حب بدأ من الطفوله....

Part: 8

اليوم الثاني في بيت راشد :

قامت من النوم وهي خايفه تخاف تنزل و عمها مش موجود و اخوها يكمل عليها ف يلست في غرفتها ما طلعت عقب دقايق سمعت صوت ياي من برع تلحفت و سوت عمرها نايمه دقايق و تبطل الباب
حصه: وديمه اميه قومي عمج و أبوج يبونج تحت
وديمه: اميه ترا والله ما سويت شي انزين خل يقولون لي أنا شو مسويه
حصه: تعالي تحت و بتعرفين
وديمه:ان شاء الله

تحت :

نزلت حصه و وراها وديمه
سارت باست راس أبوها و عمها : صباح الخير
حسين :صباح النور
راشد: ايلسي
حسين:راشد شوي شوي عالبنت
راشد : بسألج سوال و جاوبي و يا ويلج إذا جذبتي كل شي موجود منو ها
وديمه : منو
راشد بعصبيه :تكلمي و قولي منو ها لا تجذبين
حسين : أبويه وديمه قولي الصدق إنتي ترمسين واحد
انصدمت وديمه : لا مستحيل والله ما ارمس حد
سيف : والمحادثات
وديمه :أي محادثات
عطاها سيف فونها : افتحيه
فتحت فونها و عطت سيف فتشه و ما حصل شي
سيف: ماسحه المحادثات!! فوق ما انج ما ترومين تجذبين ماسحه المحادثات ترا المحادثات كلها عني
وديمه : أي محادثه؟ محادثه شو
سيف :و تنكرين؟!!
وديمه : انزين راوني عشان صدق أقولك أنا ولا لا
عطاها سيف تقرا المحادثات و انصدمت من الكلام القذر الكلمات الي حتى ما تعرف معناها عطت سيف فونه وهي فحاله صدمه
سيف : بترمسين ولا
ما ردت
قام سيف و مسكها من أيدها و شد عليها : يعني صدق صح؟!!
ما ردت
مسكها راشد من شعرها ناوي يضربها بس هالمره حسين وقفه قبل ما يسوي أي شي
حسين : راشد تريا خل نسمع منها
راشد : شو نسمع ما ردت أكيد يعني المحادثات صدق
حسين : وديمه عمي تكلمي قولي شي
وديمه : والله مب أنا عمي والله
سيف: والمحادثات من وين!!!
وديمه : مادري أكيد مفبركه
راحت عند أبوها و مسكت ايده : أبويه أنا تربيتك والله ما أسويها والله
عقب راحت عند سيف : سيف أنا أختك أنت تعرفني والله ما أسويها و غلاتكم ما أسويها
حسين : مصدقينج بس قولي أنتي متضاربه مع حد فالمدرسه في حد ياذيج
وديمه : لا بس
راشد : بس شو
وديمه : في واحد ف أنستا ييلس يقول كلام حب و من هالخرابيط و كل ما إيني من حساب ابلكه
سيف يحاول يمسك أعصابه : وليش ما قلتي من البدايه
راشد : شو تترين يسوي بعد تستهبلين
حسين : هدو شوي شو فيكم أكيد ما كانت تعرف جي بيوصل الموضوع
وديمه : ما توقعت يستوي شي و بعدين كيف ياب رقم سيف؟!
سيف:والله ما اهده أنا براويه الهرم
حسين : لا تسوي شي القانون بيسوي
سيف : ان شاء الله
حصه:ودرو عنكم هالسوالف الحين و تعالو تغدو الغدى زاهب
قامو يأكلون و كانت وديمه ما تأكل
حسين : وديمه ليش ما تاكلين
وديمه: مالي نفس
راشد :إذا عن السالفه ترا أنا براويه
قامت وديمه : أكرمكم الله
حصه :كلي اميه ما كلتي شي
وديمه : بسير انام تعبانه وراحت
حسين : بو سيف ترا لازم تعتذر منها حتى لو هي ما بينت ترا حازه ف خاطرها أكيد حتى أنت سيف اعتذر منها
قام سيف بيروح يراضيها دق بابا غرفتها
وديمه : تفضل
دش سيف وحضنها استغربت بس ما تكلمت يلس سيف حذالها وقال :زعلانه؟
وديمه : لا ازعل من اخوي ما يصير
سيف :ترا ادري انج متضايقه قولي عادي
وديمه : لا مش متضايقه بس انقهرت ليش ضربتوني قبل ما تسألوني
سيف : اسف والله ادري إني غلطان يعل إيدي
يا بيكمل بس قاطعته : بسم الله عليك لا تقول جي مهما كان أنت اخوي
سيف : انزين يلا إذا مش زعلانه قومي أكلي
وديمه : والله مالي نفس
سيف : انزين قومي عشاني يلا
وديمه :تمام