا بكلم ماما باي وسكرت
راحت وديمه عند أمها و أبوها
وديمه : أنا و ميثه قررنا دامنا مفصولي نسير نونس يدي و يدوه نرقد عندهم
حصه : بتعورون رأسهم ايلسو مكانكم
سيف : حظكم والله
راشد : اسكت انت ودوم روحو أبويه و اميه يحبونكم
وديمه : انزين بسير اجهز أغراضي
أنت تقرأ
حب بدأ من الطفوله....
Lãng mạnالصوره هي صورت وحده اسمها اميره جوفو حسابها في تيك توك و انستا🤍👋 اعرف اني كاتبه غلط بس اكتب بسرعه و م اعيد اقرأه ف سامحوني 🥲 الروايه مخلصتنها من 2023 بس عادي فجاة اخليها برايڤت
